තක්කඩි, ගොන්තඩි හා FCID - The Story of Turtle & Rabbit Race

ටුවර් එකක් ඉවර වෙලා ගෙදර ආවම, ගෙට ගොඩ වෙන්න කලින් මාතලන් ගොඩ වෙන්නේ, ෆාරුක් නානාගේ කඩයටය. ඒ ඩන්හිල් එකක් හා යාරේ තේ එකක් ගහන්නටය. යාරේ ටිං කිරි තේ එකක රස ෆයිව් ඉස්ටාර් හොටෙල් තේ එකකවත් නැති බව මට වරක් කිව්වේ, ඉතාලියේ නම්බර් වන් චෙෆ් කෙනෙක්ය. ඒ ආතල් එක ගන්න අතරේ, පාරේ ඉන්න එකෙක්ගෙන් මා(තලන්) ඇහුවේ "හොර සුනිල්" හුඟ දවසකින් දැක්කේ නැත්තේ මොකෝ කියලාය. ඌ ආයෙත් පොලෝසියෙන් කුදලාගෙන ගොස් තිබිනි. ඒ වෙන කාගේදෝ ගෙදරක තිබු ප්ලාස්ටික් පුටුවක්, පාරේ අරගෙන ගිය නිසාය.

ලංකාවේ නොර්මල් පොලීසියේ හැටි එහෙමය. පුටුවක් හොරකම් කලත් යන්න වෙන්නේ මහ උළු ගෙදරය. ඒත් මුළු රටම මංකොල්ල කාලා, කෞතුකාගාරෙත් මංකොල්ල කාපු උන් තාමත් එලියේය. කරුමේ වෙලා තියෙන්නේ VVIP පොරවලට FCID කියා වෙනම රෙද්දක් හදාපු එකය. ඕක නෝමල් පොලෝසියට දුන්නා නම් මෙලහකට ඔය ඔක්කෝම ඉන්නේ මහ උළු ගෙදරය. FCID එකේ වගේ ටී වී කාරයෝ තියා මොකා එක්ක ගියත්, ප්‍රශ්ණ කරන්න වෙනම සෙට් එකක් ඉන්නවාය. එයාලාගේ ප්‍රශ්න කිරීම කොහොමද කියනවා නම්, කැනඩාවේ පදිංචි තඩි හිම වලහෙක් උනත් ඇන්ට්‍රිය ලියන වෙලාවට කියන්නේ අනේ සෑර් මම සෑර්ලා හොයපු වීරකැටියේ හාවා කියලාය. ගම්පෙරලිය කලෙත් මංම තමයි සෑර් කියලාය.

FCID එක ඔක්කෝම වැඩ ඉවර කරලා කේස් 30 ස් ගනනක් නීතීපති දෙපාර්තමේන්තුවට යවලාය. ඔක්කෝම අර තක්කඩි සෙට් එකේ ගේම්ය. ඒත් එතනින් එහාට නෝ කතාය. අනික ඕවා උසාවියට ගෙනිච්චත් වැඩක් නැතිය. අන්තීමට හිරේ ගිය උනුත් ඉන්නේ එලියේය. රට කාපු ළොකුම තක්කඩියා බැසිල් කියලා කිව්වේ අපි නෙමේය. තක්කඩි සෙට් එකමය. එහෙම එකා මැයි දිනේට සල්ලි බෙද බෙදා යන එක නැවත්ත ගත්තේ ආන්ඩුවවත් පොලෝසියවත් FCID එක වත් නෙමේය. රජ ගෙදර රිලවාය. ඊට හේතුව නම් ඒ කාළේ රජතුමා රිලවා නැටෙව්වා උනාට, අද රජතුමා නටවන්නේ රිලවා නිසාය.

යහපාලනේට කඩේ ගිය උන්ගේ වාසනාවකට හා ප්‍රජාචන්ච්‍රවාදේ වාසනාවකට, මහින්ද ලොක්කා මේ හාල්පාරු පාන්ඩුවට සෙට් වෙන්නේ නැතිය. පොර ඉන්නේ ගේමේමය. එහෙම ඉන්නේ රජ ගෙදර රිලවාට පින් සිද්ද වෙන්නය. එහෙම නූනා නම්, සජින් වාස්, ලන්සලා, කුඹුක්ගැටේ එකා ඉතරක් නොව, බැසිල්, මහින්ද, ඝෝඨා, නාමල් සමඟ, සුද්දි රේප් කරලා, සුද්දා මරපු සම්පත් චන්ද්‍රපුෂ්ප විදානපතිරන මැතිතුමාත් කාන්තා කටයුතු කැබිනට් ඇමති කෙනෙක් වෙලා යහපාලන පාන්ඩුවේ ඉන්නවා අපට බලා ගන්නට තිබුනාය.

හිටං රජතුමාත් එක්ක කොම්පෙයාර් කොලාම, ලැජ්ජාව කෙසේ වෙතත්, මහින්ද ලොක්කා පොඩි බයක් හරි තිබුන රජෙක්ය. එයා ජීනීවා වලටයි, විදුලි පුටුවටයි බයේ, තංගල්ලේ සභාපතියා ඇතුලේ නොදැම්මා නම් අද ඒ යකාත් ඉන්නේ යහපාලන කැබිනට් එකේය. දැන් මේකේ ඇති යහපාලනයක් නැත්තේමය. දැන් තියෙන්නේ රනිල් හා සිරිසේන ළොක්කාගේ ගේමක්ය. සන්ධානේ මහ ළේඛම් කම දීපු උන්නැහේ, හරියට දැලි පිහිය ගත්ත වඳුරා වගේය. පොර දැන් හිතාගෙන ඉන්නේ එයා උප ජනාධිපතිය කියලාය. එයාට ඕන ඇති යහපාලනයක් නැතිය. එයාට ඕනා වෙලා තියෙන්නේ, ආයෙත් කම්බා හොරු එක්ක හැමිනෙන්නය.

හිටං රජතුමාට අපට නම් කියන්න තියෙන්නේ, එක්කෝ "තක්කඩි" ටික අල්ලලා ඇතුලේ දාලා මේක ඉවරයක් කොරලා දාන්නෙයි කියලාය. එයා මොන ෂේප්මන්ට් දමා මහින්දලා එක්ක සෙට් උනත්, මහින්ද ඇගමැති උනොත්, රනිල් කෙසේ වෙතත්, සිරිසේන ළොක්කාගේ මයිල් ගහක්වත් හොයා ගන්න නම් හම්බ වෙන්නේ නැතිය. අපේ ගම් වල කියන්නේ නයාට ගහලා පොල්ල වරද්ද ගන්න එපා කියලාය. ගහනවා නම් ඔළුව කුඩු වෙන්න එක පාරෙන්ම දීලා දාපන් කියලාය. එහෙම නැතිව නයා රෙද්ද අස්සේ දාගෙන වෙන ආතල් එකක් ගන්නවා නම් ඒක එයාලාගේ කැමැත්තය.

අපේ රජතුමා මාද්දිය සාකච්ඡාවක් තබා කිව්වේ, එක එකා එයාට කොන්ද පන නැති නායකයාය අරකාය මේකාය කිව්වාට එයා එයාගේ ගමන යන්නේ හෙමින් හෙමින් හිටං කියලාය. සමහර විට එහෙම කියන්න ඇත්තේ එතුමාගේ ආච්චම්මා එයාට බෙලෙක් පිගානේ හබුන් කටයි බත් දෙකටයි කවන වෙලාවේ කියලා දුන් එකෝමත් එක රටක උන්න හාවගෙයි ඉබ්බගෙයි රේස් එක ආදර්සෙට අරගෙන වෙන්න ඇතිය.

හැබයි රජෝ, ඒ එකෝමත් එක රටකය. මේ ඇවිල්ලා අම්මට සිරි ලංකාව කියනා රටය. හාවා බෙන්තර ගඟෙන් එහා පැත්තේ එකෙක්ය. කීමට කියන්නේ ඔය පැත්තේ පූස් පැටියෙක් වත් තඹ සතේකට අන්විස්වාසොබල් කියලාය. අනික එකෝමත් එක රටක රේස් එක මැද්දේ නිදා ගත්ත හාවා වගේ මේ හාවට නිදා ගන්න හම්බ වෙන්නේ නැතිය. කොයි වෙලාවෙත් දෙකක් දාගෙන හෝ අවදියෙන් තියා ගන්න රිලව්, ගැරඬි, නයි පොළොංගු වල් ඌරෝ ඉතරක් නොව, පුල්ලි තියෙන කොටි පවා සප් එකට ඉන්නවාය.

ඉබ්බා, කොච්චර ගල් ඉබ්බෙක් උනත්, මේ හාව එක්ක නම් නාඩගම් නටන්න යන එක ඒ තරම් හොඳ නැතෙයි කියලා කියන්නේ මාතලනුත් බෙන්තර ගඟෙන් එහා පැත්තේ මුල් තියෙන එකෙක් නිසාමය. ඒ පැත්තේ උන් ඉබි මස් උයන්නේ ඉබ්බාගේ කට්ටේම දාලාය.

ඒ නිසා රාජපක්ෂලා එක්ක සෙල්ලම් කරන එක දැන්වත් නවත්තලා රට හදනවා නම් බොහෝම අගේය. එහෙම නැත්නම්, ඉතිරි කාළයත් එයාලා එක්ක සෙල්ලම් කර කර ඉඳලා, පැරදුනාට පස්සේ කන්න බලාගෙන ඕන ගේමක් ගහගත්තාට අපේ අවුලකුත් නැතිය.

අනික උදේ ඉඳන් රෑ වෙනකන්, රාජපක්ෂ අරක කලා, මේක කොලා, කීවාට, මිනිස්සුන්ගේ බඩ පිරෙන්නේවත්, හිත පිරෙන්නේවත් නැතිය. එයාලා "තක්කඩි" නම්, එක්කෝ අල්ලලා මඩු වලිගෙන් පුක නැති වෙන්නම නෙලන්න ඕනාය. එහෙම නැත්නම් එයාලා පැත්තකින් තියලා, රට හදන්න ඕනාය. නැත්නම් ඉතින් ඉතිහාසෙට එකතු වෙන්නේ බින්දුමතිගේ දුව වන, චෞර රැජිණටත් එහා ෆේල් වෙච්චි නිකමෙක්ය.

________________________________________________________________

කාගේ එකද ළොකු හයිකුව

********************

ජනපති අතිගරු ඉන්න මැති අමතිවරු

ගෙදර ගිය රජවරු යෙදි රමණයේ සමඟ කන්කරු
විමසයි උන්ගෙන්ම කාගේ ශිෂ්නයද මරු...