බ්‍රෙක්සිට්, ඉස්තාන්බුල් හා අපේ දේශප්‍රේමීන් - Brexit, Isthanbul & Racialism

බ්‍රෙක්සිට් (බ්‍රිතාන්‍යය යුරෝපා සංගමයෙන් වෙන්වීම) ගැන ඉකොනොමිස්ට් ලියපු ළිපියක මා අනාවැකියක් දමමින් සඳහන් කළේ, දැන් ඉදිරියට එන්නේ, තලෙයිබාන්වාදය, නාසීවාදය, සියොන්වාදය යන විවිධ නම් වලින් හැඳින්වෙන, අමුම අමු ජාතිවාදිය රජයන යුගයක් බවයි. එංගලන්තයේ අංකල් ජොන්සන් හා ඇමරිකාවේ ට්‍රම්පට් කාරයා යනු, හිට්ලර්ගේ පුනරුප්පත්තීන් බවයි. එය මනාවට ඔප්පු කරමින් ඊළඟ දිනයේම තුර්කීයේ ඉස්තාන්බුල් නුවර ගුවන් තොටුපලේ පිපිරෙන්නේ "සුවිසයිඩ් බෝම්බ" කරුවන් තිදෙනකු නොවේ. ත්‍රස්තවාදී ප්‍රහාර තව දුරටත් ඉදිරියට යමින්, මේ පුපුරා යන්නේ "සුවිසයිඩ් වොරියර්ලා" තිදෙනෙකි.

මින් පෙර සිඳු වූයේ සඟවාගෙන ගෙන එන බෝම්බය පුපුරුවා ගැනීමක් පමණි. එහෙත් දැන් ඔවුන් බෝම්බය පුපුරා ගැනීමට පෙර වෙඩි තැබීමෙන්ද පිරිසක් ඝාතනය කරනු ලබයි. ඔවුන් ප්‍රහාරයට පැමිනෙන්නේ AK - 47 මැෂින් තුවක්කුද සහිතවය. ඒ කියන්නේ, මින් ඉදිරියට සිදුවන ප්‍රහාරයන්හි මිලේඡ්චත්වය මෙන්ම හානියද අති දරුණුය. මිය ගිය ගනන 37 කට ආසන්නය. තුවාල ලැබූ පිරිස 150 ක් පමණය. මෑතකම ඇමරිකාවේ සිඳුවූ සමූළ ඝාතනය ගැන කෙතරම් තොරතුරු සැඟවූවද, එයද මීට සමානම වූ ප්‍රහාරයකි.

තුර්කිය යනු බටහිරට හිතවාදි රටකි. යුරෝපා සංගමයට හිතවත් රටකි. එමෙන්ම යුරෝපා සංගමයේ සමාජිකත්වය බලාපොරොත්තුවෙන් සිටිනා රටකි. එවන් රටකට එල්ල කරනා ප්‍රහාරයක් කිසි සේත්ම සුළුවෙන් තැකිය නොහැකිය. ඇත්තටම ඉස්තාන්බුල් යනු ග්‍රීක, පර්සියානු, රෝම අධිරාජ්‍යයන්ගේ යුගයන්හි පටන් අද දක්වාම පිහිටීම අතින් ඉතා වටිනා නගරයකි. වර්ථමානයේද ආසියාව හා බටහිර මුන ගැසෙන්නේ මෙහිදීය. ඉස්තාන්බුල් ගුවන් තොටුපල යනු යුරෝපයේ ගුවන් තොටුපල හා ගත්තද, විශාලත්වයෙන් තුන්වන තැන හිමි කර ගන්නා, කාර්ය බහුල ගුවන් තොටුපලකි. සංචාරකයන්ගේ පරාදිසීයකි. මෙය ඔවුනගේ ආර්ථිකට එල්ල කල මරු පහරකි.

එංගලන්තය යුරෝපා සංගමයෙන් වෙන්වී ඉල්ලාගෙන කමින් සිටි. දෙවන වරටත් යුරෝපයෙන් විසිවන්නේ පාපන්දු වලිනි. යුරෝපා කුසලාන තරඟාවලියෙන් එලියට විසිවන්නේ ඉතා කුඩා රාජ්‍යක් වන අයිසලන්තයට පරාජය වීමෙනි. බලගතු ඇන්ජෙලා මර්කෙල් නෝනාගෙන් බ්‍රිතාන්‍යට කිසිම අනුකම්පාවක් නැත. වෙන්වීම සඳහා ගෙවීමට වන දඩයද සුළු පටු නොවේ. බ්‍රිතාන්‍ය පවුමේ අගය බලාගෙන සිටියදි පහළ යමින් පවති. ඇත්තටම මේ වෙන් වී පිස්සු කෙලිය යුතු කාලයක් නොවේ. මුළු ළොවම එකට එක් වී අයිසිස් ත්‍රස්තවාදය පරාජය කළ යුතු මොහොතකි. එවන් අවස්ථාවක එංගලන්තයේ අංකල් ජොන්සන්ලා මෙන්ම, ඇමරිකාවේ ට්‍රම්පට් කාරයාද කරමින් සිටින්නේ, මූලධර්මවාදීන්ට ඔක්සිජන් සප්ලයි කිරීමකි.

යම් කිසි ආකාරයකින්, සංක්‍රමනිකයින්ට එරෙහි (අපේ අයත් බලාගෙන හොඳේ)  අංකල් ජොන්සන් වැනි හිට්ලර් කෙනෙකුට ආන්ඩු බලය හිමි වුවහොත්, එංගලන්තයට සිඳුවන විනාශය ඉතා නුදුරේදීම අපට බලාගත හැකි වනු ඇත. මන්ද යුරෝපයේ, එංගලන්තයේ, ඇමරිකාවේ පමණක් නොව මේ පුංචි ශ්‍රී ලංකාවේද මුස්ලිම් ත්‍රස්තවාදයේ බීජ වපුරා, ගස් වැල් සරුසාරවත්ව වැඩි, ඵලදරාද අවසානය. දැන් ඇත්තේ ඵල නෙලාගැනීමට පමණි. ඇමරිකාවේ ට්‍රම්පට් කාරයා ට්‍රම්පට් ගහන්නේ ඒ සඳහා විය හැක. මෙවන් ප්‍රහාර හමුවේ එංගලන්තයේ අන්කල් ජොන්සන් මෙන්ම, ඇමරිකාවේ ට්‍රම්පට් කාරයා බලයද බලය ලබා ගැනීම ඉර හඳ මෙන් බොහෝම පැහැදිලිය.

මේකේ පට්ටම ජෝක් එක එය නොවේ. එජාපයේ ලෝකල් සුද්දන් දෙදෙනෙකු හා සුද්දියකු බ්‍රෙක්සිට් වලට එරෙහි රැස්වීම්වල බයිලා කියන්න යෑමයි. එය කිසි වරදක් නොවන්නේ, ඔවුන්ගේ ප්‍රතිපත්තිය මව් රටටත් අදාල වේ නම් පමණි. කරුමය කියන්නේ මේ උන්නැහේලාට, ඒංගලන්තේ තියෙන පොල් කීර පෙනුනාට මෙහේ තිබෙනා පොල් පරාලය නොපෙනෙනා එකය. එහෙම නැත්නම්, එංගලන්තයේ වගේම, ලංකාවේද, "සාර්ථක දෙවන වරටත්" ඉල්ලාගෙනම කන්න රෙඩි වෙලා සිටිනා නිසා වෙන්න ඇතිය.

අම්මට සිරි ලංකාවේ අති දරුණු තලෙයිබාන්කරණයක් සිඳු වෙනවා කියා මාතලන් කියන්නේ, නානසාරලාටත් කලින්ම සිටය. අපත් සමඟ වාදයට ආ අන්වර් මනතුංගලා හෙමීට ලෙස්සා ගියේ, සාක්ෂි සහිතවම අප ඒවා පෙන්වා දුන් නිසාමය. ඒ එක පැත්තකි. අනෙක පාදඩ හාන්දුරුවන් පිරිසක් හොරුන් සමඟ හෙළුවෙන් නටමින් රට ගිනි තියන්නට දර දම්මින් සිටීමයි. මොවුන්ගේම පිරිසක් වන වෛද්‍ය මාෆියාව, අලුතෙන්ම නිවේදනයක් නිකුත් කරමින් පවසා ඇත්තේ, එට්කා අත්සන් කලහොත්, සියළුම වෘත්තීය සමිතින් හා එක්ව, රට  අරාජික කරනා බවයි.

මේ සියල්ල හමුවේ කර බාගෙන සිටිනා ආන්ඩුවක්, අපට නම් පේන්නේ, ප්‍රජාතන්ත්‍රවාදය ගරු කරනා ආන්ඩුවක් ලෙස නොව, ගොබ්බ ආන්ඩුවක් ලෙසය. අපේ හාමිනා මෙන්ම රටේ අති බහුතරය, මේ ආන්ඩුව අමතන හැටි ඇත්තටම මෙතන කියන්න කැතය. මේ වාගේ හාල්පාරු ආන්ඩුවක්, චන්ද්‍රිකාගේ කාලයේවත් තිබුනේ නැත. ජේ ආර්ගේ කාලයේ, චන්ද්‍රිකාගේ කාලයේ මෙන්ම, ජනරංජන මන රංජන සම්මාන් වලින් සාසනයෙන් පුද ලද මහින්දවත්, හාන්දුරුවන් පයිසෙකට මායිම් කලේ නැත. ෆොන්සේකට පක්ෂව සත්‍යග්‍රහ කරන්න යන කොට ඇහුවේ, අපේ හාමුදුරුවෝ මූනීස්සම් වළඳන්නට හෝ දත් නැතිව බත් වළඳන්නට මනාපද කියා පමනි. ඊට පස්සේ ඒ සිවුර යොදා ගත්තේ මහා රජානෝ වඩින මඟ පාවඩ සඳහාම පමණි. කෙටියෙන් කියනවා නම් ඒ කාලේ සිඳු වූයේ හාන්දුරුවෝ උන්වහන්සේට පුක උඩට වඩම්මා වඳිනා එකම පමෙනකි.

මේ එන්නේ ජාතිවාදීන්ගේ, ආගම්වාදින්ගේ, ත්‍රස්තවාදීන්ගේ යුගයකි. එම ප්‍රවනතාව ළෝකය පුරාම පවතින දෙයකි. මොවුන්ට ඉඩ දුන් විට අසරන වන්නේ, නිවිහැනහිල්ලේ සාමයෙන් ජීවත් වීමට කැමති අති බහුතරයක් වූ ජනතාවයි.

ලී කුවාන් යූ සිංගප්පුරුව හැදුවී ජාතිවාදයට මෙන්ම විරුද්ධවාදීන්ටද දැඩි නීතී පනවමිනි. රට දියුණු කරනා තෙක් අවශ්‍ය ප්‍රජාතන්ත්‍රවාදයක් නැත. ප්‍රජාතන්ත්‍රවාදය ලැබිය යුත්තේ දියුණු රටකට පමණි. ඒ ලැබුනද ජාතිවාදි අදහස් ව්ලට කිසිදා ඉඩක් නොතිබිය යුතුය. මන්ද, එය මිනිසාට ස්වයංව පාලනය කර ගත නොහැකි කාළකන්නි ගෝත්‍රික සිතිවිලි සමුදායක් නිසාය.

විධායක ජනාධිපති කම කියන්නේ විස දළ සහිත පෙනය පිප්පිය යැකි බලගතු නාගයෙකි. එහෙත් ඒ කාලයෙත් පෙනේ පුප්පපු නැති නයි, දර මිටි බඳින්න යොදා ගත් ගැහැනුන් සිටී බව කියන්නේ, අප නොව, පරණ පුස්තකයන්ය. නයාගේ අගය පේන්නේ ඌ පුප්පන විටය. එහෙත් අපට ඉන්නේ, හාන්දුරුවන්ට බයේ ප්‍රකාෂ නිකුත් කරනා අගමැති කෙනෙක්ය. ආන්ඩුව වැටෙන නිසා කුඩු කාරයෝ රකිනා ජනපති කෙනෙක්ය. සමහර විට එහෙම පුප්පන්නේ නැත්තේ. "ප" යන්න නැති විසා වෙන්න ඇතිය. බයියෝ නම් කියන්නේ ආන්ඩුවට "ප" යන්න "ක" යන්න දෙකම නෑ කියලාය.