පිස්සු පීකුදු විප්ලවේ, හෙලිකොප්පර් හා නයිට් ක්ලබ් කුඩු කිරීම - Funny Revolution with mobs

ප්‍රංශ විප්ලවයේ සිතුවමකි- මෙහි පිස්තෝල දෙකක් අත් දෙකින් දරා සිටින්නේ පොඩි බෝයි කෙනෙකි..

ජනවාරි අට වෙනස සම හරක් හඳුවන්නේ විප්ලවයක් ලෙසය. ඒ වගේ මළ මඟුලකට විප්ලවයක් කියනවා නම්, ඉතිහාසයේ සිඳු වූ අනෙකුත් විප්ලවයන්ට වෙන නමක් දාගන්නම වෙනවාය. මේ සිඳුවෙමින් පවතින්නේ අඩු වැඩි වශයෙන් කලින් තිබූ පාලනයේම දිගුවක් පමණක්මය. කරුමය කියන්නේ, එහි පැවති ජනතා විරෝධි දූෂණ අක්‍රමිකතා මෙන්ම, නාස්තිකාර වියදම් හා ගැහිලි පමණක් නොව නොම්මර එකේ ගොන් ආතල්ද  ඒ ආකාරයෙන්ම තව දුරටත් සිඳුවීමය. 

එජාපයේ මුදල් අමාත්‍යවරයා අය වැය මඟින් ඉතා හොඳ යෝජනා ගෙන ආවද, 56 කාළකන්නි රෙදි බැනියම් කාරයෝ ඒ සියල්ලම නොපිට පෙරලුවෝය. කාළකන්නි බයියන්ට හා ගෝත්‍රික සිතුවිලි වලට නොගැලපෙන්නේ වුවද, රටක් වශයෙන් ගත යුතු නිර්භීත පියවරයන් පවා රෙදි බැනියම් විධායකයක් ඉදිරියේ හකුලා ගැනීමට සිඳුවීම මහා කරුමයක්මය.

නැවත බලයට ඒමේ කිසිම වුමනවාක් නැතෙයි කියූ පොදු අපේක්ෂකයා, තම බලය රැක ගැනීම සඳහා, ජනතාවගේ මුදලින් කප්පම් ගෙවමින්, දොල පිදේනි දෙමින්, මන්ත්‍රිවරුන් බාගැනීම දිගටම කරගෙන යමින් සිටින්නේය. මහින්දද කලේ මෙයම වන අතර ඉදිරියට කරන්නට සිටින්නේද මේ ක්‍රමයමයි කියා දස අතේ දිවුරා කියන්නේය. මුන්ගේ බලය රැක ගැනීම සඳහා ඔළු ගෙඩි වලට ගෙවනා වටිනා කම් කෝටි ගනනක්ය. ඒවා උන්ගේ අම්මා අප්පගේ දේ නෙමේය. ජනතාවගේ මුදල්ය.

තීරු බදු රහිත වාහන ගෙන්වීම අහෝසි කිරීම ඉතා හොඳ ජනතාවාදි යෝජනාවක් වුවද, අවසානයේ සිඳු වූයේ කුමක්ද? රෙදි බැනියම් කාරයන්ගේ විරෝධය හමුවේ එය හකුලා ගන්නට වීමය. සම හරක්ගේ මාමාවරුන්ට අංශභාග හැදිච්චි ඒවාත්, අප්පච්චි මළ දරුවන්ගේ බෙල්ලේ, පුකේ අමාරු හැදීමත් වගේ රෝග නිධානයන් ගැන ආශික් කතා කියා අන්තීමේදි ඒ යෝජනාව හමස් පෙට්ටියට දැම්මේය. කෙසේ වෙතත් මුන් ඇවිත් තියෙන්නේ රට හදන්න නොව, මහින්ද පාලනය කාලේ ගෙන ගිය නරක ආදර්ශ ඉදිරියටම ගෙන යාම කියා තේරෙන්නේ, ගොනා උනත් මං ගොන්පිලයා පාර්ලිමේන්තුවේ අහපු ප්‍රශ්ණයෙන්ය. 

මේ තරම් සැප වාහන් තිලාත් මුන් පොඩි දුරක් යන්න පවා දැන් භාවිතා කොරන්නේ හෙලිකොප්පර්ය. හිටපු එජාප නායකයින් දෙදෙනෙකුගේ පුත්‍ර රත්නයන් වන, සජිත් හා නවින් කොතරම් රඹ ටෝක් දුන්නද, එයාලාටත් මේ රෝගය හොඳම එකෙන් තියෙනවා කියා මාට්ටු උනේ, දෙන්නා ගියපු හෙලිකොප්පරේ එළවලු කොටුවකට බාපු වෙලාවේය. එතනදි දෙන්නාම කිව්වේ ඒක රජයේ එකක් නොවනාතර එජාපයේ ගමගේ මහත්තයාගේ එකක් කියලාය.

ගමගේගේ බිස්නස් එකේ හෙලිකොප්පර නොමිලේ දෙනවා කියා හිතනා එකම ලොකුම විහිළුවය. මහින්ද තම බලය යොදවා පානම ප්‍රදේශයේ අත් පත් කර ගත් ඉඩම් ටිකට ගේම දාන යන්නේ වෙනින් කවුරුවත් නොව, දයා ගමගේ මහත්තයාය. එහෙම තන්හා කාරයෙක් තමන්ගේ හෙලිකොප්පර් කීයටවත් නොමිලේ දෙන්න ක්‍රමයක් නැත්තේය. 

කරුමේ කියන්නේ එයාලා හෙලිකොප්පරයෙන් ගිහින් එතන ඉඳලා ත්‍රී වීලර් එකේ නොයාමය. එයාලා හෙලිකොප්පරෙන් ගියාට එයාලගේ වාහන එතනටම යටින් යනවාය. ඉතින් මේ කෝටි ගනන් කාබාසිනියා කර ගෙන යන්නේ මුන්ට තිබෙනා රෝගයකට මිස වෙන කිසිවකටත් නෙමේය. මම හිතන්නේ මේ වගේ ෆැසිලිටීස් මොන්ටිකාලෝවලත් ඇත්තේ නතෙයි කියාය. මේ තරම් ජනතා මුදල් කාබාසිනියා කරන දේශපාලුවන් පිරිසක් මාතලන් නම් හිතන්නේ ලොවේ කිසිඳු රටක නැතෙයි කියලාය.

එහෙම නම් කොරන්න තියෙන්නේ බෙල්ලේ අමාරු, අංශභාග, පුකේ අමාරු වැනි රෝග නිවාරනයටත් ජනතාවට පට්ට කුවික් සර්විස් එකක් දීමටත් හැම එකාටම හෙලිකොප්පරේ ගානේ ලබා දීමය. මේ පුංචි රටේ එ කාළේ මෙහෙම හොඳ තත්වයේවත් පාරවල් නැතිව ජනතාවට රටට යමක් කරපු උන් සේවය කලේ උඩින් ගිහිල්ලා නෙමේය. තනියෙන්ම වල ගොඩැලි තියෙන පාරවල් වල තමන්ම වාහනේ එලවාගෙන ගිහිල්ලාය. ජනතාවත් එක්ක එකට ඉඳලාය. දැන් තියෙන උන්ට තියෙන්නේ වෙන මක්කත් නොව නොම්මර එකේ රථ ගායය. එයිටාමතරව උඩින් යන රෝගයකුත් වැළඳිලාය.

කෘෂිකර්ම අමාත්තියන්ෂයට ගත්ත සබීතාගේ බිල්ඩිම, ජාතික කරුමයක් වී ඇත්තේය. කෝටි ගනන් මුදල් ගිල්ලාට අද වන තෙක් බිල්ඩිම එහෙමමය. තා ටික දවසකින් ඒ වගේ බිල්ඩින් 10 ක් විතර සබීතා ජයසිංහ හදලා තියෙනවා කීවොත් අපි පුදුම විය යුතු නැතිය. ඒ අමාත්‍යන්ශයේම නිළධාරිනියක් ඉවත් වී තිබෙන්නේ, කිරි අම්මාවරුන්ගේ දාන දෙන්න මුදල් පාස් කොරන්න බෑ කිව්වා කියාය. එම නිළධාරිනියට අපගේ ගෞරවය නොමදව හිමි වෙනවාය. ආන්ඩු පෙරලන්නට මූලික වූවා කියා රටේ ධනය හිතේ හැටියට කෑමට ඔහේලාට කවුරුත් වරම් දුන්නේ නැතිය. කිරි අම්මාවරුන්ට දාන දෙනවාට වඩා ගොබ්බ ආන්ඩුවේ අපලේ නැති කර ගන්න, හොඳවයින් දහ අට සන්නියකුත් නැටුවානම් බොහෝම හොඳය. 

මහින්දගේ දරුවන් පිස්සු කෙලියද, කවදාවත් මර්විනයාගේ පුතාගේ ලැවල් එකට වැටුන බවක් නම් මාතලන්ට මතක නැත්තේය. ඒත් අද එන්රිකේ ඉග්ලේසොස්ට මඩු වලිගෙන් කෙලින්න යන, මිනිස්සු බොනවා කියා සිකැරට් අරක්කු වලට කෙලින්න යන, ගෑණු බියර් බොනවාය කියා විස්සෝප වන, රජ කාලේ දඬුවම් පාසල් දරුවන්ට දෙන්නෙයි ඕන කියා රට හදන්න යන උන්දෑට, ගෙදර එකාවත් හරියට හදා ගන්න බැරි වෙලා තියෙනවාය. මේවාට කියන්නේ ලෝකෙට පරකාසේ ගෙදරට මරගාතේ කියලාය. 

එක්කෝ ජනතාවට ගොන් ආතල් දීලා, කිං කැකිල්ලේ වෙන්න යනවාට වඩා, කටට එන හැමදේම නොකියා ඉන්න හිතට ගන්නවා නම් බොහෝම හොඳය. එහෙම නැත්නම්, නීතිය එක එකාට එක එක ක්‍රමේට නවලා අරින්නේ නැතිව, හැම එකාටම එක විදියට ක්‍රියාත්මක කොරන්නෙයි කියනවා නම් බොහෝම හොඳය. මොකෝ, ඔය පාට් හැම දාම දාන්න බෑ කියා මේ රටේ ජනතාව ජනවාරි 8 වනදාවක පෙන්නු නිසාය. අනික, වැලි රාජු කෑවා වාගෙම වෙලාවක රිටර්න් එකත් එන්න පුළුවන් නිසාය. 

රට හදන්න කලින් දරුවෝ හදා ගන්නා එක බොහෝම හොඳය. මේ පළවෙනි අවස්ථාව නොවේය. මාධ්‍යවලට එකසිය ගානට බලපෑම් කරනවා කියා නිව්ස් එනවාය. ඒවා යහපාලනයට හොඳ දේ නෙමේය. දරුවන්ට හිතේ හැටියට පිස්සු කෙලිඳ දුන් ගිරුවාපත්තුවේ පොර, පිස්සෙක් වගේ හන්දි ගාගේ කෑ ගගහා යන්නේ, නියපොත්තෙන් කඩන්න තිබුන දේ නොකර ඒවාට උඩ ගෙඩි දීපූ නිසාය. එහෙම නැතිනම් ඉතින් සිද්ද වෙන්නේ, මේවායේ රිටර්න් එකට රෙඩි වෙන එකය. මොකෝ බලය සදාකල් පවතින්නේ නැති නිසාත්, වෙන එකෙක් දෙන රිටර්න් ගැන, දැන්ම අනවැකි කියන්නට නොහැකි නිසාත්ය.

එදාට ඔහේලා බෙරා ගන්නට බෑන් කීන් චූන්ලා වත්, ඔබාමාලා වත්, මරකෙල් නෝනාලාවත් එන්නේ නැතිය. කන පරිප්පුවක් කන්න වෙන්නේ තනියෙන්ය. ආන් එදාට අපි ඕවාට නෑ කියා, අපිත් අත හෝදා ගන්නවාය.

රෙද්දේ යහපාලනයට ත්‍රිවිධ රත්තනත්තරේම පිහිට ආරක්සාවොය...

Cartoon by - Awantha Artigala