සිහිනය මිය යාම - Dead Dreams

මගේ ඥාති පුත්‍රයෙක්, පවුලේ එකම දරුවා. මේ දරුවා ක්ලබ් ක්‍රිකට් ක්‍රීඩාවේ ජනප්‍රිය චරිතයක්, පාසල් සමයෙත් ප්‍රසිද්ධ පාසලක ජනප්‍රිය ක්‍රිකට් ක්‍රීඩකයෙක්. නමුත් මේ දරුවට "අසීමිත නිදහසක්" දීලා තිබුනා. ඔහු දුම් පානය කරණවා, මත්පැන් බොනවා, ගංජත් බොනවා, (මමත් මේ සියළු දේ කරණවා සීමාවක් ඇතුව හා පරිසරයට අනුකූලව) ආශ්‍රය කළේ නරක මිතුරන්, නිතරම ගෙදරින් පිට සිටියේ. නමුත් මේ දේවල් ඒ දෙමව්පියන්ට ළොකු දේවල් උනා, . අහිංසක නිහතමානි දරුවකු උනත් ඔහුත්, දෙමව්පියනුත් මේ කාරණය උඩ පවුලෙන් දුරස් උනා. එයා ක්‍රීඩාවෙන් රජ වෙයි කියල හීන දැකලා ඒ සෑම දෙයටම ඉඩ දුන්නා. නමුත් නරක ආශ්‍රයත්, පුරුදුත් නිසා ජාතික කන්ඩායම මෙන්ම, ක්ලබ් ක්‍රිකටුත් සෑහෙන මෙයාගෙන් දුරස් උනා...

එහෙත් ටී 20 ළෝක කුසළානයට ආපු නෙදර්ලන්ත කන්ඩායමෙන් ආරාධනාවක් ලැබිලා, එහේ ක්‍රීඩා කරන්න. ඒවටත් ඩොකියුමන්ට් ලෑස්ති කරන්, ලබන මාසේ විවාහ වෙන්නත් ඉඳලා තියෙන්නේ. පෝය දවසෙ රෑ කොල්ලා යාලුවෙක්ගේ ගෙදර නිදිම ඇඳේම මැරිලා.. අද ඒ සියළුම සිහින බොඳවෙලා, පෙට්ටියක තැන්පත් වෙලා.


දැන් අම්මා අර යාළුවන්ව සැක කරණවා. ඒ නිසා මරණ පරීක්ෂනයට සෑහෙන වෙලාවක් ගත උනා. මරණ පරීක්ෂණයෙදි එළි වුනා, ඔවුන් එදා රෑ ගංජා පානය කළ බවත්. ඇඟට අමරුයි කියා නිදා ගන්න ගිය බවත්. නමුත් මරණ පරීක්ෂණයෙදි අධිකරණ වාර්ථාවෙන් කියවුනේ. මෙය මිනිමැරුමක් නොවන බවත්, හාට් ඇටැක් හෝ නහරයක් පිපිරිමකින් හෝ සෙම සිරවීමකින් සිඳුවූවක් නොවන බවත්. එම නිසා විවෘත තීන්දුවක් ලබා දුන්නා. පස්සේ අන්තිම දවස් වල ආ ගිය තැන් වල අයත් එක්ක කතා කළාම, ඇඟ පත අමාරුවකින් සිටි බවත් කියවුනා. කොහොම හරි කොල්ලා මැරිලා ඉවරයි.

මේ කටයුතු අහවර උනයින් පසු තවත් ඥාති පුත්‍රයෙක් මිය ගිය දරුවගේ ෆෝන් එකත් අරන් මගේ ළඟට ආවා.

"සුදු බාප්පි..., මේ තමයි අන්තීමට ඇවිත් තියෙන ටෙක්ස්ට් එක... නම්බර් එකත් තියෙනවා ..

මොකක්ද පුතා කාගෙන්ද....?

බලන්නකො බාප්පි

"PARAYA THOTA HENAMA GAHAPAN"

ඇවිත් තියෙන්නේ "SUDU AMMA" ගෙන්, ඒත් අම්මගේ නම්බර් එක නෙමෙයි.

අපි කෝල් එකක් අරන් බලමු.

"The Number you Dial, is swtched off or not in a mobile area"

පස්සේ අනිත් අයටත් පෙන්නලා හොයලා බැලුවා..
කවුද මේ "Sudu Amma" කියලා..

උදේ ඉඳන් හරකෙක් වගේ අඬාපු, කොල්ලගේ ගර්ල් ෆ්‍රෙන්ඩ්..

හරිනේ.... ඉතින් බලාපොරොත්තුව ඉටු උනානේ....

ප: ලි:
මේකද ආදරය කියන්නේ...?
පෙම් සබඳා වලදි විතරක් නෙමෙයි ඉන්පසු විවාහ ජීවීතයෙත් ප්‍රශ්ණ ඇති වෙනවා..
ඒත්..
මෙච්චර දරුණු වෙන්න එපා දරුවනේ....