.

.

Apr 29, 2021

කිං ටු සේව් ද කිං, King to save the King



සිරස හැදුවේ නිමල් ලක්ෂපතිආරච්චි උන්නැහේය. නමුත් සිරස රන් කලේ කින්ග්ස්ලි හා තමාලිය. අද අරා හා පැස්බරා යම් සේ ජනප්‍රියද. ඊටත් වඩා ජනප්‍රිය වී උන්නේ කින්ග්ස්ලි හා තමාලිය. තමාලී පීරිස් සිරසට එන්නේ ඇයගේ මැණියන්ද ජනප්‍රිය නිවේදිකාවක් වූ නිසාය. ඇය ජනප්‍රිය ගේය පද රචිකාවියක්ද වූ කුසුම් පීරිස්‍ ය.  

ඒ සිරස රේඩියෝවය. සිරස ටැලිවිසොනය පටන් ගන්නේ ඊට පස්සේය. මුලින්ම ප්‍රාසාංගිග කලාවෙන් තරුණ තරුණියන් ආකර්ශණය කරගත් සිරස පසු කාළයේදී ඔවුන්ගේ ඇජෙන්ඩාව වෙනස් කර දේශපාලන නාලිකාවක් බවට පත් වුනේය. ඊට නිමල් ලක්ෂපතිආරච්චිගේ වියෝවද සෑහෙන්න බලපෑවේය.

මේ කිසිම දේශපාලන වැඩ සටහනකට සහභාගී නොවූ කින්ග්ස්ලි, කිසි දිනෙක දේශපාලනය කතා කලේ නැත. මාතලන්ට නම් කිං වටින්නේ නිවේදකයකුටත් වඩා සුපිරි ලේඛකයකු ලෙසය. ඔහුගේ ලිවිමේ රටාව යුනීක් වේ. එය ඉතා සරළ බස් වහරක් වුවද එකම සාහිත්‍ය රස ගුලාවකි. කවියකි. කිසි දිනෙක මුණ ගැසී නැති නමුදු මුහුණු පොතේ හමුවූ කිං, සරළ නිහතමානී සුන්දර මිනිසෙකි.

අද ඒ මිනිසා දේශපාලන සත්වයකු වී අවසානය. මාධ්‍ය ක්ෂේත්‍රයේ නියැලි වුන් බොහෝ අය දේශපාලනයට පැමිනීම අලුත් දෙයක් නොවේ. එහෙත් කින්ග්ස්ලිගේ පැමිනීම සුවිශේෂී වන්නේ මා කලින් සදහන් කළ හේතුව නිසාවෙන්මය. ඒ ඔහු දේශපාලන සත්වයකු නොවූ නිසාමය.

ඔහු පත්වන්නේ ජනාධිපතිවරයාගේ මාධ්‍ය ප්‍රකාශක ලෙසය. ජනාධිපති තුමාගේ අදහස් ප්‍රකාශ කිරීම අවංක වුවද දුර්වල බව සත්‍යයකි. ඊට හේතුව වන්නේ ඔහු දේශපාලකයකු නොවීම‍ය. ඔහු දේශපාලකයින් මෙන් බොරු කියන්නේ නැතිය, අවංකය. නමුත් බොරුවටම හුරු වූ බොරුවෙන්ම ජීවත් වෙන ජාතියකට ඇත්ත දිරවන්නේ නැතිය. ඒ නිසා සිහිණ ටොයියන්ට ජෙන් ගොප්පන්ට මෙන්ම හාල්පාරු බයියන්ටද එතුමා අරහංය.

දැන් කිං ට පැවරි තිබෙන්නේ මේ පිරිස බැලන්ස් කිරීමය. කිං ගේ පත්වීම මේ සියල්ලන්ටම දරා ගත නොහැකිය. කිං ට එල්ල කල ගල් පමණක්ම දැක්ක අතර, එකඳු මලක් හෝ දැක්කේ නැතිය. සම හරක්ට කිං ගේ වේතනය ගැනද විචිකිච්චාවන් තිබෙනා බවක් දුටුවේය.

කීං තේරුවේ කෙලින්ම ජනාධිපතිද සුදේවද මොහාන් සමරනායකද කියන්න මා දන්නේ නැතිය. කෙසේ හෝ මේ තිදෙනාම විනයක් හා හැදියාවක් සහිත මිනිසුන්‍ ය. කිං ද එසේමය. 

ඒ හේතුවෙන් කිං ට අලුතෙන් ඉගෙනගැනීමට හෝ චරිතයකට ආවේශ (Acting) වීමේ අවශ්‍යතාවයක් ඇත්තේ නැතිය. මේ රට මෙතෙක් දිව්වේ බොරුකාරයන්ගෙනි. අවංක මිනිසුන්ට තැනක් තිබුනේම නැතිය. 

මේ මොහොත මේ රටේ සියල්ල උඩු යටිකුරු වන සමයකි. එවන් සමයක මෙවන් මිනිසුන් තව තවත් මෙවන් තනතුරු වලට පත් වේවා යන්න මාතලන්ගේ එකම පැතුමය. 


හිතවත් බුකි මිතුර, 


ඔබට ජය....!!!!

Apr 27, 2021

අබ කෑ උන්ගේ මොළේ දන්න පටන් ගෙන ඇත.

 


පාස්කු ප්‍රහාරය පිළිබඳ පත්කල විශේෂ ජනාධිපති කොමිසමේ වාර්ථාව නීතිපති වෙත ඉදිරිපත් කිරීමෙන් පසු නියම ඝාතකයින් එලිවේ යැයි බියෙන් තැතිගෙන ඇති එවකට ඝාතන චෝදනා එල්ලවු, ත්‍රස්තවාදීන් අත් අඩංගුවට පත්විම වැලැක්වූ, එදා එජාපයේ වුන් අද සමගි ජන බලවේගය තුල ඉන්නා පිරිස්, මේ වන විට එම නඩු කටයුතු හා පරීක්ෂණ කටයුතු වෙනත් අතකට යොමු කිරීමේ නින්දිත උත්සාහයක නිරත වෙමින් සිටි.


හරීන් ප්‍රනාන්දු, මනූෂ නානායක්කාර හා මුජිබර් රහුමාන් පාර්ලිමේන්තු වරප්‍රසාද වලට මුවාවි ඒ වෙනුවෙන් විශේෂයෙන් ක්‍රියකරමින් සිටි. ඔවුන් උත්සාහ කරමින් සිටින්නේ මෙය වත්මන් පාලකයින් විසින් සිඳු කල සැලසුම් සහගත ප්‍රහාරයක් බවට ඒත්තු ගැන්වීමටයි.


එහෙත් හාස්‍යයට කරුන නම්, ප්‍රහාරට වක්‍රාකාරයෙන් සම්බන්ධ වූ පිරිස්ද ඇතුලත් වූ එවකට එජාපය විසින් පත්කල පාර්ලිමේන්තු තේරිම් කාරක සභාවේදි ශානි අබේසේකර විසින් මේව හෙලි නොකලේ ඇයිද යන්නයි. ඇත්ත එය නම් ශානී අබේසේකරලා මහ රෑ නඩු අසා වැලිකට යවන්නේ ෆොන්සේකාගේ මෙන්ම අනුර කුමාර දිසානායකලාගේද සහායෙනි. මින්  ඉතා පැහැදිලිව පෙනෙන කරුණ නම්, දැන් නියම ඝාතකයින් හා එය සැලසුම් කල පිරිස් නුදුරු අනාගතයේම එලිවන බවයි.


රිෂාඩ් හා ඔහුගේ සොයුරාද මේ වන විට අත් අඩංගුවට ගෙන අවසානය. පාර්ලිමේන්තු වරප්‍රසාද වලට මුවා වී කප්පරක් කෙප්ප කෙලියද, මේ වනතෙක් මේ කිසිවකුත් ඔවුන් සඳහන් කරන පිරිස් හෝ ඝතකයා  පොලිස් ස්ථානයකට හෝ පැමිණිල්ලක් ඉදිරිපත් කර නැත. අබ කෑ උන්ගේ මොළේ දනවා කියා ඉස්සර මිනිස්සු කිව්වේ කට කහනවාට නොවේ.


.

Apr 21, 2021

ඩයනාගේ කොන්ද පාලකයින්ටත් තිබේ නම්..

 


ඊයේ පාර්ලිමේන්තු මන්ත්‍රී ඩයනා ගමගේ පොරි හැලෙන කතාවක් පාර්ලිමේන්තුවේදී කලාය. ඊට පිලිතුරු දෙමින් ඕ ලෙවල් ලියන දරුවන්ට ඝණ දෙයියන්ගේ පෑන් ලබා දෙන අමු ගෝත්‍රික බුද්ධික පතිරණ කියන ගොබ්බයා කීවේ ඊළඟට ඩයනා ඉල්ලන්නේ ගනිකා සේවය නීතීගත කොරන්නෙයි කියලාය.

හැබැයි බුද්ධික පතිරණට අමතක වූ දේ නම් උන්දෑ කසාද බැදලා ඉන්නේ ලංකාවේ පාතාලය වෙනුවෙන් කෝටී ගනන් චාජ් කරමින් උසාවියේ පෙනී උන් එකෙක්ගේ දෝණියැන්දාය කියනා එකය.

ඔය සුද්ධවන්තයින් ලෙස පෙන්නන්න හදන හැම එකාගේම කැරක්ටරේ එසේය. ඩයනා කියන්නේ මේ රට හදන්න නම් විය යුතු දේ හා සහතික ඇත්තය.

ගැහැනියක් ලෙස ඇය ගැන මේ රටේ කන බොන උන් සියල්ලෝම ඇයට ප්‍රසංසා කල යුතුය. එහෙත් බිජු හීනතාවයෙන් පෙනෙන කුණු බේබද්දෝ, ගංජාකාරයෝ හා සල්ලාලයෝද කරේ ඇයට කින්ඩිය දැමීමයි. මේ රටේ ලිබරල් පොරවල් ඇත්තේ නැතයි කියා මාතලන් සැමදා කිගන්නේ මේ නිසාය. ඇත්තටම උන් බිජු හීනතාවයෙන් යුතු දෙමුහුන් දෙබිඩ්ඩෝය.

පාර්ලිමේන්තුවේ ඉන්නා පිරිමින් සියල්ලෝද ඇත්තටම මේ ගැන ලැජ්ජා විය යුතුය. ඒ කාන්තාවක් මේ යෝජනා ගෙන ආ නිසාමය. මන්ද ලාංකීය ගොබ්බ සමාජය හා විශේශයෙන් කාන්තාවන් මේ යෝජනා සියල්ල කෙරේ ඉන්නේ අමු ගොබ්බ චින්තනයක නිසාය. මේ මී ගව චින්තනය ගැන, වේලාවක් ඇතොත් වෙනත් ලිපියකින් ඒ ගැන ලියනවාය.

කංසා වගාව

ඇය කියන්නේ ගංජා බොන්න ඉඩ දෙන්න කියලා නෙමේය. විදෙස් විනිමය ඉපයීම සඳහා කංසා වැවීමට අවසර ලබා දෙන ලෙසය. විදේශයන්හී ඖෂධ සඳහා ලබා කංසා ලංකාවේ ඇත්තේ නැතිය. අනිවාර්‍යයෙන් එම බීජ ආනයනය කළ යුතුය.

මාතලන් නම් කියන්නේ වී වෙනුවට කංසා හා වල්ලාපට්ට වගා කලා නම් මේ වෙන කොටත් රටේ ගොඩේ ගොඩ කියලාය. මේවා කතාකරන්න කොන්දක් නැති සාම්ප්‍රදායික නිළධාරීන් ගැන කනගාටූ වනවා හැර වෙන කරන්නට දෙයක් ඇත්තේ නැතිය.

ගම සමඟ පිළිසඳර වැඩ සටහනේදී ජනාධිපති තුමාගෙන් රට වැසියෙක් කළ ඉල්ලීම ගැන එතුමා සලකා බලන්නේ නම් සිස්ටම් චේන්ජ් කියන්නේ ඒවාටය.

විමල් වීරවංශ ජාත්‍යන්තරයට යන්නේ කුරුඳු සිගරුට්ටුවක් වෙනුවට කංසා සිගරට්ටුවක් හදා වෙළද පොලට එව්වා නම්ය. විප්ලව කියන්නේ ඒවාය.

බාර් විවෘතව තබන වේලාව

ඩයනා මේ ගැන කතාකරන්නේ ඇය නියෝජනය කරනා සමාජ පන්තිය නියෝජනය කරමිනි. ඇයට අනුව බාර් උදේම ඕපන් කරන්න ඕනා නැතිය. එහෙත් බාර් එක ඕපන් කරනකන් බලාගෙන ඉන්නා වෙහෙසවී වැඩ කරනා කම්කරුවන් ගැන ඇය දන්නේ නැතිය.

මත්පැන් සංස්කෘතිය ලංකාවේ මැජික් එකක් වී තිබෙන්නේ එ ගැන ආන්ඩුවේ ඇති වික්ටෝරියානු නීතී රීතී නිසාය. අපට ඒ නීතී දාපු උන්ගේ ඒ රටවල ඒ නීතී රීතී වෙන්ස් වෙලා බොහෝ කල්ක්‍ය. 21 වන සියවසෙත් නීතී හඳන තැන ඉන්නා එකෙක් ගෘහස්ථ කර්මාන්තයක් ලෙස කසිප්පු පෙරන්න දෙන්නයි කියා අඬන්නේ ඒ නිසාය.

කෙලින් තින්දූ තීරණ ගන්නා නිර්භීත එකෙක් රටේ ප්‍රධානියා වූවා නම්, අපේ කෂියා, ස්කොට්ලන්තයේ විස්කි, රුසියාවේ වොඩ්කා, ජපානයේ සකේ වාගේ ලෝක ප්‍රසිද්ධ පානයක් ලෙස විදේශ විනිමය උපයන මුදල් ආකරයක් වනවා නොඅනුමානය.

මන්ද වෙන්නප්පුව, දංකොටුව පැත්තේ පළතුරු වලින් පෙරනා කසිප්පූ බිව්ව එකෙක් ඒවායේ කොලිටිය දන්නා නිසාය.

නයිට් ලයිෆ් හෙවත් රාත්‍රී ආර්ථිකය

ලිපිය දිග වැඩි නිසා මේ ගැන වෙනම ලියනවාය.

Apr 20, 2021

වෙනම රටක් ඉල්ලන උන්, පෝට්සිටි කොමිසමට එරෙහිව උසාවී යාම හා සිස්ටම් එකට කෙලවීම

 


ඊයේ පෝට් සිටි කොමිසමට එරෙහිව පෙත්සම් ගැසූ පෙත්සම් කාරයෝ ටික දැක්ක වේලේ සිට මගේ පුච තවම හිනා වෙනවාය...


මුන් ඔක්කෝම උතුරු නැගෙනහිරට වෙනම රාජ්ජයක් දෙන්න ඕනමයි කියා අදටත් පුච පොලොවේ ගසාගෙන අඩනා උන්‍ය...


උන් අදහන්නේ පිරිභාහරන් මහතාය... 


ඔය අස්සේ ඉන්න හින්ගල උන්ට, ත්‍රස්තවාදය ජයගත් රාජපක්ෂලා පෙන්නන්න බැරි උනාට, මිනීමරු ත්‍රස්තවාදීයකු වූ පිරිබාහරන්ගේ ශුක්‍රාණුවත් පූජනීයය වන්දනීයය..


හරි නම් මුන් මේ වෙලාවේ පෙනී සිටිය යුත්තේ, පෝට් සිටි කොමිසම වෙනුවෙනි...


එහෙත් වෙනම රාජ්ජයක් ඉල්ලනා මේ ඇන්ජීයෝ කාරයෝ, ටැමිල් ඩයස්පෝරා දායක සභා කාරයෝ, පෝට්සිටි පනතට, පනතේ නැති දේ පවා කියමින් වැලපෙන්නේ ඇයි...?


උන් උතුරු නැගෙනහිර ඉල්ලන්නේ උතුරු නැගෙනහිර හදන්නට නොව උන් හැදෙන්නටය...


හොඳම උදාහරණය මහ ඇමති ලෙස පත් වූ විග්නේෂ්වරන් කියනා අමු මූලධර්මවාදියාය...


ඌ කළේද පිරභාහරන් කළ දෙයමය... 


උතුරේ සංවර්ධනය සඳහා පලාත් සභාවට යැවූ මුදල් ඌ ආපසු භාන්ඩාගරෙට හරවා එවූවේය.. 

හැබයි ඌ විඳිනා වරප්‍රසාද හා සියළු සැප පහසුකම් සියල්ලම වින්දේය... 

අවසානයේ ඌ කිව්වේ උතුර හදන්න ආන්ඩුව සල්ලි දෙන්නේ නෑ කියලාය.. 

උතුරේ ප්‍රශ්ණ අදත් එසේමය.. 

දැන් නැවතත් හිඟන්නාගේ තුවාලය පෙන්වා වවාගෙන කන්නේය...


පිරිබාහරන් හා සැට්ටෙක සුපිරි ජීවිත ගත කළද, 

සාමාන්‍ය දුප්පත් ජනතාවට කළ ලබ්බක් නැතිය.. 

ඌ වෙනම් රාජ්‍යයක් ලබා ගත්තත්..,

කිසිදා අර ජනතාව ගොඩ දාන්නේ නැති අතර, 

ඒ ජනතාව ලෝකයට පෙන්වා ලෝකයෙන් ඩොලර් අදින්නේය...


මාතලන් මුම්බායිවලටත් වඩා කුඩා මේ රට කෑලී කඩනවාට, 

වෙනම රටවල් දෙනවාට විරුද්ධය... 

ඇත්තටම විය යුත්තේ තිබෙනා අජූත සිස්ටම් සියල්ල වෙනස් වීමය...


පෝට් සිටිය තුල දේශපාලන විගඩම් වානාය. 

පෝට් සිටි කොමිසමෙන් දැනට දේශපාලන ඇඟිලි ගැසීම් වලින් පිරී පවතින අන්ත දූෂිත ආයතන සියල්ල ඉවත් කර ඇත.

ඒ වෙනුවට, ඒ සියලුම සේවාවන් එක තැනකින් කර ගත හැකි ආයතනයකි පෝට් සිටි කොමිසම.


මෙය මේ රටේ මජර සිස්ටම් එකට හා රාජ්‍ය නිළධාරී මාෆියාවට ගැසූ බෝම්බයකි. 

දැන් ඒවායේ ආධිපත්‍යට කෙලවී අවසානය.

දේශපාලුවන්ට ඩෙඟා නැටිය නොහැක. 

පගා ගැසීම්, කප්පම් ගැසීම්, කල් මැරීම්, රස්තියාදු කිරීම්, ගෙම්බර් දැමීම් සියල්ල අහෝසිය..


අපේ රටේ උන් අලුතෙන් එන සියල්ලටම බය අමු ගෝත්‍රික සමාජයක්‍ය... 

උන් වෙනස්වීම් වලට ගූ බයය. 

ලෝකය දැකලා නැතිය. 

දැකපු උන්ද අනෙකා ඒ සැප විදිනවාට තබා දකිනවාටත් බයය.


ඇත්තටම සිඳු විය යුත්තේ.., 

පෝට් සිටි කොමිසමේ පරිපාලනය මුලු රටේම විමධ්‍යගත කිරීමය.

සිස්ටම් චේන්ජ් කියන්නේ එයටය..

අප ඝෝඨා ජනාධිපති කලෙත් ඒකටය...

එය කළ හැක්කේත් ඔහුටම පමණය.

මන්ද ඔහු මජර දේශපාලුවකු නොවනා නිසාය..


ඒ වගත් මෙසේය...

Apr 15, 2021

පෝට් සිටි කොමිසම ක්‍රියාත්මක කළ යුතුමය.


පෝට් සිටි ව්‍යාපෘතිය මහින්ද රාජපක්ෂ යුගයේ ලංකාවට ගෙන එන්නේ එතෙක් මෙතෙක් ඉතිහාසයේ අපේ රටේ සිඳුකල විශාලතම ආයෝජනය ලෙසටය. එය නිසි ලෙස ක්‍රියාත්මක වූයේ නම් 2025 වන විට සියල්ල නිම වීමට සැලසුම් කර තිබිනි.

එහෙත් 2015 පත් වූ වසර පහක් තිස්සේ රට කා විනාශ කල කාළකන්නි යහපාලනය බලයට පැමිණි විගසම කළේ, මේ දැවැන්ත සංවර්ධන ව්‍යාපෘතිය නවතා දමන එකය. වඩාත් ලොල් සහගත කාරණය නම් රනිල් වික්‍රමසිංහ වැනි ලිබරල් යැයි කියා ගන්නා නායකයකු අතින් එය සිඳුවීමයි.

රනිල් එසේ කළේ ඇයි?

මෙහිදි රනිල් ප්‍රස්තුතයට පෙර, අදාලම නොවුවත් කළු ගල් ජෙප්පන් ගැනද යමක් සඳහන් කළ යුතුමය. ජෙප්පන්ගේ බල මණ්ඩලයේ ඉන්නා මහ වුන්, ලෝකය පිළිබඳව, බටහිර රටවල් පිළිබඳව, ඇමරිකාව පිළිබඳව, චීනය පිළිබඳව, ඒවා දියුණුවට පත්වූයේ කෙසේද, කුමන ක්‍රමයකටද යන්න පිලිබඳව මෙලෝ දෙයක් නොදන්නා වුන් කියා කෙනෙක් සිතන්නේ නම්, ඒ තරම් ගොනෙක් මිහිපිට ඇත්තේ නැතිය.

එහෙත් පෝට් සිටිය හදන්නට මුළු ලංකාවේම කළු ගල් යනවා කියා ඇස් ලොකු කර කට උල් කර කෙප්ප කෙලිනුයේ, රට දියුණු වුවහොත් උන්ගේ තියරි වලට මෙන්ම පක්ෂයටද කෙලෙවෙනා බව හොඳින්ම දන්නා නිසාය. උන්ගේ කළු ගල් කෙප්පය ගල් පැලෙන බොරුවක් බව අද ඔප්පු වි අවසානය.

රනිල් නම් අමු කුහකයාද මේ ව්‍යාපෘතිය නවතා දැම්මේ වෙන කිසි හේතුවක් නිසා නොව, තම ජීවිත කාළය තුලම මේ රට දියුණු වීමේ ක්‍රෙඩිට් එක රාජපක්ෂලාට යන නිසාවෙන්මය.

රනිල් කලේ, මෙය තමන්ගේ වැඩක් බව පෙන්නන්නට චීනේ රවුම් ගසා, නව ගිවිසුමකට යාම පමණි. හාතයි බූරූවන්ට මේක මහා වීරකමක් ලෙස පෙනුනද, චීනා කළේ එතෙක් ලංකාවට අයත්ව තිබූ හම්බන්තොට වරායා සාදාකාලිකව කුණු කොල්ලයට පවරාගැන්මය. කෙනෙක් මෙය දුන්නේ අවුරුදු 198 කට කියා තර්කයක් ගෙන එන්නේ නම් උන්ට කියන්නට තිබෙන්නේ එදාට නැවත පවරාදීමේ උත්සවයට සහභාගී වී ආතල් එකක් ගන්නා ලෙසය.

අද වෙන්නේ කුමක්ද?

පෝට්සිටි කොමිසමට එරෙහිව අදත් සිඳුවන්නේ ඒ 2015 දී සිඳු වූ ක්‍රියාදාමයමය. වෙනසකට ඇත්තේ අමු ගොන් බයියන් හා බයි පාර්ෂවයේ කහකඩයින් හා ආතක් පාතක් නොමැති ඇමතිකම් හා සල්ලිවලට හැම පැත්තටම පනිනා විජේදාස රාජපක්ෂ වැනි දේශපාලන කුහකයින් තම පිලට එකතුකර ගැන්මට ඔවුන් සමත්ව තිබීමය.

උන්, මේ කොමිසම, ජනතාව වෙත පෙන්වන්නෙ රටින් කොටසක් චීනාට දීමක් ලෙසිනි. එහෙත් ඇත්ත කතාව එය් නොවේ. මේ ගැන ඉතා හොදින් පැහැදිලි කරනා මහාචාර්‍ය රොහාන් සමරජීවගේ පහළ ඇති වීඩීයෝව ඊට සාක්ෂි සපයයි.

ඔහු මේ අදහස් පලකරනුයේ ආන්ඩු විරෝධී වෙබ් අඩවියක් වන The Leader වෙබ් අඩවිය වෙත වීම විශේෂයකි. මීට විරුද්ධව ශ්‍රේෂ්ඨාධිකරණයට ගොස් සිටින අමු කුහකයින්ගේ මරි මෝඩ ගොන් තර්කවලට පිළිතුරු දීමට කිසිඳු අදහසක් නැතත්, මහාචාර්‍ය රොහාන් සමරජීව මහතා මතු කරන කරුණු දෙකකට පිළිතුරු දීමට මෙය අවස්ථාවක් කර ගනිමි.

පෝට් සිටි කොමිසම පිහිටුවන්නේ ඇයි?

ඊට හේතුව සමරජීව මහතා ඉතා පැහැදිලිව කියා සිටී. මේ පිළිබඳව මාතලන්ද කෙටි ෆේස්බුක් සටහනක් දැම්මේය. ඇත්තටම මේ පිහිටුවන්නේ මෙතෙක් පැවති ආයෝජන මණ්ඩලය (BOI) වැනිම වූ ආයතනයකි. එහෙත් එවන් මණ්ඩලයක් තිබියදී තවත් පෝට් කොමිසමක් පත් කරන්නේ ඇයි?

ඒ අයෝජන මණ්ඩලයෙන්ද බලාපොරොත්තු වූ කාර්‍යක්ෂමතාවය නොලැබී යාම නිසා නොවේද? රටේ චිර ප්‍රසිද්ධ ව්‍යවසාකයින් කීප දෙනෙක්ම ආයෝජන මණ්ඩලයේ සභාපතිවරුන් ලෙස පත් කලද, ඔවුන් ඉතා කෙටි කලකින්ම ඉන් ඉවත්ව යන්නේ ඇයි? මොකා ආවත් නිළධාරී මාෆියාව හා කිසිවක්ම කල නොහැකි නිසාවෙන් නොවේද?

අන්ත දූෂිත රාජ්‍ය සේවය හා ආ‍යතන සමඟ මේ රට දියුණු කිරීම සිහිණයාක්ම පමණක් බව මේ මේ වසර කිහිපය තුලත් පෙන්වා අවසානය. ගම සමඟ පිළිසඳර ඒ බව මුලු ලෝකයටම පෙන්වා අවසානය. වැඩක් කරන්නේ ශවේන්ද්‍ර පමණි. රාජ්‍ය නිළධාරින් හෝ ලේකම්වරුන්ගෙන් කිසිඳු දෙයක් එතුමා ඉල්ලන්නේ නැත.

ජනාධිපති තුමා මෙය තේරුම් ගෙන අවසානය. එහෙත් ඔහු ජේ ආර් මෙන් නොව, වඩාත් ප්‍රජාතන්ත්‍රවාදී නායකයකු වන බැවින් කරනුයේ අර කාළකන්නින්ට හානියක් සිඳු නොකොට, ඔහුගේ අධීක්ෂණය යටතේ පෝට් සිටිය වෙනුවෙන්ම වෙනත් ආයතනයක් පිහිටුවීමයි.

මෙහිදී පවතින ආයතන පද්දතිය හා ක්‍රියාදාමයන් මුලින් විවේචනය කරනා සමරජීව මහතා යෝජනා කරනුයේ, පවතින ආයතන විධිමත් කර ගැනීම බවයි. එහෙත් ඔහු නගනා මුල් තර්කය මේ යෝජනාව තුලින් ඔහුම නිෂේධනය කර ගැනීම කනගාටුවට කරුණකි. සිඳුවිය යුත්තේ නව ආයතන‍‍‍‍‍‍‍යේ ශාඛා රට පුරා පිහිටුවීමය.

සමරජිව මහතාට ගැටලුවක්ව පවතිනුයේ වසර 40 ක බදු විරාමයයි. එහෙත් ඔහු අමතක කරනා කාරණය නම්, බදු මුදලින් ලබනවාට වඩා මුදලක් වක්‍රාකාරයෙන් රට තුලට ගලා එන මුදල් හා සංවර්ධනයේ ප්‍රතිලාභයි. පෝට් සිටිය තුල සියළු ගණුදෙනු සිඳුවන්නේ විදෙස් මුදලින් නම් එය කෙතරම් සතුටක්ද? එය කෙමෙන් කෙමෙන් විදෙස් මුදල් වෙත හුවමාරුවීමක් නොවේද? (ඊශ්‍රායලයේ මුදල් ෂේකල්ස් වූවාට, සියල්ල ගනනය කෙරෙනුයේ අමරිකාණු ඩොලර් වලිනි) මෙහිදි උදාහරණයක් ලෙස කැළණි ගඟ හරහා ඉඳිවන අති දැවැන්ත මාර්ග පපද්ධතියද පෙන්වා දිය හැක. මේ පෝට් සිටිය නිසා රටවැසියා ලද දැවැන්ත සංවර්ධනයකි.

අප ඝෝඨාභය ගෙන ආවේ සිල්ලර කාරනා ඉටු කර ගැන්මටවත්, හිට්ලර් කෙන්ක්ගේ වීරක්‍රියා බලන්නටවත් නොවේ. එකම පරමාර්ථය වූයේ ඔහු දේශපාලකයකු නොවීමේ හේතුවෙන්ම, එක එකා පිනවීමට කටයුතු නොකොට සෘජු තීන්දූ තීරණ ගෙන, රට ආර්ථික වශයෙන් වේගයෙන් සංවර්ධනය කරනා ලී ක්වාන් යූ කෙනෙක්, මහතීර් මොහොමඩ් කෙනෙක්, ඩෙන් ෂියා ඕ පෙන් කෙනෙක් බලාපොරොත්තුවෙනි .

එහෙත් ඒ බලාපොරොත්තුව සිඳබිඳ දැම්මේ නැගෙනහිර ජැටිය පිළිබඳ සිද්දි දාමයයි. එය මාතලන්ට අනුව නම් ඇත්ත වශයෙන්ම ඝෝඨා ෆේල් වූ මුල් අවස්ථාවයි. මේ අවස්ථාවේත් එක එකා ගහනා පදයට නටා මේ ඉදිරිගාමී තීරණය හකුලා ගතහොත් එය ඝෝඨාභයගේ අවසානය පමණක්ම නොව, රාජපක්ෂලාගේද, රටේද අවසානයයි.

.

ඒ වගත් මෙසේය…..









 

Apr 5, 2021

එස් බී කියන්නේ තිත්ත ඇත්තය..

 


මේ ලිපිය ලියන්නට උන්නෙ වියත් මගේ දෙදෙනකුගේ තනතුරුවලට බඩු බනිස් වීම මූලික කරගෙනය. එහෙත් අද ඇස් බී දිසානායක උන්නැහේ ගැටඹේ විහාරයේ නායක උන්නාන්සේ සමග පැවති සුහද සාකච්ඡාවෙන් පසු අප ලියන්නට උන් කරුණු තහවුරු වීම, අප පලකිරීමට උන් කරුණු හා වඩාත් සමපාත වන්නේය.

ඒ නිසා ඇත්තටම ලියන්න දෙයක් ඇත්තේත් නැතිය. කියන්නට ඕනෑ ටික ඒ දෙපල කියලා අහවරය.

අප ඔබතුමා ජනාධිපති ලෙස පත්කලේ මේ රටේ සෑම ක්ෂෙශ්ත්‍රයේම ව්ශාල පරිවර්තනයක් බලාපොරොත්තුවෙනි. ඔබ වෙනුවෙන් සහාය දැක්වූ අප හිතවතුන් හිතවතියන් සියල්ලම තවමත් ඒ බලාපොරොත්තුව අත් හැරලා නැතිය.

මේ රට හදන්නට නම් රාජ්‍ය සේවය, රාජ්‍ය සේවයට අවශ්‍ය ලෙස නොව පාලකයාට අවශ්‍ය ආකාරයට පාලනය කල යුතුය.

හිටපු ජනපතිවරුන් වන ජේ ආර් ජයවර්ධන හා රණසිංහ ප්‍රේමදස රට පාලනය කළේ එසේය. මහින්ද රාජපක්ෂ කලේ රාජ්‍ය සේවය පිරවීම මගින් හා ඔවුන්ට මෝටර් බයිසිකල්, පඩි වැඩිවීම් වැනි අල්ලස් ලබා දිමෙන් ඔවුන්ගෙ සහාය ලබා ගැනිමයි. ඊටාමතරව ඔහුගේ ගෝලබාලයෝ අවශ්‍ය දේ කරගත්තේ තගරියෙනි. ජනතාවට මෙන්ම රාජ්‍ය සේවකයින්ටද මෙය නොදිරවීම මහින්දගේ පරාජයට එක හේතුවක්ද උනේය.

ජේ ආර් කලේ වැඩ කරන්න බෑ කියූ හැම එකාම සදකාලිකව ගෙදර නතර කිරීමය. පරිප්පුව කන්න වෙන බව දැනගත් ඉතිරි උන් හා අළුතෙන් ආ උන් ගිනි කසයෝ වාගේ වැඩ කලේය. ඒ ලී ක්වාන් යූ සිංගප්පූරුව ගොඩ දැමූ ක්‍රමයයි. 1983 කල ජාතී ආලය නොවන්නට, රටේ සීඝ්‍ර සංවර්ධනය ඔහුගෙ ධුර කාලයන් දෙක තුල ලැබීමට නියමිතව තිබිනි. එහෙත් ජේ ආර් කල මරිමෝඩ ජාතී ආලය හේතුවෙන් ගිනිගත් උතුර දකුණ දෙකම ගිනි ගැනීම නැවතුනේ, මහින්ද පාලන සමයේ ඔබේ නායකත්වයෙන් ගත් තීන්දු තීරණ නිසාවෙනි.

ප්‍රේමදාසට ලැබුනේ දෙකොන පත්තුවන විලක්කුවක් වූවද, දකුණේ ත්‍රස්තවාදය මර්ධනයෙන්ද, උතුරේ ත්‍රස්තවාදය සාම ගිවිසුම් මගින්ද නතර කරගෙන රටේ සීඝ්‍ර ආර්ථික වර්ධනයක් කරා ගෙනගියේ රාජ්‍ය සේවය ඔහුට ප්‍රාණ බියෙන් උන් නිසාය.

එතෙක් මෙතෙක් පැවති තේ පොල් රබර් ආර්ථිකය වෙනුවට, ඇඟලුම් කර්මාන්තය මුලට එන්නේ ඒ හෙතුවෙනි. කාර්මාන්තයක් ආරම්බ කිරීමට අවශ්‍ය අනුමැතියන් ආයෝජකයින් ලබා ගත්තේ, සති දෙකක් වැනි සුළු කාලයකිනි. රාජ්‍ය සේවය ඒ තරම් කාර්‍යක්ෂමව වැඩ කල යුගයක් ඉන් පසු උදාවූයේ නැතිය.

අප ඔබගෙන්ද බලාපොරොත්තු වූයේ එවන් සීඝ්‍ර සංවර්ධනයකි. කොවිඩ් ප්‍රශ්ණය පැත්තකින් තැබුවද, වසර එකහමාරක් පමණ ගතවීත් කිසිඳු සැලකිය යුතු කිසිවක්ම ආන්ඩුවෙන් සිඳු වී නැති බව කනගාටුවෙන් උනත් කිව යුතුව ඇත. එය රාජ්‍ය සේවයේ මෙන්ම අමාත්‍යවරුන්ගේද අකර්‍යක්ෂමතාවය කදිමට පෙන්වන්නකි.

මීට හේතුවක්ද ඇත. ඒ මුලින් ඔබ කී… යලිත් බලයට ඒමට අදහසක් නැති බව පැවසීමයි. එවිට රාජ්‍ය සේවකයා සත පහකට බය නැත. අනෙක ඔබේ මැති ඇමති මණ්ඩලයද ඔබට සත පහක බියක් නැත. ඔවුන් වෙහෙසෙන්නේ ඔබට ගොට්ට ඇල්ලීමට නොව 2025 අපේක්ෂකයාගේ කීකරු බලු කුක්කන් වීමට ඔහු හෝ ඇය වන්දනාමාන කිරීමට පෙළඹීමයි.

කෙසේ හෝ මෑතක ඔබ කල ප්‍රකාශයකින් එය අහෝසී වී ගියද, ඉන් ඔබට, රාජපක්ෂ කඳවුරට මෙන්ම පොහොට්ටුවට සිඳු වූ හානිය සුළුපටු එකක් නම් වන්නේ නැතිය.

ඔබ ආන්ඩුව තුල සිටිනා සුළු පක්ෂවල උන් මහා පොරවල් වී සිටින්නේ මේ හේතුවෙනි. ඔබට විශ්වාසිම වූ වියත් මග පිරිසද ඔවුනට අනාගතයක් නොමැති මානසිකත්වයක් තුල කිසිවක් නොකරන බව පැහැදිලිවම පෙනීයයි.

එස් බී කියන්නේ මේ කතාවයි. එස් බී මෙන්ම ගැටඹේ නායක ස්වාමීන්වහන්සේද කියන්නේ මේ කතාවයි.

කොටින්ම කියන්නේ නම්, ත්‍රීකුණාමලයේ කැලෑවක් ස්වාමීන්වහන්සේ නමක් විසින් කපනවා යැයි අපට කියනා ආරක්ෂක ලේකම් කෙනෙක් රටට මක්කටද? කැන්සර් සහිත පොල්තෙල් වලට ලයිසන් දෙන ප්‍රමිති ආයතනයක් රටට කුමකටද? බොහෝ කෑම බීම වල වස තිබෙනවාය… ඒවා මොනවාද කිව්වොත් ඒ කොම්පැනි වහන්න වෙනවා යැයි කියනා රාජ්‍ය නිළධාරින් රටට කුමකටද? සිංහරාජයේ කිසිඳු වන විනාශයක් නැතයි කියන්න බැරි රාජ්‍ය නිළධාරින් රටට කුමකටද? මාෆියාවක් නිසා හාල් මිළ අඩු කරන්න බෑ කියනා ඇමතිවරුන් රාජ්‍ය නිළධාරීන් රටට කුමකටද?


ඒ වගත් මෙසේය…