කොකා කෝලා, දෙමළා සහ බයියලා - Coca Cola, Tamils & Barbarians

හැමදාම කියනවා වාගේ, අම්මට සිරි ලංකව මහා අමුතු රටක්ය. ඉන්නෙත් අමුතුම ජාතියේ පොරවල්ය. කරන්නෙත් අමුතු ජාතියේ වැඩය. මෙහෙම රටක් තියෙනවා කියා, ඉන්දියාවේ උන් දන්නෙත් නැතිය. ඒ උනාට මේක ළෝකෙන්ම උතුම් රටය. මේ රටේ නැති දෙයක් නැතිය. ඒ උනාට ඇති දෙකුත් නැතිය. ඔක්කෝම අනුන්ගේය. ජාතියත් ඉන්දියාවේ සිංහයකුගේය. ආගමත් එහෙන්ය ධර්මාශෝකගේය. දෙයියොත් එහෙන්ය. කොටින්ම රාවණාත් වාල්මිකිගේය. වාල්මිකිත් ඉන්දියාවේය.

මෙහේ හදනා තරලසාරේ තිබුනත් බොන්නේ කොකා කෝලාය. ඒක බොන එක තරලසාරේ හරි මොරවක මෙඩිටෝ ගහනවා වගේ නෙමේය. මාර පොස්ය. කෝක් නැත්නම් බත් ඩිංග බඩට යන්නේත් නැතිය. නියම සයිස් එකේ කොකා කෝලා එකක් හරි, කෝක් කෑන් එකක් ගහන්න බැරි නිසා, හැම ලබ්බම ෂැෂේ පැකට් එකේ එනවා වාගේ, කෝක් එකත් බඩී එකෙන් අරගෙන ගහනවාය. යාන්තන් උගුර කට වේලුනත්, බෝතලයක් කික් එක තියෙන්නේය.

අපේ අයියලා සැන්ඩි එකට ගන්නෙත් කෝක්ය. කෝක් නැත්නම් ගල් බෝතලෙත් නැත්තේය. කෝක් එකත් පාන් සහ පරිප්පු වගේ අපේ සඟිස්කුරුතියේ එක අංගයක් වෙලා අහකය. පාන් කියන්නේ අපේ ජාතික ආහාරයය. ඒ උනාට සුද්දෙක් ඇහුවොත් කියන්නේ අපේ ප්‍රධාන ආහාරේ බත් කියලාය. පාන් නැතිව පාන් කියා ගන්නවත් බැරි උන්, පාන් පොඩ්ඩක් වැඩි කරපු ගමන්, මූණ පුක දිග රෝස් පාන් වගෙ වෙලා, පාන් වලට රොස් පරොස් කියනවාය. 

ඊට පස්සේ පාන් කියන්න බැරි වෙන්නම පාන් ගෙඩියට බැටේ දෙනවාය. බටහිර කුමන්ත්‍රණ කාරයන්ගේ තිරිඟු පිටි වෙනවාය. දියවැඩියාව හැදෙනවාය, කොලෙස්ටරෝල් චයිනිස් රෝල් වගේ ධමණි අස්සේ වර්ධනය වෙනවාය. ඒ උනාට ඒ පිටි වලින්ම හඳන කේක් අවුලක් නැතිවාය. අපරාදේ කියන්නේ අපේ උන් නම් පාන් නැත්නම් කේක් කාපියව් කියන්නේ නැතිය. උන් කියන්නේ හාල් පිටි වලින් පාන් හදාගෙන කාපිය කියලාය. අපිට කිය කියා ඉන්නේ තොපිට ඕන නම් තොපි හදාගෙන කපියව්ය. හාල් පිටි වලින් හදන පාන් තියා, ඉඳි ආප්ප්යක් වත් මෙළෝ රහක් නැතිය. ඒවා කනවාට වඩා පොල් කුඩුයි පරිප්පුයි කන එක ඊට ආතල්ය.

වැඩිකරපු ගමන් ඒක පර සුද්දාගේ වෙනවාය. සුද්දෝ පාන් ගෙඩි පෙටින් කන්නේ නැතිය. උන් කන්නේ ටෝස් දාලා පෙත්තක් දෙකක්ය. අපි කන්නෙත් පෙති දෙකක්ය. ඒ උනාට පාන් ගෙඩිය දෙකට කපලාය. ඒත් වැඩි කරපු ගමන් ඔක්කෝම උන් බනින්නේ වැඩි කොරනා උන්ට නෙමේය. තුන් වේලටම කන පාන් ගෙඩියටය. ඒ අපේ හැටිය. එහා ගෙදර එකා එක්ක ගේමක් ගියත්, අපේ ගෙදර බඩු පොඩි කරනවා වාගේය. ඒ මොකෝ චන්ඩි උනාට, අපේ උන් චන්ඩි වෙන්නේ ගෙදරට විතරක් නිසාය. ඔක්කෝම කෙලි ඉවර වෙලා ආයෙත් කිසි අවුලක් නැතිව වැඩි කරපු ගානට පාන් ගෙනත් පරිප්පුත් එක්ක කෙලිනවාය.

කෝකා කෝලා ෆැක්ටරියේ බටයක් පිපිරිලා කැළණි ගඟට තෙල් ඇවිල්ලා ඒවා අඹතලේට ගිහින් ටැප් එක දිගේ කොළොම් තොටට ඇවිල්ලාය. ඔයිට කලිනුත් කැළණි ගඟේ තෙල් සීන් එකක කතාවක් තියෙනවාය. ඒ රහතන් වහන්සේ කෙනෙක් මොකක්දෝ බඩු සීන් එකකට මාට්ටු වෙලා, තෙල් කටාරමේ දාපු කේස් එකක්ය. කවුරු හරි ඒ තෙල් ටික කැළණි ගඟට හල්ලන්නට ඇතිය. රත් වෙච්චි තෙල් නිසා ගඟ දිගේ මූදට ගිහිල්ලා, ඒත් කුයික් එකක් එන්නට ඇතිය. ඒ එක්කම ඕන් සුනාමියක් එනවාය. ඒ පාර සුනාමිය කැළණියටත් ඇවිල්ලා කෙලපු පිස්සුව නතර වෙන්නේ, විහාර මහා දෙවී කාවන්තිස්සට සෙට් වෙලාය. (කා වන් තිස්ස කියන්නේ, එකම එක කාරෙකක් තිබුන රජෙක් හින්දා කියල කව්දෝ පඩත්තලයෙක් බුකියේ ඉට්ටේටස් එකක්ද මක්කද එකක් දමා තිබුනේය.)

කොකා කෝලා එකේ බටයක් පුපුරලා ඔයිල් ලීක් වෙලාය. ඒවා අඹතලේට ගිහින් බට දිගේ කොළඹට ඇවිල්ලාය. ඒකට කොකා කෝලා කොම්පැණියට දඩ ගහලාය. ඒ යහපාලනේ නිසාය. අර දේසප්පෙරේමි උන් උන්නා නම් කොරන්නේ ඒක නෙමේය. කොහොම හරි මැදමුලනේ සෙට් එක ඕක ඉල්ලමක් කොරගෙන, කොම්පැණියෙන් ගානක් කඩා ගන්නවාය. ට්‍රැජඩි එකත් ඉන්කම් එකක් කොර ගන්නේ එහෙමය. සුනාමියෙන් ගොඩ යන එක නතර වෙන්නේ, බුකියෙන් ආපු සුනාමිය හින්දාය. නැත්නම් ඉතින් මේක උන්ටම යනවාය. අනික ඔය බියගම පැත්තේ හිටියේ, ඒ රාජපක්ෂ කොම්පැණියේ නියමම ගේම් කාරයාය. 

උන් හිටිය නම් ඕක අත් වැරදීමක් විතරය. මහින්ද මහත්තයා කිව්වා නම්, බයියෝ කොකා කෝලා ඉතරක් නොව සයනයිට් උනත් කනවාය. ඒ අපේ බයියන්ගේ හැටිය. රතුපස්වල උන් පිලිකා හැදිලා මලත්, ධම්මික පෙරේරා PH ලැවල් එකත් හදාගෙන, PHI ලාටත් ගානක් දීගෙන, පරිසර සංවිධානවලටත් සලකාගෙන අදටත් කිසි අවුලක් නැතිව ඉන්නේය. වෙන රටක නම් උන්නැහේට ඉන්න වෙන්නේ මහ උළු ගෙදරකට වෙලාය.

ඒ උනාට මේක ටොයියන්ගේ කාළේ උනාම, බයියන්ට මල පනිනවාය. ඕන් එතකොට පැත්තක ඉන්න අනුර දිසානායකත් පලිය. ඒ යකා කෝකා කෝලා බොන අය නෙමේය. සමාජවාදෙට මාතලන් දන්නා විදියට කොකා කෝලා අයිති නැතිය. මොකෝ ඒවා බහු ජාතික සමාගම්ය. එයාලා කැමති ඒක පුද්ගල සමාගම් වලටය. ඒ නිසා එයාලා බොනවා ඇත්තේ තරලසාරය වගේ දේවල් වෙන්න ඇතිය. ඒ උනාට, එහෙම ඉන්න උන්ටත් ඉන්න දෙන්නේ නැතිය. 

ඕන් දැන් බයියලත් බොන කොකා කෝලා වහ වෙනවාය. එල්ලෙන්න වැලේ වැල් නැතිව ඉන්නා බයියන්ට එල්ලෙන්න දේවල් නැතිව දැන් කොකා කෝලා බෝතලේ එල්ලිලාය. දැන් ඒ ප්‍රශ්ණේ ඉවරය. ආයෙත් කිසි අවුලක් නැතිව කොකා කෝලා බොනවාය. බුකියේ කචලුත් ඉවරය. අනෙක ඉතින් බුකි කාරයෙක් නියෝජ්ජ කතානායක උන එකත්, බුකි කාරයන්ට ආඩම්බරයක් වෙන්න ඇතිය. 

දෙමළාගේ ප්‍රශ්ණයත් ඔහොමමය. මේ පාර පුක බිම ඇනෙන්න වැදුන මහින්ද මහත්තයා සම්බන්ධන් එක්ක ඩීල් එකක් දාලා ආයෙත් බලේ ගන්න අන්තිම තුරුම්පුවත් ගැහුවේය. ඒ උනාට ඒ වැඩේට ගිහිල්ලා සම්බන්තන්ගෙන් කිච වෙලා ඇවිත් අන්තීමට කොරන්න දෙයක් නැති තැන රනිල් දිවුරුම් දෙන එකට ඇවිල්ලා, හිරේ විලංගුවේ නොවැටි ඉන්න මාර ගේමක් දෙන්නේය. 

දැන් ඔය සම්පන්තන් මහින්ද එක්ක එකතුවෙලා ආන්ඩුවක් පිහිටුවලා සම්පන්තන් මහත්තයා ජාතික ආරක්ෂක ඇමති කලත්, බයියන්ට අවුලක් නැත්තෙය. මොකෝ සම්පන්තන් තුවක්කු ගත්තේ නැති උනාට, තුවක්කු ගත්ත කේ පීලා, කරුණා අම්මාන්ලා පිල්ලෙයාන්ලා මහින්දත් එක්ක පට්ට ආතල් එකේ සිටියේය. එකෙක් සිරි ලංකා එකේ උප සභාපති කොමටත් දාලා, සඟ වෙද ගුරු ගොයි කම්කරු, බයි කුඩු එතනෝල් මල් කසියා කියනා සැට් එකට, කොටිත් එක්කාසු කරලා අතල් එකේ උන්නේය. එතකොට උන් කොටි නෙමේය. රට බෙදන්න හදපු උනුත් නෙමේය.. පට්ට දේසප්පෙරෙමි පොරවල්ය.

ඒ උනාට සම්පන්තන් විපස්ස නායක උන ගමන් බයියන්ගේ මොළේ අවුල් වෙනවාය. රට බෙදෙනවාය, පෙඩරල් එනවාය. දෙමළු අපිට පුක පෙන්නනවාය. විපස්ස නායක කමට ඔච්චර දෙයක් කොරන්න පුළුවන් නම්, රනිල් එහෙනම් මාර ගේම් ටිකක් මෙලහකටත් කොරලා තියෙන්නට ඕනාය. මොකෝ එයා අවුරුදු විස්සක්ම විපස්ස නායක් වෙලා උන්න නිසාය. ඒ ඉඳලාත රනිල්ට බලේ අරගෙන දුන්නෙත් ඔක්කෝම එකතු වෙලාය. 

මේ අපේ උන්ගේ හැටිය. මහා වීර ජාතියක්ය කියා කීවාට. ගූ බය සෙට් එකක්ය. උන් දෙමළටත් බයය, තම්බියාටත් බයය, කතෝලිකයාටත් බයය, සුද්දන්ටත් බයය, කොකා කෝලාවලටත් බයය, ගූගල් වලටත් බයය, ෆේස්බුක්වලටත් බයය, අන්තර්ජාලෙටත් බයය, කොට ගවුමටත් බයය, ඩෙනිමටත් බයය, බී ඇම් ඩබ්ලිව් වලටත් බයය, ඒවායේ යන අක්කලාටත් බයය, ගැණු රට යනවාටත් බයය, ගෑණු වැඩට යානවාටත් බයය. ගෙදර ඉන්නවාටත් බයය, 

ඔය ඔක්කෝටම බය උනාට, රට බයියාට යනවාට බය නැතිය.. 

ඒ උනාට....,

ඒකට අපි නම් පට්ට බයය.