කූඹී හා ලාංකිය දේශපාලනය ගැන මගේ සත පහ - Koombiyo & Siri Lanka Politics

කූඹී ගැන අප දැන ගත්තේ කුඩා කාළයේය. ඒ ගැන මම කලින් ලියා ඇති මුත් මෙතනත් නැවත ලියමි. අපි කුඩා කාළයේ ගෙවල් වලත් කූඹී උන්නෝය. තාත්තා දකුණේ නිසා උන්ට කිව්වේ කොඬයෝ කියලාය. කළු උන්ට කිව්වේ කළු කොඬයෝ කියාය. කූඹින් ගැන කවිය අපට කියා දුන්නේ ආච්චි අම්මාය. එය කූඹියෝ ටෙලි ඩ්‍රාමාවේද තේමා ගීතය විය. එහෙත් ඊට එකතුකල තනුව හා ගායනය සියල්ලෝම වැළඳ ගත්තේය. ඔය ක්ළු කූඹීන්ගේ බිත්තර සුදු ඒවා විය.

මාතර පැත්තේ ඕකුන්ට කියන්නේ හින්නෝ කියාය. ඔය කළු කොඬයෝ සුදු බිත්තරත් අරගෙන එන්නේ වාසනාව නිසාය කියා, කුරා කූඹියෙකුටවත් හිංසාවක් නොකරන අපේ ආච්චි අම්මා කියන්නේය. ඒත් අද වෙනකන් මාතලන්, කුරා කූඹී නම් දැකලා නැත්තේය. මිනිස් ප්‍රජාවේද පොඩි උන් මාල් වාගේ උනත් ලොකු වෙන කොට ගල් වෙනවා වාගේ. අර කළු කොඬයන්ගෙද බිත්තර සුදු උනත් එලියට ආවේ කළු කොඬයෝමය.

තා තෙල් කූඹී කියා උන් වගයක්ද උන්නේය. ගෙදර අය කිව්වේ උන් ජීවත් වෙන්නේ තෙල් බීලා කියලාය. තෙල් බීලා ජීවත් උන කූඹී වාගේම, හොර තෙල් විකුණා ජීවත් වූ තෙල් බාලා කියලා එකෙක් කොළොන්නාව පැත්තේද, හිජින් කියා ගිවිසුමක් ගසා, තෙල් බී ජීවත් වූ ෆව්සි හා අසන්ත ද මෙල් කියා ගල් ආඳෝ දෙදෙනෙක්ද, බාල තෙල් ගෙන්වා තෙලෙන් බැඳුනු ප්‍රේම්ජයන්ත නම් රටේ වෙදෙක්ද උන්නේත් මේ අම්මට සිරි ලංකාවේමය.

මිනිස්සු අතරත් නා නා ප්‍රාකාරයේ සත්තු ඉන්නවා වාගේ, කූඹීන් අතරෙත් ශුක්‍ර කූඹියෝ වගයකුත් ඉන්නේය. උන්ට අපි කිව්වේ නයි කූඹී කියලාය. උන් ඇවිල්ලා අපේ පොලිටික්කෝ වාගේම සෙට් එකක්ය. අහු උන තැන එල්ලිලා කාගෙන කාගෙන යන්නේය. උන් කාලා ආතල් ගත්තාට විඳවන්නේ අපය. ඒ වගේ කූඹීන් නම් මේ ලෝකෙන් තුරන් වෙලා යනවා නම් බොහෝම හොඳයි කියා මාතලන් පොඩි කාළේ ඉඳන්ම කියන්නේය.

කූඹින් ගැන මුළු රටම කතා වෙන්න පටන් ගත්තේ, කූඹියෝ ටෙලි නාට්ටිය නිසාය. එය සමාජයේ සියළුම කොටස් වාගේ වැළඳ ගත්තේය. එසේ වීමට ප්‍රධානම හේතුවක් උනේ,  නයි ටී ඇන් එකේ විකාශනය වනවාට වඩා, විකාශය අවසානයේම වාගේ, මළ මූසල ඇඩ් වලින් තොරව, ගෙඩිය පිටින් යූ ටියුබයේ නරඹන්නට ලැබුන නිසාම විය හැක. මෑත කාළයේ සමාජයේ වඩාත්ම කතා බහට පත් වූ ටෙලි නාට්ටිය මෙය බව බොරු බයිලා නැතිව අප පිලිගන්නට වුවමනාය.

මුල පටන්ම අනෙකුත් ටෙලි බහු බූත වලට වඩා මෙය අමුතුම ආකාරයේ එකක් වීම ඊට ප්‍රධානම හේතුව විය. ඒ කාළයේ මේ ටෙලිය තහනම් වීම අරුමයක් නොවනා බව තේරුම් ගන්නට අවසාන කොටස පමණක් ඇතිය. එහෙත් ගොඩක් උන් කියන්නේ, මෙහි අවසානය වෙනස් කොට අළුතෙන් නිර්මාණය කලැයි කියලාය. එය එසේ වූයේ නම්, එහි සියළු ගෞරව ප්‍රේක්ෂකයාට ලැබිය යුතුමය. මන්ද අධ්‍යක්ෂකවරයාට ජනතාව බලාපොරොත්තු වූ දෙයට වඩා දෙයක් දීමට නොහැකි වූවා නම් සියල්ලම ලත් තැනම ලොප් වෙනවාය.

කූඹියෝ පිස්සෙක් අපේ ගෙදරත් උන්න නිසා මාතලන් මෙය නැරඹුවේ විවේකයක් තිබෙනා වෙලාවට පමණමය. එහෙත් මෙය අවසාන වන බව ප්‍රචාරය වීමෙන් පසු ලෝබ කම නිසාම පොඩි මාතලන්ගේ විචාරයෙන් හා ප්‍රෙඩික්සොන් වලින් පසුව අවසාන කොටස් කීපයම වාගේ බැලුවේය.

අජිත් පැරකුම් තමන්ගේ වෙබ් අඩවියේ කියා ඇති පරිදිම කළා නිර්මාණයකින් කරන්න පුළුවන් ලබ්බක් ඇතියි කියා මාතලන් සිතන්නේත් නැතිය. එහෙත් එය ජනප්‍රිය වීම පැරා කියනවාක් මෙන් මිනිසුන් මුලා වීමක් නම් නෙමේය. පැරා කියන්නේ මෙය ජනප්‍රිය උනේ මාකටින් නිසා කියලාය. එහෙම මාකටින් වලින් නිර්මාන ජනප්‍රිය කරනවා නම් අනගාරික ධර්මපාල සෝ එකට කෙලෙවන්නේත්, ජැක්සන්ගේ ඇඩ්‍රස් නැති වීමට ඇඩ්‍රස් නැති වෙලා යන්නේ කෙසේද කියා විමසිය යුතුය.

ඔය මොන මාකටින් තිබුනත් නියම මාකටින් එක කටින් කටින් යෑම හෙවත් කටකතා හෙවත් ගොසිප්ය. ඒ කියන්නේ ජනතාව අතරේ ජනප්‍රිය වීමය. මාතලන් දැන්, ෆිල්ම්, නාට්ටි හෝ පොත පත බලන්නේ, මගේ ටේස්ට් එකම තියෙනා එකෙක් ඒක වර්ණනා කලොත් පමණමය. ඒ අතරින් විචාරකයෝ කරන්නේ විශාල සේවයක්ය. මාතලන් අවස්ථා කීපයක්ම "හෝ ගානා පොකුණ" බොක්කටම සෙට් වෙලා දෙගමනක් තුන්ගමනක් බැලුවේ ඒ නිසාමය.

හෝ ගානා පොකුණට ඔය කියනා තරම් මාකටින් තිබුනේ නැති උනත්, කටින් කටින් වැඩේ නම් නැගලාම ගියේය. කූඹියෝ ෆෑන් බේස් හැදුනේ එහෙම නෙමේය. කූබියෝ කල්ට් එකක් උනේය. එකේ ඉන්නේ ඔය මහා ලොකුවට වෙනම ප්‍රජාවක් මෙන් පෙන්නන්නට හදන ප්‍රබුද්ධ කියන ලෙඩ්ඩු ඉතරක් නෙමේය. එහෙම ලෙඩ්ඩු නම් කියන්නේ අනෙක් එවා බැලුවේ නෑ, අනේ මේක ඉතරයි බැලුවේ කියලාය. තා සෙට් එකක් පීටර් ඩී අල්මේදාගේ ඇඟේ එල්ලිලා ගොඩ යන්නට දැඟලුවේය. ඒවාට හිනගලෙන් නම් කියන්නේ අමු ගොන් පඩ සෝ කියලාය. කොච්චර එල්ලුනාද කියනවා නම් එතෙක් ලව් කල ජෙහාන් සහ ප්‍රියන්ත බල්ලා මාක් කරලාම දැම්මේය. මේවා අමු මෝඩ චූන්ය. චූන් පාන්ය. ඒවා මාර රෝගය. ඒ රෝගවලට බෙහෙත් වඳ පෙති සොයාගත් අම්පාරේ තම්බි කඩෙත් ඇත්තේ නැතිය.

අනෙක් ආත්ලම කෑල්ල නම්... අපි කූඹියෝ බැලුවේම නෑ කියා හොරෙන් බැලූ උන් ගන්නා ආතල් එකය.. උන්ගෙන් අපිට හන්න තියෙන්නේ, උඹලා ඒක බැලුවේ නැතෙයි කියලා අපේ පුකේ ඉත්තෑවෝ දුවනවාද කියලාය. හැබයි ඉතින් යූ ටියුබ් ගිහින් හොරෙන් බලන්නත් ඔට්ටුම නෑ ඕන් කියලාය. 

මාතලන් කූඹි ගැන වැඩිපුර පඬි ටෝක් දෙන්නවත්, බයිලා ගහන්න ගියේ නැති උනත්, මෙලෝ රහක් නැති වමට නම්, මේකෙන් පුක නැති වෙන්නම ගහනවා කියලා පොඩි පෙඩික්සොන් එකක් නම් කිව්වේය. ඒ බව කලින් තේරුම් ගත් නිසාමදෝ, කලින් කූඹිත් එක්ක උන් ජෙප්පෝ, කූඹින්ට මෝර්ටින් ගසා සහෝදරයා එක්ක ගියේය. මාතලන් කියපු දේ දැකලාදෝ මන්දා, අන්තීමට ජෙහාන් "පුකේ" පක්ෂය කියන්නේ මොන පක්ෂයටද කියා, ඒ ඒ පක්ෂ වල උන් තේරුම් ගන්නවා නම් බොහෝම හොඳය. අන්තරේ හරක් මෙන්ම, ජේ වී පී වහළුන්ද උන්ගේ නායකයන් කරන්නේ මොනවාද යන්න, මේකෙන් හෝ තේරුම් ගන්නවා නම් බොහෝම හොඳය.

මජර වූ ලාංකිය දේශපාලනයේ රෙදි හෙමින් සීරුවේ ගලවා දැමීමෙන් නොනැවති, ශිරාල්, මාස් සකර්බර්ගේ පුක කෙනිත්තුවාක් මෙන්, ශිරාල් හා මලිත් වැ කේවට්ටය්න්ගේ රෙදිද ගලාවා පුකත් කොනිතතලාම දැම්මේය. අවසානය ප්‍රේක්ෂකයාට තීරණය කර ගන්නට දී නාට්ටිය නැවතීම තවත් ආතල් එකක්ම ගෙන ආවේය. අද කූඹි ගුල්වල උන් ඒ ගැන පල කරනා මත කියවීමත්, එකම එක ආතල් එකක්ය.

ඇත්තටම ජේහාන් කියනවාක් මෙන් ජෙහාන් ගේම් කාරයෙක් නෙමේය. මේකේ ගේම් කාරයා මෙකේ ඉස්කිරිප්ට් ලියපු උන් දෙන්නාය. ජෙහාන් එසේ කීවත්, ජෙහාන් උගේ චරිතයට 100% ක්ම පිවිසිලා උන්නේය. සමස්තයක් ලෙස මුල් කාලයේ පොඩි බෝරින් ගතියක් තිබුනද, අවසාන කාළයේ සියල්ලම ඉහළම මට්ටමේ තිබුනේය. පව්ඩර් බබෙක් මෙන් උන් "යුරේනී", සුපිරි නිලියක් කරන්නේ මේ නාට්ටියෙන්ය. ඇත්තටම ඇය ඕනෑම චරිතයකට ආවේස විය හැකි සුපිරිම නිලියකි. අනෙක් උන් සියල්ලෝ ගැනද කීමට ඇත්තේ එවන් දෑමය.

මාතලන්ට ඇති දුක නම් මෙවන් සුපිරි නාට්ටියක් තිබියද, දෙවනි ඉනිම වැනි මළහත්තිල්ලව්වක් ලංකාවෙ ජනප්‍රියම ටෙලි නාට්ටිය වීමය. එහෙත් මෙතරම් පිරිසක් කූඹින්ගේ ගොඳුරු බවට පත් වීම සිතට සතුට ගෙන දෙන කාරනයක්මය. මා මෙතෙක් දුටු ටෙලි නාට්ටි අතරේ කිසි දිනක අමතක නොවනා ටෙලි නාට්ටි ගොන්න අතරට කූඹියන්ද එක් වන බව කියමින්, මේ පල් හෑල්ල මෙතනින් නවතා දමනවාය.