හිඟන්නන් බලයට පත්වීම - The Politics of Antisocial Behaviour

පළමු හිඟන කන්ඩායම

දෙවන හිඟන කන්ඩායම

සියල්ලටම කලින් තමන්ට ලැබීමට නියමිත කෝටි දෙකහාමාරක වාහනය ලබා නොගෙන එම මුදල් කළාකරුවන් වෙනුවෙන් වෙන් කරන්න යැයි කියූ පාලිත තෙවරප්පෙරුම "මැතිතුමාට" අපේ උපහාරය.

සුමිත් පිලපිටිය මහත්මයාගෙ (බය නැතිව මහත්මයා කියන්න පුළුවන් මිනිස්සූ) ඉල්ලා අස්වීම ගැන ලියපු කලින් බ්ලොග් සටහනට කොමෙන්ට් එකක් දාන අපේ "ළොකු පුතා" මහත්තයා කිව්වේ, ඔය කුණු ප්‍රශ්ණෙට වග කියන්න ඕන ජනතාව කියලා. මට ඒ කතාවට මල පැන්නට, අපේ රසික සූරියාඅරච්චි මහත්තයා බුකියේ දාපු පෝස්ට් එකක් දැක්කාම හිතුනේ, අම්මට සිරි ලංකාවේ බුද්ධිමත් ජනතාව පිස්සුම නේ යකෝ කෙලින්නේ කියලා.

උන්නැහේ මෙහෙම කියනවා.. //අරුංට ම දුන්නා නම් උන්ට අතුරුපස විතරයි කන්න තිබුනේ. දැන් මෙන්න මුං ඔන්ට්‍රේ එක කාලා, ෆස්ට් කෝස් එක කන්න පටන් අරං. ඊළගට මේන් කෝස් එක. ඊටත් පස්සේ, ඩෙසර්ට්, ඊළඟට කෝපි. අන්තිමට කොඤ්ඤැක්.// බලාගෙන ගියාම කතාවේ ඇත්තක් නැත්තෙමත් නෑ.

මෙන්න මේ හේතු දෙක උඩ, සෑම විසයක් පිළිබඳවම හසල දැණිමක් තියෙන මහාචාර්වරයෙක් වසයෙන්, මාතලන් තුමා මේ ගැන ගැඹුරින් හැදෑරීමක් කොලා (හැදෑරීමක් හා රීමක් යනු සංසිද්දීන් දෙකක් බව අවබෝධ කර ගනු මනාය.) එහෙම හැදෑරීමක්  කොරන්න සිද්ද උනේ, "රථ ගාය" කියන බයානක රෝගය ගැන අති දරුණු ගනයේ කතා බහක් මතු වෙලා තියෙන නිසා.

"අපි මේ ණය ගන්නේ කන්න නෙමෙයි අපේ හාන්දුරුවනේ, සංවර්ධනේට.. සංවර්ධනේට..." කියාපු, හිටපු මහරජ තුමා සංවර්ධනයක් නොකර හොරා කෑවා කියලා නේ දැන් බලයට පත් වෙලා ඉන්න යහපාලන මහත්වරු කියන්නේ. ඒ කිව්වට, නැව් ආවේ නැති උනාට, අරෝප් පෙලේන් නැති උනාට, ක්‍රිකට් ගහන්නේ නැති උනාට, එයා මහා සංවර්ධන වැඩ කොලා කියලා අපි අපේ ඇස් දෙකෙන්ම දැක්කා නේ. දැක්කා කියන්නේ, එයා පෙන්නුවා හිටං නේ. ජනතාව සිරීපාදේ වඳින්න යනවා වගේ, පොසොන් එකට අනුරාජපුරේ වඳින්න යනවා වගේ ඕවා බලන්නත් ආවා මතකනේ.

අම්මපා ඔහේලට කියන්න ඔය පෝට් සිටි එක බලන්න සිටි ඔප් කොලොම්බු වලට ආපු හුදී ජනතාව නිසා, පාරවල් වල ටැපික් තිබුනා, වෙසක් කාලෙට වඩා. ඉතින් එහෙම සංවර්ධනයක් කොරන ගමන් පෝඩ්ඩක් සාකුවෙත් දාගන්න ඇති. මහ සයුරෙන් දිය දෝතක් ගත්තට, මහ මූදට දැනෙන්නේ නෑ කියනවනේ. ඉතින් එයාලත් මේ රථ ගාය ඇම්මෙටම තිබුනා. ඔය මහින්ද මහත්තයගේ වාහන සංචිතේ වාහන දාස් ගානක් තිබුනය කියනවනේ. ඒකනම සහතික ඇත්ත.

ඔය මහින්ද මහත්තයා ඉතරක් නෙමෙයි. ඝෝථාභය මහත්තයා, බැසිල් මහත්තයා, අපේ ශිරන්ති මැඩොම්, නාමල් බේබි, යෝෂිත බේබි, අපේ රොකට් බේබී එහෙම පාරේ එනකොට, බලන්න ලස්සනයි. ඉස්සෙල්ලම දළදා පෙරහැර වගේ පාර වහනවා. ඉස්සෙල්ලම එනවා කස කාරයෝ. ඒ කියන්නේ ටැපික් පොලිස් පොරවල්. උං සීන් සීන් ගාලා විදිනවා "යමා" බයික් වල. පාරේ ඉන්න ටැපික්ලා හයි ඉස්පීඩ කියලා අල්ලන්නෙත් නෑ. ඊට පස්සේ හමුදා උත්තමාචාරේ දෙන්න, උන්ගේ බයික්. ඊට පස්සේ ඩීෆෙන්ඩර් පහක් හයක්, ඊට පස්සේ ඕන් බී ඇම් හරි බැන්ස් හරි වාහන තුනක්, එක ජාතියේ.

මේන් මේ වාහන පන්තියේ තමයි ඇත් පන්තියේ වගේ ධාතුන් වහන්සේ වැඩ ඉන්නේ. මොකේ ඉන්නවද කියලා හරියට කියන්න බෑ. ඒත් ඉතින් අපිට මාර සන්තෝසයි. උන් ඒකේ උන්නත් නැතත්. මොන ධාතුවද තියෙන්නේ කියලා නිච්චියක් නැතත්, අපි ඉතින් දෙකට නැමිලා වඳිනවා. අත වනනවා, අප්පච්චි වෙන්ඩැති, ඝෝඨාභය ‍යෝධයා වෙන්ඩැතී, නා මල වෙන්ඩැති, ටෙන් පොසන්ට් වෙන්ඩැති කියලා ඔට්ටු අල්ලනවා, එක විකාරයයි.

පෙරෙහර ඉවරද පින්වත්නි නෑ. ඊට පස්සේ ආයෙත් ඩිෆෙන්ඩර්. ඊට පස්සේ අම්බීලන්ස් එකකුත් එනවා. හැබයි කෑං කූං ගානේ නෑ. මේ එන්නේ අර බයිසිකල් කාරයෙක් එහෙම වැටුනොත් ඇක්සිඩන්ට් ඕඩ් ගෙනියන්න. ආයෙත් හමුදාවේ බයික්. ඊට පස්සේ ටැපික් බයික්. ඊට පස්සේ අර පාරේ ඉන්න පොලිස් මහත්තුරු නවත්තගෙන උන්න, මරූටී, ටෝයෝටා, හොන්ඩා වගේ, සුදුසුකම් නැති උන් ලීස් දාලා, හතර අතේ ණය වෙලා ගත්ත වාහන.

උණුත් අපේ ආඩම්බරකාර අප්පච්චි, අපේ විහාර මහා දේවී, ගැමුණු කුමාරයා, අපේ සාලිය කුමාරයා, අපේ දසමහා යෝධයෝ ගියපු ඉස්පීඩ් එකේම පස්සෙන් තියලා අල්ලනවා. ඔන්න ඔතනදි තමයි පුක ඉරා ගන්නේ. පාරේ ඉන්න ටැපික් පොලිස්ලා දන්නවා, මුන් මේ සුදුසු නැති පොරවල් කියලා. උන් කනු අස්සෙ හැංගිලා ඉඳලා, හාවෝ වගේ පාරට පැනලා, අර හාල්පාරුවෝ නවත්තනවා. ඊට පස්සේ ඉතින් එක්කෝ රජයට, එහෙම නැත්නම් රාලහාමිට ගෙවන්න ඕන. ඒ ගෙව්වත් ඉතින් පාඩු නෑ. අර සුදුසු අය යනවා වගේ ගියානේ කියලා සතුටින් විසර යනවා.

එයාලා ඉතරක් නෙමෙයි ඔය දැන් අළුතෙන් රථ ගාය හැදිච්ච හිඟන්නෝන්ට කින්ඩිය දාන, හිටපු හිඟන්නොත් ඒ කාළේ ගියේ එහෙමයි. රජගෙදර උන් ඉතරක් නෙමෙයි, රජගෙදර රිලවත් ගියේ එහෙමයි. රිලවා විතරක් නෙමෙයි රිලවිත් ගියේ එහෙමයි. උන් කැමති නෑ ,අළුතෙන් ආපු හිඟන්නෝ එහෙම යනවට. ඒ මොකෝ උන් දැන් හිඟන්නෝ නෙමෙයි. මහා ව්‍යාපාරිකයෝ. කොම්පැනි කාරයෝ. ඩියුටි ප්‍රී ෂොප් අයිති පොෂ් පොරවල්. යොට් හිමිකාරයෝ. ඉතින් අළුතෙන් ආපු හිඟන්නොත් ඒ ලෙවල් එකට එන කොට අරුන්ගේ ඇඟේ මාළු නටනවා.

දැන් අපි එමු ළොකු පුතාගේ කතාවට. මේවා ඇවිල්ලා ජනතාවගේ වැරද්ද කියන කතාවට. සහතික ඇත්ත. ඔය මංතීරු ගලවන තකතීරූ ජෝන් ගොයියා කියන කතාවත් සහතික ඇත්ත. දැන් බලන්න ඔය තමන්ගේ මහන්සියෙන් හරි හම්බ කරපු අය වගේම, හොර බිස්නස් කරන උනුත් මේ රටට ගේනවා, හෙට එලියට දාන්න තියෙන බෙන්ස්, බී ඇම්, ඇල්ෆා රෝමියෝ, පෝසේ, පියුජෙට්, චවර්ලැට්, ලෑන්ඩ් කූසොර්, ලෑන්ඩ් රෝවර් වගේ ප්‍රකෝටිපතියෝ යන වාහන. ඕවා ඩියුටිත් එක්ක කෝටී දහයක් ඉතර වෙන වාහන. ඉතින් උන්ව පාලනය කරන එකා මරූටියක හරි, අඩු ගානේ කෝටී එකහා මාරේ හරි වාහනේක ගිහිල්ලා හරියනවද? එහෙම ගියොත් උන්ව ගනන් ගන්නේ කව්ද? හිරු ඇෆ් ඇම් අයිති රෙනෝ සිල්වා මහත්තය යන්නෙත් ඩිෆෙන්ඩර් එක්ක ගාඩ් දාගෙන, ඉතින් අරුන්ට එහෙම නැතිව කොහොමද?

එතකොට බලාගෙන ගියාම මේ රටේ ජනතාවම තමයි මේවට වග කියන්න ඕන. උන්ට "ජනතා සේවය" කරන්න, (අම්මගෙ රෙද්දක් කරනවා ජනතා සේවේ... නියමෙට කියයි සාලාව පැත්තේ ගිහින් ඇහුවා නම්. අපදා ඇමතියා කියන එකා හොයා ගන්නත් නෑ)  මේ වගේ වාහනයක් නැතිව කොහොමද? නිකං හිතන්න, අපේ සුජීව සේනසිංහ මැතිතුමා හරි, හරීන් ප්‍රනාන්දු මැතිතුමා හරි එනවා ඇක්සියෝ හයිබිරිඩ් එකක, කවුරුත් නැතිව තනියෙන් එලවගෙන, (බලයට එන්න කලින් ගියා වගේ) කව්ද එතකොට එයාලව ගනන් ගන්නේ.

හැබයි රසික කියනවා වගේ, හිටපු හිඟන්නෝ සැට් එක කාලා කාලා දිරව ගන්න බැරිව ඉස්මුරුත්තෙටම ඇවිල්ලා, ඩෙසර්ට් එක කකා උන්නේ. උන් තව දුරටත් හිඟන්නෝ නෙමෙයි. ඉතින් අපි තමයි ගිහින් අළුත් හිඟන්නෝ සෙට් එකක් එතනට යැව්වේ. දැන් උන් ඒ හිඟන මානසිකත්වයෙන් ගොඩ එන්න දඟලනවා.

ඉතින් ජනතාවට යුතුකමක් තියෙනවා මීට පස්සේ මනාප ඉල්ලගෙන එන උන් කඳු පල්ලම් වල යන්න පුළුවන් ෆෝ වීල් ඩ්‍රයිව් පත වාහනයක් තියෙන. ඒක පරණ උනාම අළුත් එකක් ගන්න පුළුවන් එකෙක්ද කියලා හොයලා බලන්න. එහෙම නැත්නම් ඉතින් අපිට වෙන්නේ හැමදාම හිඟන්නන්ට දන් දිදී ඉන්න.

මහා අල්පේච්ච ජීවන රටා ගැන ළොකු සිරා ටෝක් දෙන උත්තමයන්ට. අපිට පටි තද කර ගන්න කියලා ගහන්න තියෙන හැම බද්දම ගහලා ජනතාව අමු හිඟන්නෝ කරලා තියෙන වැට් මෑන්ලට. හැම එකටම උත්තරේ රාජපක්ෂ... රාජපක්ෂ... කියන රනිල් මහත්තයලට අපිට කියන්න තියෙන්නේ, මේ හිඟන්නෝන්ට ආතල් දෙන එක පැත්තක තියලා, ගේනවයි කියපු යහපාලනේ ගේන්න කියලා. (අඩුම ගානේ මාධ්‍යන්ට යන්න නොදී, මේවා හොරෙන් කරන්නවත් මහින්ද මහත්තයගෙන ටියුෂන් ගන්නවා නම් හොඳයි.)

ඇත්තටම ඇපේ ජනතාවටත් පිස්සු. උන් හිඟන්නොන්ට උණු බත් දෙනවා ඉතරක් නෙමෙයි. වැටුත් ගෙවනවා. ආන්ඩුවට පෙට් ඉස්කෑනුත් අරගෙන දෙනවා. ගං වතුරෙන් අනාත වෙච්ච උන්ට කන්න බොන්න අඳින්න දෙනවා. උන්ට ගෙවල් හදලා දෙන්න යනවා. ඒ මදිවට ධාතු කියලා ජනතාව ගොනාට අන්දලා පෙන්නන ඇට කෑලී බලන්න යනවා. දැන් රජ ගෙදර බලන්න යනවා. ඉතින් අර හිඟන්නොත් බලනව ඇති, උන් ඔක්කොම කරද්දි, අපි මක්කටද පුක ඉරා ගන්නේ කියලා..

එහෙම බලාගෙන ගියාම වාහනයක් ගැනීමට නොසුදුසු හිඟන්නෝ සෙට් එකක් එක දවසෙන් කෝටිපතියෝ කරන්න මෙතනට යවපු ජනතාවම තමයි වැරදි කාරයෝ.

මේ මම බුකියේ ලියපු හබරල කයියක්...

ලැජ්ජා කරන්න එපා ජනාධිපති තුමා...
**********************************

ජනාධිපති මන්දිරේ (රජ ගෙදර) ජනතාවට විවෘත කරනවා..
-
පොඩි උන් ජනාධිපතිගෙන් ප්‍රශ්ණ අහනවා..
-
දෙමළ කොලු පැටියෙක් අහනවා ඇයි ඔබතුමා මේකේ ඉන්නේ නැත්තේ කියලා..
(සෙට් කරලද දන්නේ නෑ...(ටිකක් ඒ වගේ ගතියකුත් පේනවා))
-
ජනාධිපති තුමා "සිරා ටෝක්" එකක් දෙනවා.. එයා එතන උන්නොත්, මාසෙකට ලක්ෂ 150 ක් ඉතර වතුර බිල් ලයිට් බිල් වලටම යාවිලු.. අනික එතන උන්නොත් හිතන පතන විදියත් වෙනස් වෙයිලු..
-
අපිට ලැජ්ජා කරන්න එපා ජනාධිපති තුමා.. අවුරුද්දටම යන්නේ ලක්ෂ 1800..
-
ළෝකයා හිතයි අපේ ජනාධිපති තුමා හිඟන්නෙක් කියලා..
-
අපේ රට හිඟන රටක් කියලා..
-
හිතන්න පටන් ගන්න...
-
සරත් ෆොන්සේකලා වගේ... රටට කෙලවෙලා තියෙන වෙලාවේ කෝටී 5 හේ වාහන ගන්න සිටුවරු වගේ...

-x-