.

.

Jun 30, 2021

සන්නස්ගලගේ නැව් බොරු හා වඩමාරච්චි මෙහෙයුම (වීඩියෝ සහිතයි)

 


ඇත්තම කතාව නම් මම ඔය ජාතිය ඇමතීමේ කතා දෙකම ටිකක් බලලා අත ඇරලා දැම්මා. මොකෝ දෙකම බෝරින්ග්. ඔය මහ රෑ දෙගොඩ හරි ජාමේ වෙනකන් තියෙන දේශපාලන වැඩ සටහන් බැලිල්ලත් අතෑරලා දාලා ගොඩක් කල්. ඒත් ඕවයේ යමක් තිබ්බොත්.. මාතේ උඹ අරක දැක්කේ නැද්ද? මේක දැක්කේ නැද්ද? කියලා ලින්ක්ස්, වීඩියෝ ක්ලිප්ස් එවන බොක්කවල් හා බොක්කියො ටිකක් මාතලන්ට ඉන්නවා.

ඔය සන්නගේ පම්පෝරි ගැහිල්ලේ යූ ටියුබ් ඒවා නම්, පොරගේ ඉදිරිපත් කිරීමට කැමති නිසා ඉඳහිට බලනවා. පොර, මෙලෝ අල බෝලයක් නොදන්න හූ මිටි තියන පාපොල් ඇට ලොන්තයෝ දෙන්නෙක් දෙපැත්තේ තියාගෙන පොරගේ පම්පෝරිය ගහනවා. අරුන් දෙන්නා ජෙප්පන්ගේ පන්ති පහට ගිය උන් වගේ ඔහේ අහගෙන ඉන්නවා. හැබයි ඉතින් එක වැඩ සටහනකදි පොර කියනවා මේක මගේ ප්‍රෝග්‍රෑම් එක, මේකේ කතා කරන්නේ මම...  උඹලට ඕන නම් උඹලා එකක් කර ගනිල්ලා කියලා.

ඔය පම්පෝරි ඇහුවට එයා පොලිටික්ස් කතා කරන කොට නම් අහන්න අප්පිරියයි. ඉතින් එදා සන්නා ඇදලා ඇරිය අමු කෙප්පයක් ගැන මේ කියන්නේ. නැත්නම් දැන් ඉන්න උන් මේවා ඇත්ත කියලා පිලිගන්නේ...

සන්නා මේකෙදි නාට්‍යානූසාරයෙන් කියනවා සජිත්ගේ තාත්තා හෙවත්  රණසිංහ ප්‍රේමදාස ඉන්දියාව එක්ක ගේම ඉල්ලුවලු. ඉන්දියාවට කෙලිනවා කිව්වලු, ඊට පස්සෙ ඉන්දියාවෙන් උඩින් ඇවිත් මෙහේ හැම කෑම්ප් එකකටම පානුයි පරිප්පුයි දාලා ගියාලු.. (වීඩියෝව බලන්න)



මොන කෙප්පද මේ.. 

ඇත්තම කතාව ප්‍රේමදාසට ඉන්දියාව සපෝට් කලා, ප්‍රේමදාස බලේට ආවයින් පස්සෙ ඉන්දියන් හමුදාව යන්න ගියා. ප්‍රේමදාස කරේ රෝ එකේ වැඩක්. ඉන්දියාව සාම ගිවිසුම ගහන වෙලේ රෝ එක ප්‍රේමෙට කිව්වා ගිවිසුමට විරුද්ධව කෑ ගහපන් කියලා. ප්‍රේමේ හිටියේ ජෙප්පන්ගෙ පැත්තේ. කොහොම හරි ගිවිසුම ගහද්දි ආන්ඩුව එක්ක ගේම ඉල්ලපු ප්‍රේමේ හිටියේ ඉන්දියාවේ. ඕන් පියානොගෙ කෙරුවාව.

ඔය කියන සිද්දිය වෙන්නේ ඊට කලින් වඩමාරච්චි මෙහෙයුම වෙලාවේ. එතකොට ඒකාබද්ධ හමුදා අණ දෙන නිළධාරී උන්නේ සිරිල් රණතුංග. ගේම ලීඩ් කරේ ඩෙන්සිල් කොබ්බෑකඩුව , විජය විමලරත්න හා ජෙරීද සිල්වා කියන සුපිරි බඩු තුන. ඕකට බලසේනා කීපයක් එකතු උනා. ඒ එක් බලසේනාවක් වෙච්චි පළමුවන ගජබා බල ඇනියේ අණ දෙන නිළධාරී උනේ වත්මන් ජනපති ඝෝඨාභය රාජපක්ෂ . එතකොට ආරක්ෂක ඇමති ලලිත් ඇතුලත්මුදලි , ප්‍රේමේ නිවාස ඇමති.

මේ සටනෙදි මුලින් අපේ හමුදා පරිප්පු කෑවට, පස්සෙ පිරිබාහරන්ගේ සෙට්ටෙකට කෙලවෙන්න වැදුනා. වැඩේ වන කරන්න කරුණා කරේ, නැගෙනහිර අරන්තලාවේ 1987 ජූලී 7 වෙනිදා භික්ෂූන් පිරිසක් අති අමානුෂික ලෙස ඝාතනය කරනෙක. ඒ සටන වෙනතකට යොමු කරන්න.

ඒ කරලත්, පුල්ලියාර් සාමිලට කෙලවෙන්න යන බව දැනගත්තු ඉන්දියාව ආවා පිරිබාහරන්ගේ සප් එකට. උන්  උතුරෙ ජනතාවට බෝට්ටු 19 කින්, ඔය සන්නා කියනවා වගේ, පාන්, පරිප්පු, හාල්, ළූණූ ,භූමිතෙල් එව්වා. නමුත් අපේ නේවී එකෙන් ඒවට එන්න දුන්නේ නෑ.

1987 ජූලී 4 වෙනිදා ඉන්දීය ගුවන් හමුදාවට අයත් ඇන්ටනොව් 5 ක්, මිරාජ් ජෙට් 4 ක ගාඩ් එකත් එක්ක යාපනේට පරිප්පු දැම්මේ ජේ ආර්ට වෝනින් එකකුත් දීලා. මේවට ඇටෑක් කරොත් රට අල්ලනවා කියලා, ඒක, ඉන්දියාව සම්පූර්ණයෙන්ම ප්ලෑන් එකක් ගහලා මෙහේ කොළඹ උන්න ඉන්දියන් කාරයොන්ට හෝටල් වලට යන්න කියලා කරපු සුපිරි මෙහෙයුමක්. 

ජේ ආර් හිතුවේ අලි පැටියෙකුත් දීලා ආපු නිසා ඇමරිකාවේ රොනල්ඩ් රේගන් අපිට සප් කරයි කියලා. නමුත් අරුන් ගුවන් සීමාව ආක්‍රමනය කරලා පරිප්පු විතරක් නෙමෙයි පුටු සැටිත් දාලා ගියා කියලා ඒ කාළේ කිව්වේ. ඔය ජිනීවා වල මානව හිමිකම් බක්කෝ, කොළඹ විසිල් සමාජේ කටක් ඇරියේ නෑ ඒ කාළේ. ලලිත් ඇතුලත්මුදලි විතරයි පොඩි සද්දයක් දැම්මේ. හැබයි උන්ට ඒවා මෙලෝ වශයෙන් පලදුන්නා

ඉන්දිරා ගාන්ධි අම්මා සික් කාරයෙක් වෙඩි තියලා මරලා දැම්මා. පුතා රජිව් ගාන්ධිට පිරිබාහරන්ම ගේම දුන්නා.

කොහොමත්  පිරිබාහරන්ගේ ශුක්‍රාණු හිඟන සන්නලට ඕවා මතක නෑ. මතක තිබුනත් කියන්නේ කෙප්ප. මේවා ලිව්වාම අපි බ්ලොක් කරත්, දායක සභා දාලා රිපෝට් ගහලා මාසෙකට බ්ලොක් කරත්, දැන් ඉන්න උන්ට දැනගන්න මේවා ලියලා තියන්න ඕන.

කෙසේ හෝ ප්‍රේමේ බලයට ආවයින් පස්සේ ඔය වඩමාරච්චි සටන ලීඩ් කරපු ඩෙන්සිල් කොබ්බෑකඩුව, විජය විමලරත්න ඇතුලු සෙට්ටෙකටම එක බෝම්බෙකින් ගේමක් දුන්නා. ඒක කළේ.., පිරිබාහරන්ද, රෝ එකද, ප්‍රේමෙද කියන එක අදටත් නොවිසඳුණු  ප්‍රෙහෙළිකාවක්.

මගේ කතාව අසා සිටී ඔබ සැමට තෙරුවන් සරණයි...


ඉස්ධූතී .... නන්ඩ්‍රෙයි .... ටෑන්ක්ස් හොඳේ.....!!!!


.

Jun 29, 2021

බැසිල් කරයි ලබ්බ

 


බැසිල් ඇවිත් කරයි ලබ්බ. මෙසේ කියනා දෙපිරිසක් සිටී. ඒ, විරුද්ධ පාක්ෂිකයින් හා බැසිල් නිර්මාණය කළ පොහොට්ටුවේම ඉන්නා බැසිල් විරෝධි පුලන්නන් පිරිසය. ඔවුන් පොහොට්ටුවේ චන්ද වලින් වීරයන් වී සිටිනා, හිඟන දේශපාලුවන්ගේ ගෝල බාල පිරිසය. මහින්ද මහත්තයා මේ නයි රෙද්ද අස්සේ දාගෙන හුරතල් කලාට, මේ සියල්ලන්ම හඬ මිස වැඩ නැති හාල්පාරුවෝ බව දේශපාලන ගල් ආඳෙක් වන බැසිල් උන්නැහේ දන්නවාය. 

ඒ හෙතුවෙන් ඒ පිරිසට බැසිල් දිරවන්නේ නැති අතර, බැසිල්ට ඔවුන් දිරවන්නේත් නැතිය. මේ ගේම පටන් ගන්නේ අද ඊයේ නෙමේය. මෙය පටන් ගන්නේ 2012 තරම් ඈතය. ඒ බැසිල් විසින් ආර්ථිකය උඩු යටිකුරු කරමින් ආර්ථික වර්ධන වේගය වසර තුනක් තිස්සේ 8% ඉහළ අගයකට ගෙන එමින් එය චීනයට පමණක් දෙවනි වූ කාළ වකවානුවෙය. 



ආර්ථික වර්ධන වේගය මේ තරම් ඉහළ අගයක් ගැනීමත්, බැසිල් සුපිරි වැඩ්ඩෙක් බවට පත්වීම, ආන්ඩුව තුල උන් පුලන්නන්ට දරා ගැනීමට නොහැකි විය. රාජපක්ෂලාට ගේම අදින්න ආර්ථික ඝාතකයෙක් ගැන කතාවක් ගෙන එමින් ආන්ඩුව ඇතුලේ සිටම රාජපක්ෂලාට කෙලීම ආරම්බ කරන්නේ විමල් වීරවංශය. ඔහුට සප් එක දෙන්නේ අතන මෙතන රතන හා පාඨලී චම්පික රණවකය. මේ තිදෙනාටම බැසිල් දිරවන්නේ නැත්තේ, මහින්ද හා දානා සෙල්ලම් බැසිල් හා දාන්නට බැරි නිසාය. 

මෙයින් පාඨලි හා රතන යහපාලනයට ජැක් එක ගසන්නට ගියද, විමල් නොගියේ එක හේතුවක් ඇතුවය. ඒ විමල්ගේ සිහිණය නිසාය. මේ සිහිණය ගැන අපූරුවට සඳහන් වන්නේ ජවිපෙන් තහනම් කරනා ලද විමල් විසින් ලියූ නැත්ත වෙනුවට ඇත්ත පොතේය. ඒ ජවිපෙ විසින් ශ්‍රි ලංකා නිදහස් පක්ෂයේ මෝඩයන් රවටා පක්ෂය ගිලගෙන බලය ඇල්ලීමයි. මේ අදහස ඔහුට එන්නට ඇත්තේ සිරි ලංකා නිදහස් පක්ෂයේ මෝඩ චන්ද දායකයො තමන්ගේ උන් ගෙදර තබා, ජෙප්පෝ 42 ක්ම පාර්ලිමේන්තු යැවූ දිනයේය. අද ඒ මෝඩයන් සිටින්නේ පොහොට්ටුවේය. 

ඉදින් විමල්ට හා අනෙකුත් ත්‍රී වීල් පක්ෂවලට කඩේ යන පෝට්ටුවේ ඉන්නා අය බැසිලාගමනයෙන් කලබල වීම පුදුමයට කරුණක් නොවන්නේමය. 

කෙසේ හෝ විමල්ගේ ආර්ථික ඝාතක කතාවෙන් පසු ආර්ථිකයේ වර්ධනය මෙන්ම ආන්ඩුවේ වර්ධනයද සීඝ්‍රයෙන් පහතට වැටෙනාතර වර්ෂ 2013 ආර්ථික වර්ධන වේගය වන්නේ 3.4 % කි. ඉන් පසු වසර දෙක තුල නැවතත් එය 5 % ක පමණ ප්‍රමාණයකට වර්ධනය වූවද, මහින්දගේ ප්‍රාදේශීය නායකයන්ගේ පිස්සු කෙලීම් හමුවේ ජනතාවට එපා වු රජපක්ෂලා නැවතත් මැදමුලනට යවා ජනෙල් පොල්ලේ එල්ලුවේය. 

රාජපක්ෂ පවුල එලවා රට ගොඩගන්න ගිය උන්ට උනේ ගහෙන් වැටුන එකාට චක්කා අනිනා එකටත් එහා ගොහින් පඹයකුගේ හා සමනල් රෑනකගේ අනඟ රැඟුම් බල බලා හූල්ලමින් ඉන්නටය. කොටින්ම මාතලන් කියනවා වාගේ එක පවුලකට කෙලින්නට ගොස් ලංකාවේම පවුල් වලට හැමිනිලා ගියේකය. එයාලා ආර්ථිකේ කාපු හැටි අලුතෙන් ලියන්න ඕනෑ නැතිය.


බැසිල් චරිතය නැවතත් කරලියට එන්නේ, ගම්මන්පිල උන්නැහේ පැස්ටෝල් වලට කෙලිය දිනයට පසු දිනය. ඒ පෝට්ටුවේ ලේකම් සාගර උන්නැහේ සාගර දූෂණයත් යට ගහලා බැසිල් ආපු ගමන් පැස්ටෝල් අඩු කරනවා කියපු නිසාය. දැන් බැසිල් උන්නැහේ ඇවිත් ටික දවසක් උනත් තාම නම් පැස්ටෝල් මිළ නම් අඩු උනේ නැතිය. ඒ වෙනුවට දැන් කතා වෙන්නේ බැසිල් පාර්ලිමේන්තුවට එන එකය. දැන් සාගර කියන්නේ එයා පාර්ලිමේන්තුවට ඇවිත් ඇමති කමකුත් අරගෙන පැස්ටෝල් අඩු කරනවා කියලාය. 

මහින්ද මහත්තයා ඇමති කමත් දෙන්නම් කියලා තියෙනවාය. දැන් ඉතින් බැසිල් උන්නැහේට තියෙන්නේ පාර්ලිමන්ට් ඇවිත් ඇමතිකමත් අරගෙන පැස්ටෝල් හා රටින් ගේන හාල් ටික හෝ ජහමනයාට අඩුවට දෙන එකය. 

එහෙම දුන්නොත් බැසි,ල් දෙයි  ලබ්බ කියපු උන්ට වෙන්නේ, දුන්න ලබ්බ කස කසා ඉන්නය. නොදුන්නොත් වෙන්නේ, බැසිල් ඇවිත් දෙයි කියලා කැ ගහපු උන්ට සද්ද නැතිව පසුපෙලටම වෙලා නිරෝසන් දික්වැල්ල වගේ ලබ්බ කස කසා ඉන්න එකය. 

එතකොට ඊළඟ චන්දයකදි ජනතාව ඉදිරියට විත්, අපි තමයි හොඳටම කැසුවේ. කැසුවාම හරි සැපයි ඕයි කියා කීව හැකිය. 


ඒ වගත් මෙසේය.....


Jun 27, 2021

පෝට්ටු බයියන්ගේ සමාජ මාධ්‍ය පිබිදීම


ජනාධිපති තුමා ජාතිය ඇමතීමෙන් බලාපොරොත්තු වූ සියුම් දේශපාලන පරමාර්ථයන් දෙකක් වූ බව මාතලන්ගේ මතයය. 

1. තම පෞද්ගලික පරමාර්ථයන් ඉටු නොවීම නිසා ආන්ඩුව ඇතුලේම සිට ජනාධිපතිතුමා හා ආන්ඩුව විවේච්නය කරනා සියලු බලවේගවලට කන හරහා දීම.

2. විශාල ආන්දෝලනයක් ඇතිවිය හැකි දුමින්ද සිල්වා නිදහස් කිරීමේ හා-හෝව යටපත් කිරීම.

මෙය ජාතිය ඇමතීමක් ලෙස නොව ඉදිරිපත් කළ හැකි ක්‍රියාත්මක කළ හැකි වෙනත් ක්‍රමෝපායන් රාශියක් තිබින. දැන් ඒවාට උත්තට බඳින්නට වෙලා තියෙන්නේත් සමාජ මාධ්‍යවල ඉන්නා පෝට්ටු බයියන්ට හා ඝෝඨාට රෙදි නැතිව කඩේ යන්නට ආ අපටය. මෙය මේ මොහොතේ සිඳු නොවුනා නම් වඩා හොඳයි යන්න මධ්‍යස්ථ මතධාරීන්ගේ මතයය. 

ඒ කෙසේ වෙතත්, එහි හරය පිළිබඳ එකෙකුටවත් විවේච්නයක් හෝ විකල්පයක් නොමති වීමත විපක්ෂයේ දේශපාලන භංකොලොත්භාවය කඳිමට පෙන්වන්නක්ය. 

මේ රටේ නොව ඕනෑම රටක රාජ්ජ නායකයා ජාතිය ඇමතීම යනු, තවත් ජනප්‍රිය බොරුවකි. ඔහු හෝ ඇය අමතන්නේ තමන්ට චන්දය ලබා දුන් පිරිසය. විරුද්ධ පාක්ෂිකයින් විසින් ජනාධිපති තුමා ජාතිය ඇමතිමටත් පෙර සිටම ඒ සඳහා එල්ල කල මඩ ප්‍රමානයෙන්, එය ගෝනා ඔනෙකුට පහසුවෙන් වටහා ගන්නට  පුලුවන්ය. කලින් එජාපයේ උන් ලක්ෂ 25 ක පමණ ප්‍රමාණයත්, ජනතා විමුක්ති පෙරමුණ සතු ලක්ෂ 2.5 ක පමණ ප්‍රමාණයකුත් මීට අයත් වෙනවාය. 

ඔය කලින් සඳහන් කළ පිරිසට අමතරව පෝට්ටු බයියන් සතුව ලක්ෂ 40 ක පමණ වහලුන් ප්‍රමාණයක් සිටි. ආන්ඩු වෙනස් කරන්නේ මේ පිරිස නොවේ. එක එකාගේ ගුණ දොස් කිරා බලා චන්දය භාවිතා කරනා බුද්ධිමත් මධ්‍යස්ත පිරිසයි. ඝෝඨා උත්සාහ කළ යුත්තේ තමා වෙනුවෙන් චන්දය භාවිතා කළ ඒ විශාල පිරිස ආරක්ෂා කර ගැනීමයි. 

මේ සියළුම පිරිස් නියෝජනය කරනා සුළු පිරිසක් සමාජ මාධ්‍යන් තුල ක්‍රියාකාරීව තම අදහස් අදහස් ප්‍රකාෂ කරමින් සිටිනාතර, ඒවාට විශාල හඬක් ඇති බවත් බොරුවක් නොවේ. ලංකාවේ සමාජ මාධ්‍ය වේදිකාව වන්නේ ෆේස්බුක් අඩවියයි. මහා ලොකු ප්‍රජාතන්ත්‍රවාදී ලිබරල් යැයි කියූ යහපාලන කාළයේ බවා ෆේස්බුක් අඩවියට පිවිසීම කීප වරක් අහිමි කළද, හිට්ලර් කෙනෙක් යැයි කියූ ඝෝඨා පාලනය තුල මේ වන තෙක් ඊට කිසිඳු බාධාවක් ඇති නොවීම ගැන අප සියල්ලෝම සතුටු විය යුතුය.  

මේ සමාජ මාධ්‍ය ක්‍රියාකාරීන් අතර කිසියම් දීමනාවක් හෝ වැටුප් ලබනා වෘත්තීය ක්‍රියාකාරීන් පිරිසක්ද සිටිනාතර ඔවුන්ටත් වඩා නිර්මාණශීලී පිරිස් කිසිඳු ගෙවීමක් හෝ දීමනාවක් නොලබන විශල පිරිසක්ද සිටි. මංගල සමරවීර විසින් යහපාලන ක්‍රියාකාරින්ට ඉතා ඉහළින් සැලකු අතර අදටත් ඔවුන් නඩත්තු කිරීම ඔහු විසින් ඉතා සාර්ථකව කරගෙන යමින් සිටී. 

එහෙත් මාතලන් අද කතා කරන්න යන්නේ පෝට්ටු බයියන් ගැනය. පෝට්ටුව බලයට ගෙන ඒමට ස්වේච්ඡාවෙන් සමාජ මාධ්‍ය තුල පෙලහර පෑ පිරිස අති විශාලය. මොවුන්ට එජාපයේ පිරිස මෙන් කිසිඳු ගෙවීමක් හෝ දීමනාවක් දීමට කවුරුත් උන්නේ නැතිය. ඔවුන් ආවේ අතින් කයිට් කරගෙන තමන්ගේ ඩේටා වලිනි. ඔවුන් ඉතා තියුණු දේශපාලන ඉවක් සහිත කිහිප දෙනෙකු විසින් මෙහෙය වූ බව පැහැදිලිව දකින්නට ලැබිනි. 

මේ පිරිස පිළිබඳව හිටපු ජනපතිගේ මාධ්‍ය අංශය යැයි කියන බලකාය දන්නේවත් නැතිය. හැබයි පට්ටම ආතල් එක උනේ.., ඒ පිරිස බුකියේ පොටෝ එකක්ද එල්ලමින් ජයග්‍රහණය සැමරීමට පැමිනීමය. මෙය පෝට්ටු බයියන්ගේ පමණක් නොව, විරුද්ධවාදින්ගේද සමච්ඡ්ලයට ලක් වූයේ සිඳු විය යුතු ආකාරයෙන්මය.  

මේ අතර පෝට්ටුවේ ජයග්‍රහණයෙන් ඒ වෙනුවෙන් වඩාත් කැපවූයේ කවුරුන්ද යන්න පෙන්වන අපූරූ සිඳුවීමක් බේරුවල පිහිටි හෝටලයකදි මහින්ද රාජපක්ෂගේ ප්‍රධානත්වයෙන් පැවති උත්සවයකදි සියල්ලන්ටම දැකගත හැකි විය. 

එයද ලකුණු දමා ගැනීමට කල උත්සවයක් පමණක්ම වූ අතර, අර සමාජ ජාලා පොරවල් එහිදීද දක්නට උන්නේ නැතිය. එහි පැමිණ උන්නේ අතින් කයිට් කරගෙන පෝට්ටුවට කඩේ ගිය පිරිස පමණි.  පසුව කෙමෙන් කෙමෙන් මේ පිරිස සමාජ මාධ්‍ය තුලින් හැලී ගිය අතර, ඊට ප්‍රධාන හේතුව පොහොට්ටුව විසින් මේ පිරිස අමතක කර දැමීමය. සුළු පිරිසක් එක එකාගේ ගුලි කමින් ත්‍රීවීල් පක්ෂවලට කඩේ යන්නන් බවට පත් වී අද බැසිලාගමනයත් සමඟ අඤ්ඤකොරොස් වී සිටින්නේය. 

තවත් කිහිප දෙනෙක් ආන්ඩුවෙ තනතුරු රැගෙන ලොකු ලොකු තැන්වලට හේත්තු වූ අතර, පොඩි එකා පයිසෙකට මායිම් නොකර හලා දැම්මේය. මගේ අදහස නම් සෑම පක්ෂයකම සමාජ මාධ්‍ය ඒකකය නමින් වෙනම සංවිධානයක් පිහිටවිය යුතු අතර, එය එම පක්ෂයේ ප්‍රභල පුද්ගලයකුගේ නායකත්වයෙන් නිතිපතා අධීක්ෂණය විය යුතු බවයි.  

එහෙත් වාසනාවකට ආන්ඩුවට මෑතක එල්ල වූ විවිධ චෝදනා හමුවේ මේ පිරිස නැවතත් සමාජ මාධ්‍ය තුලට එකතු වීමක් දක්නට ලැබීම බුකිවාසින් ලෙස අපටත්, ආන්ඩුවටත් ඉතා හොඳ දෙයකි. වසර පහක් තිස්සේ සෑම ක්ෂේශ්ත්‍රයකින්ම කඩා බිඳ දමා ගිය රටක්, වසරක් දෙකක් ඇතුලත ගොඩ ගන්නට බැරි බව අද ඔවුන් තේරුම් ගෙන ඇති බව පෙනේ. එමෙන්ම කොරෝනා ඉවර කරන දවස කියන්නැයි කියනා සුනිල් හඳුන්නෙත්ති වැනි අමනයන් සිටිනා රටක, එය ගෝලිය වසංගතයක් බව ඔවුන් වටහාගෙන ඇති බව පෙනේ.  

ජනාධිපති මාධ්‍ය ඒකකය මෙන්ම අගමැති මාධ්‍ය ඒකකයද කිසිවක්ම නොකරන හා කරනා දෙයිනුත් ඇදගෙන නා ගන්නා මෙවන් සමයක, මොවුන් එහි රඳවා ගැනීම ආන්ඩුවේ වගකිව යුතු අයගේ විශාල වගකීමකි. එවිට ඔය විපක්ෂ සමාජ මාධ්‍ය ක්‍රියාකාරින් සාර්ථකව පවත්වාගෙන යන බොට් ෆාම් (ලැයික් ෆාම් හෙවත් හ හා ෆාම්) වලටත් වඩා ක්‍රියාන්විත කණ්ඩායමක් ආන්ඩුව තුල පිහිටුවා ගැනීම ඉතා පහසු කටයුත්තක් වනු ඇත්තේය. 

මන්ද සියළු මාධ්‍යන්ටම වඩා සමාජ මාධ්‍ය ලොව වඩාත්ම බලවත් මාධ්‍ය ඒකකය බව ඔප්පු වී අවසාන නිසාය. 

Jun 25, 2021

ජනාධිපතිතුමාගේ කතාව හා ඇසිලින් අක්කාගේ නාඩගම් විචාරය


ඊයේ ජනාධිපති තුමා ජාතිය ඇමතුවේය. ඇත්තටම ඒක ජාතිය ඇමතීමකට වඩා, පොහොට්ටුවෙන් ගොඩ ගිය ත්‍රීවීල් පක්ෂවල පුලන්නන්ගේ ගුලි වැළඳිමෙන් හා අනුභවයෙන් අනතුරුව වැඩ අල්ලා ගේමක් ගසන්නට ගොස් බැසිලාගමනයෙන් පසු සියළු සිහිණ බිඳ වැටි හත් පොලේ ගාගෙන ඉන්නා උන් ඇමතීමක් උනේය. 

ඒ සොලිඩ් කතාව බලා අද උදේ බුකියට බට මට මතක් උනේ අපේ ගමේ උන් ඇසිලින්ය. 

බුකියේ ඇසිලින්ලා වැහි වැහලාය.


ඇසිලින් අක්කා අපේ ගමේ ළිඳ ළඟ සංගමයේ සභාපතිනිය වූ අතර හංදියේ කඩේ මුදලාලිගේ ලේඛම්ද උනේය. 

කවුරුන් හෝ හම්වල එවන් කෙනෙක් දැක නැතිනම්, 

කෝපි කඩේ ටෙලියේ දයාවති හෝ 

ඇයම රංඟනයේ යෙදෙන 

සකළ ගුරු ටෙලි නාට්ටියේ 

මැගි හාමි චරිතය සිහියට නගා ගත්තා නම් හරිය. 


ඇසිලින් අක්කාගේ හබියා උනේ ආරොන් මාමාය. 

ආරොන් මාමා කලා රසිකයෙක් වූ අතර 

දිනක් ඇය අල්ලපු ගමේ පෙන් වූ 

සඳ කිඳුරු නාඩගම බලන්න එක්කගෙන ගොස් තිබුනේය. 

පසුදා පොසොන් පෝයට සිල් ගන්න ගිය ඇසිලින් අක්කාට සිඳු වූයේ 

සිහිණෙන්වත් නොපැතූ අකරතැබ්බයකට මුහුණ දෙන්නටය. 


ඇසිලින් සඳ කිඳුරු නාඩගම බලන්න ගිය බව 

බණට වැඩිය නායක හාමුදුරුවන්ට 

මේ වන විට වෙනත් දියුණු සංනිවේදන තුලින් දැන ගැනීමට ලැබී තීබූනි

පන්සිල් ගැනීමටත් පෙර 

පඩික්කමට බුලත් කෙළ පාරක් වැඩැම්මූ උන්නාන්සේ 

ඇසිලින්ට කීවේ... 

ආ ඇසිලින් අක්කා... 

ඊයේ සඳ කිඳුරු ජාතකේ බලන්න ගියාලූ නේද? 

ඕක මේ අපේ ජාතක කතාවක් නේ... 

මේ උතුම් පොසොන් පෝය දවසේ... 

අපිටත් අහගන්න කියහනකෝ ඇසිලින් අක්කේ... 

නාට්ටිය ගැන මේ උපාසක උපාසිකාවන්ටත් දැනගන්නත් එක්ක කතාව පොඩ්ඩක්..


හප්පේ බලන්න එපාය ඒ නාඩගම අපේ හාමුදුරුවනේ... 

සඳ කිඳුරිට හිටියේ අපේ ගමේම අර ඕවිට අද්දර ගෙදර ඇලිසගෙ ලොකු දෝනී නේ... ඕකි ඉතින් ඒ අම්මන්ඩි වගේම 

හොඳ හොඳ නාඩගම් කීපයක්ම මේ වෙනකොටත් නටලා නේ තිබ්බේ.... 

ගමක ඉන්න වැදගත් උන් යනවද හාන්දුරුවනේ ඕවයේ නටන්න? 

සමහර වෙලාවට ලන්තෑරුම් එල්ය වැඩි වෙනවා.... 

සමහර වෙලාවට අඩු වෙනවා... 

ඒත් මම ආරොන් ගොයියටත් කිව්වා.... 

හරියට බලහන් ඒකීම නේද කියලා.... 

සඳ කිඳුරා සින්දු කිව්වට හරියට ඇහෙන්නේ නෑ... 

එක වෙලාවක සද්දේ වැඩියෙනුත් ඇහෙනවා... 


අපේ හාන්දුරුවන්ට කියන්න හාන්දුරුවනේ... 

නාට්ටිය අස්සේ කොහේද යන උරුලෑවෙක් දිව්වා කියන්නකෝ ඉස්ටේජ් එක මැද්දෙන්...

හික්.... හික්... හිකී.... හූ..... 

කොල්ලො ඔක්කොම හූ කිව්වා... 


ඒකී ඇඳලා හිටියේ ඇලිසගෙ හෝන් කමින් සාරිය... 

ඒකත් අමුඩෙ ගැහුවා වගේ හරියට අන්දලා නෑ.. 

අරකිගේ මූණේ පවුඩර් උලලා උලලා පාන් පිටි ගාලා වගේ... 

ආ එතකොට නියම වැඩී කියන්නේ... 

අපේ කෝරලේ මහත්තයයි හාමිනෙත් උන්නා නේ.... 


හප්පේ බලන්න එප්පෑය අපේ කෝරලේ හාමිනේගේ රැස්පොට්... 

එයා හරියට සඳ කිඳුරි කියලා හිතාන උන්නේ. 

වට පිට බලනෝ..

එයා දිහා ඒ ගමේ උන් බලනෝද කියලා...

එකෙක්වත් ගනන් ගත්තේ නෑ ඒ විගඩම...


කියාලා ඇසිලින් එක දිගටම නාඩගම ගැන කියාගෙන ගියා... 


ඔය මොනවද බං ඔය කියන්නේ... 

මම උඹට කිව්වේ.... ඇසිලින් අක්කේ.... 

ජාතක කතාව කියන්නෙයි කියලා...


ජාතක කතාව නම් හාන්දුරුවනේ හැමදාම අහලා තියෙන්නේ.. 

අපේ හාන්දුරුවොම කී ගමනක් ඔය ජාතකේ බණට කිව්වැයි...? 

ගිය අවුරුද්දේ ටවුමේ තොරණෙත් තිබ්බේ සඳ කිඳුරු ජාතකේ නේ... 

ඕන් දන්නේ නැති එකෙක්ට ආයෙත් දැනගන්න... 

අදත් ඒ බණ කතාව දේසොනා කරානම් ඉවරනේ අවසර...



                   ඇසිලියාගේ සඳ කිඳුරු නාඩගම නිමී..


මේ වගේම ටිකක් වැදගත් සෙට්ටෙකක් ඉන්නවා චීත්තපට විකාරකයෝ කියලා.. 

උන් ෆිල්ම් එකටත් වඩා දිග පත හෑල්ලක් චිත්තරපටි විකාරය කියලා පත්තරවලට ලියනවා. 

ඒකේ තියෙන්නේ තිර නාටකය, 

නළු නිලියන් මෙහෙයවීම, 

ලිංගික දර්ශණ අනවශ්ය බව පැවසීම, 

සංගීතය, 

වේස නිරූපනය, 

ප්‍රධාන නලු නිලියන් තම භූමිකාව තුල ජීවත් වීම, 

සඟිස්කරණය, 

කලා අජ්ජක්සනය වගේ ඒවා... 


කතාව බලන්න නම් සෝ එක බලන්නම වෙනවා.



ඒ වගත් මෙසේය..

දුමින්දාගමනය ඔතනින් නිමා විය යුතුය.


මුලින්ම කිව යුතුව ඇත්තේ මාතලන් දුමින්ද සිල්වලාගේ භාරත ලක්ෂ්මන්ලාගේ පාදඩ දේශපාලනයවත්, එජාපයේ මැර දෙශපාලනයවත්, ජවිපේ ත්‍රස්තවාදි දේශපාලනයවත් කිසි ලෙසකින් හෝ අනුමත කරන්නේ නැති බවය. 

එනයින් බැලූ කල, ඝෝඨාභය රාජපක්ෂ චැප්ලින් කෙනෙක් ලෙස හැඳින්වීම මෙතෙක් පැවති පාදඩ සිස්ටම් එක කනපිට පෙරලීමක්ය. විරුද්ධවාදීන් මෙන්ම අපද බලාපොරොත්තු වූ හිට්ලර් වෙනුවට ලැබී ඇත්තේ, එතෙක් මෙතෙක් ලංකාවේ බිහි වූ වඩාත්ම ප්‍රජාතන්ත්‍රවාදී ජනාධිපතිවරයාය. එය ප්‍රජාතන්ත්‍රවාදී නිදහස අගය කරනා ඕනෑම එකෙක් පිලිගන්නවා ඇත.  

දුමින්ද සිල්වා ඊයේ එලියට ආවේය. ඔහුට නීතියෙන් සිඳු වූ අසාධාරණය ගැන මැදිහත් සිතින් බලා ලියූ සටහන් දැක්කේ අතේ ඇඟිලි වලටත් අඩු ප්‍රමාණයකි. ඔහුගේ නඩු තීන්දූව තේරුම් ගත නොහැකි තීන්දුවක් බව නීතී ක්ෂේශ්ත්‍රයේ කීප දෙනෙකුම මාතලන් හා ඒ කාලයේ කියා සිටියේය. 

එය තනිකරම දේශපාලන කුමන්ත්‍රණයක් වනාතර. දුමින්ද සිල්වා සිරගත වන්නේ මිනීමරුවකු ලෙස නොව අරලිය ගහ මන්දිරයේ සිට පොලීසිය හා අධිකරණය එක්ව සිඳුකල දේශපාලන කුමන්ත්‍රණයක ගොඳුරක් වෙමින් දේශපාලන සිරකරුවකු ලෙසය. අප විරුද්ධ වන්නේ මෙන්න මේ දෙයටයි.

දුමින්ද එලියට ඒම වෙනුවෙන් විරුද්ධ මැරෙන්නට හදනා මෙම දේශපාලන කුමන්ත්‍රණයට එක් වූ පිරිස් හා ඔවුන්ට සහාය දක්වන කණ්ඩායම්, සංවිධාන හා රටවල් ටික බැලුවාම එය තව දුරටත් සනාත වී හමාරය. අද දුමින්ද එලියට ඒමට හේතු වූ නීතිමය කරුණු මොනවාද යන්න අහනා නීතීඥ්ඥ සංගමය, එදා දුමින්ද ඇතුලට යාමට හේතූ වූ නීතිමය කරුණු කාරනා මුලින්ම අපට කියා සිටින්නේ නම් බොහෝ අගනේය.

දුමින්ද සිල්වා දේශපාලන සිරකරුවකු බව ඇමරිකානූ එම්බසියට මෙන්ම ජිනීවා මානව හිමිකම් කමිටුවටත් අමතක වී තිබේ. ඔවුන්ගේ ප්‍රකාෂ පට පට ගා බුකියේ දමනා, මේ කුමන්ත්‍රණයේ තවත් හවුල් කරුවකු වන, අසාම් අමීන් නම් මාජ්ජවේදියා ඒ කාළේ කටයුතු කල ආකාරය අද අපට අමතක නැත. 

අරලිය ගහ මන්දිරයේ සිට ශානී පිටපත් ලියා ගෙන ආ සියළු කුමන්ත්‍රණ පිටුපස, අසාම් අමීන් උන් බවට තොරතුරු එන්නේ ඒ කාලයේමය. මේ සියල්ල්ලෝම හෙලිදරව් වූයේ රන්ජන් නැමති මොන්ටිසෝරි දේශපාලුවාගේ දුරකතන ඇමතුම් සියල්ල පටිගත කිරීමේ මරි මෝඩ වැඩේ නිසාය. ඒ සියල්ල අවශ්‍ය කෙනෙක් වේ නම් යූ ටියුබයේ තියෙනවාය. අමතක අය එතනින් එවා අහගන්නා එක කොහොමත් හොඳය. 

මෙහිදි මුලින්ම ලැබෙන්නේ බෙදුන තීන්දුවකි. සමහරුන් සාධාරණය කරන්නේ එය උපරිමාධිකරණයෙන් සම්මත වූ නිසා වඩාත් නිවැරදි තීන්දුවක් බවකි. එහෙත් මුල් තීන්දුව ආපු හැටි දන්නා අපට, ඒ තීන්දුව ආ හැටිත්, සිරිසේනගේ ඔක්තෝබර් විප්ලවයේ තීන්දුව ආ හැටිත්, ඒ තීන්දු දුන් අයට ඇමරිකන් එම්බසිය ගානේ ෆොරින් ටුවර් දුන් හැටිත් අහගන්නට වෙන්නේ, ආයෙත් රන්ජා එලියට ආපු දවසකය.   

ආන්ඩු විරෝධීන් මෙම තීරණයට විරුද්ධව හඬ නැගීම සාධාරණීකරණය කළ හැකි වුවද, ආන්ඩුවට ඉක පුරාගෙන කඩේ ගිය උන්ගේ විරෝධය නම් උගුරට හොරා බෙහෙත් ගිලීමක් බව නොකියා සිටිය නොහැකිය. පොහොට්ටුව්ට චන්දය දුන් හැම එකාම පමණක් නොව විරුද්ධව දුන් හැම එකාම දුමින්දට ජනාධිපති සමාව ලැබෙනා බව දැනගෙන උන්නේය.

එහෙත් එය සිඳු වූ ආකාරය සාධාරණද යන දේ මතුකර තිබුනේ හිරන්ත හේරත් පමණි. ඒ ඔහු නීතීඥ්ඥයකු වන නිසාය. මාතලන් ඔහුගේ මතය හා 100% එකඟ වුවද, මේ ආ ක්‍රමයේත් කිසිඳු වැරද්දක් දකින්නේ නැත්තේ, ඔහු දේශපාලන සිරකරුවකු නිසාය. 

රෝහණ විජේවීර වන් අය එලියට එන්නේද දේශපාලන සිරකරුවන් නිසාය. ස්ත්‍රී දූෂකයකු මෙන්ම මිනීමරුවකු වූ ගෝනවල සුනිල්ගේ ජනාධිපති සමාව අමතක කලද, මෛත්‍රිපාල සිරිසේන විසින් මරණ දඬුවමට නියමිතව උන් 96 දෙනෙකු පමණ එලියට දැමීම සියල්ලන්ටම අමතකව ඇත. ඒ.., මිනීමරුවකු බව ඔප්පු වූ රෝයල් පාක් මිනීමරුවාට අමතරවය. 

මෙහිදි අප සොයා බැලිය යුතු කරුණ නම්, මීට විරුද්ධව කෑ ගසනා පොහොට්ටු බයියෝ එසේ කෑ ගසන්නේ ඇයිද යන්නය. එහිදි මා කළ සමීක්ෂණයකට අනුව මින් වැඩි පිරිසක් පිරිමි අය වීම විශේෂිතය. එය එසේ වීමට මානසික කරුණු කීපයක් බලපායි. එය ග්‍රස්තික නියුරෝසීය තත්වයක්ද එසේ නැත්නම් වෙනින් රෝගයක්දැයි අහගන්න වෙන්නේ දීප්ති කුමාර ගුණරත්නයන්ගෙන්ය. 


දුමින්ද පට්ට හැන්ඩියකු වීම. (හීනමානය)

ඔහු ප්ලේ බොයි හෙවත් බඩු කාරයකු වීම (කුහක ලිංගික ඉරිසියාව.)

මහා ධනවතෙකු වීම. (පන්ති වෛරය)

ප්‍රසිද්ධ පුද්ගලයකු වීම. (ගං කබර මානසිකත්වය)

දුමින්දගේ ආරම්බය එජාපයේ වීම. (දේශපාලන කුහකත්වය)

එවන් පුද්ගලයකු නැවත සමාජයට පැමිනීම. (තමන්ගේ තත්වයට හා ඉමේජ් එකට කෙලවීම)

දුමින්දගේ දේශපාලන ආගමනය එන්නේ එජාපයෙනි. දුමින්දලා ප්‍රකෝටිපතියන් වන්නේත් එජාපයෙනි. දුමින්දලා රෙනෝලාට ගුවන් විදුලි නාලිකා රූපවාහිනි නාලිකා ආරම්බ කිරීමට ගුවන් තරංග ලබා දෙන්නේ එජාපයෙනි. ඒ කියන්නේ ඔවුන් ප්‍රකෝටිපතීන් වී තිබෙන්නේ එජාප පාලනයක් යටතේය. (ඔවුන් කුඩු කාරයෝ නම්. ඒවා කර තිබෙන්නේත් එජාපයේ පිහිටෙනි.) 

එහෙත් මහින්දට විරුද්ධ වූ නිසා රෙඩියෝ චැනල් හා රූපවාහිනි නාලිකාවලට කෙලවන බව දුටු රෙනෝ කරන්නේ, දුමින්ද රාජපක්ෂලාට බාර දෙන එකය. දුමින්ද දේශපානය කළේ කොලොන්නාවේය. කොලොන්නාවේ ඉන්නේ පාදඩ සමාජ පන්තියකි. එය කවුරුත් දන්නා ප්‍රසිද්ධ දෙයකි. 

දුමින්දට කොලොන්නාව බාර දෙන්නේ එවිට රාජපක්ෂලාට හිසරදයක්ව තිබූ කප්පම් කාරයකු වූ භාරත ලක්ෂ්මන් හලා දැමීමටය. සෝලංග ආරච්චි කියන්නේ භරතගේ ගෝලයෙකි. භාරත දුමින්ද හා පැටලෙන්නේ තමන්ගේ නැති වී යන අභිමානය රැක ගැන්මටය. 

දුමින්ද එලවාගෙන යන්නේ භාරතය. ගිහින් ගේම ඉල්ලන්නේත් භාරතය. දුමින්දට මුලින් වෙඩි තියන්නේත් භාරතගේ පොරකි. ඉන් පසු වූ දෙයක් දුමින්ද දන්නේ නැත. මට මතක නෑ කියන්නේ බොරුවට නොව ඇත්තටය.

භාරත ළඟත් දුමින්ද ලඟත් උන්නේ පාතාලේ පාදඩයෝය. තමාගේ එකාට ගේම දුන් එකාට යහතින් යන්නට දුමින්දගේ උන් ඉඩ දුන්නේ නැතිය. ගේම කෙලවර වන්නේ භාරත හා තවත් කීප දෙනෙක් දිවිය ලෝකේ ගිහිල්ලාය. ඇත්ත කතාව ඕකය. 

ඊට පසු බලයට පැමිණි භාරතගේ දුව රඟපෑමට ගියේත් භාරතගේ අර කැරක්ටර් එකය. දුමින්දට නඩු වැටී තිබිනි. . එයාගේ ඔපරේසොන් ඩිෆෙන්ඩර් සෝ එක පලමු ෂූට් එකෙන්ම නැවතුනේ මෛත්‍රිපාල සිරිසේනට පින් සිඳු වන්නටය. රඟන්නට ගියේ භාරතගේ කැරක්ටර් එකය. එහෙත් කොළොන්නාවේ උන්ට එයාව දිරෙව්වේ නැතිය. ඒ දුමින්දට ගේම අදින නිසාය. දුමින්ද ඒ වන විට කොලොන්නාවේ හීරෝ වී අවසානය.  

සජිත් ප්‍රේමදාස හිරුණිකාට ෂොට් එක දී අවසානය. එය එසේ විය යුතුය. හිරුණිකා රන්ජන් සමඟ සජිත්ගේ පමණක් නොව ජලනිගේත් පලු අරින්නේ ලංකාවටම ඇහෙන්නය. 

මාතලන්ට ඇති එකම අවුල නම් නිදහස් කිරීම නොවේ. දුමින්දලා ආයෙත් දේශපාලනයට ඒවිද යන්නය. එසේ කරනවා නම් රාජපක්ෂලා තරම් මෝඩයෝ මේ මුලු විශ්වයේම ඇත්තේ නැතිය. 


ඒ වගත් මෙසේය... 

Jun 23, 2021

රනිලාගමනය හා මහින්දාගමනය

 

ජනතාවට විමුක්තිය ලබා දෙනවා යැයි කියනා පෙරමුණටත් එහා, ඇපත් නැති වෙන කෑමක් කෑ එකසත් ජාතික පක්ෂයේ සදාකාලික නායක රනිල් ව්ක්‍රමසිංහයානෝ පාර්ලිමේන්තුවට පැමිනීම හෙවත් රනිලාගමනය යෙදී තිබුනේ ඊයේය. අද මහින්දාගමනය සිඳුවූ පොසොන් පෝ දිනයය. මහින්දාගමනයත් සමඟ ඇරඹුන සිංහළ බෞද්ධ ශිෂ්ඨාචාරයට මුලිකත්වය ලබා දෙන ආන්ඩුවක් බලයේ සිටියදි, ලිබරල් ධනවාදියෙක් යැයි කියූ රනිල්ගේ පාර්ලිමේන්තු පැමිනීම, උන්නැහේටත් ආන්ඩුවේ සමහරුන්ටත් ඉතා සතුටුදායක කරුණක් වී ඇති අතර, සමහරුන්ට බිය උපදවන සිඳුවීමක් බවටත්, මාතලන් වැනි අයගේ හාස්‍යයටත් හේතූ වී ඇත.

ඒ කාළේ පන්තියට අලුතෙන් එකෙක් ආවම, පන්තියේ ඉන්න චන්ඩ් හෙවත් අයියලා එයාලාගේ අයියා පාට් අර අලුත් එකාට පෙන්නලා ඌ බය කරගන්නා සිරිතක් තිබුනේය. ගෝත්‍රික කැම්පස් තුල නවක වදය ලෙසින් අදටත් ක්‍රියාත්මක වන්නේ මේ ක්‍රියාන්විතයය. ඊයෙ කුර සහිත ජීවීන්ගෙන් බහුල සජිත් ප්‍රේමදාස හා ඔහුගේ මරි මෝඩ රැල පාර්ලිමේන්තුවේ නැටුවේ එහෙම නාඩගමක්‍ය. උන් රනිල්ට පෙන්නූ නාඩගම බලා, රනිල් මෙන්ම අපිත් පට්ට ආතල් එකක් ගත්තේය. දැන් උන්ට කැඳත් නෑ කියා උන්ම කියනවා තරම් සතුටක් අපිට නම් ඇත්තේ නැතිය.

සජිත්ට කෙලවීම

සජිත් ප්‍රේමදාස යනු රාජපක්ෂලාට එදීරිව ගෙන හා හැකි නායකත්වයක් නොව එකම පිස්සු විකාරයක් බව විපක්ෂ ක්‍රියාකාරිකයින්ගේ හා මාධ්‍යවේදීන්ගේ මතය වී තිබුනේ බොහෝ කළකට පෙර සිටය. එහෙත් එය ලෝකයට ඔප්පු කොට පෙන්වුයේ පෙරේදා දිනයේ කසිප්පු කාරයකුගේ ඇජෙන්ඩා එකකට නැටූ මොන්ටිසෝරී ප්‍රසංගයෙන්‍ය. එය එකම විකාරයක් බව කිවේ අප නොවේය. සජිත් ජලනි බලවේගයේ කිඹුලා ඇල රාජිත හා 43 බලකායෙ පාඨලීලාමය.

මෙතෙක් උන් කිසිම විපක්ෂ නායකයකු මාධ්‍යවේදීන්ගේ සම්ච්ඡලයට කිසිදා ලක්වූයේ නැතත්, පෙරේදා මුලු රටටම එයත් දැනගැනීමට ලැබුනේය. ආන්ඩු පක්ෂයේ අසමගිය ගැන කතා කරන ඔය සජබ ඇතුලේ හැමදාම වලි බව දන්නා උන් දන්නවාය. ඔය පක්ෂයේ ඉහළ තැන්වල ඉන්නා කීප දෙනාම අලි ඔළු මාන්නක්කාරයෝය. ඔය හාල්පාරුවෝ එජාපයේ සිටියදී රනිල් එපා කීවේ, රනිල් කිසිවකුටත් කන් දෙන්නේ නැති කිසිවකුත් ගනන් ගන්නේ නැති නායකයකු යැයි කියලාය. 

එහෙත් සජිත් යනූ පට්ට කුහක උද්දච්ඡ් මාන්නක්කාරයෙක් බව මේ වන විට රනිල්ට ගේම් ඇද්ද සියල්ලන්ටම වැටහී අවසානය. උන් පරිප්පු කන්නේ සජිත්ගෙන් විතරක් නොවේ. පක්ෂය හා සජිත් මෙන්ම හේමාත් පාලනය කරනා ජලනි ප්‍රේමදාස ආර්‍යාවගේ පුරුෂ හිංසනයටත් ලක්වන වින්දිතයෝ වී අවසානය. සියල්ලන්ම කියන්නේ මෙවන් එකෙක් නායකයා උනොත් හෙම අප හැමට සම්මා සම්බුදු සරණයි කියලාය. 

මාධ්‍යවේදීන් හා සහජීවනයක් පවත්වා ගැනීමට නොහැකි කිසිම දේශපාලුවකට ජනප්‍රිය දේශපාලකයකු විය නොහැකිය. සජිත් හා ජලනි පමණක් නොව සජිත්ගේ නැගනිය වන දුලාංජලිද ජනාධිපතිවරණ සමයේ නැටූ නාඩගම් බොහෝ අයට අමතක වූවාට, රණසිංහ ප්‍රේමදාස යුගයේ හේමා ප්‍රේමදාස මැඩම්ගේ විසූක දස්සන නාඩගම් බැලූ අපට නම් කිසිදා අමතක වන්නේ නැතිය. 

විකල්ප නායකත්වයක් නොමැති විපක්ෂය

කරුමයකට සජබේ නායකත්වයට අභියෝග ලෙස ඉන්නේද එවැනිම මාන්නක්කාරයන් පිරිසක් වීම රාජපක්ෂලාගේ වාසනාවය. පාඨලී, ෆොන්සේකා හා රාජිත කියන්නෙත් ඒ ජාතියේම බඩුය. ඔය එකෙක්ටවත් එක තැනක ඉන්නට බැරිය. කොටින්ම තම පක්ෂයේ උන් එක්කවත් ඉන්නට බැරිය. ඒ ඔවුන්ගේ අධි මාන්නය නිසාමය. මේ හේතුවෙන්ම මේ කිසිවකුත් නොවෙනා නායකත්වයක් සෙවීමේ කටයුතු ඇමරිකන් එම්බසිය, ජිනීවා මානව හිමිකම් කමිටුව, යුරෝපා සංගමය, දෙමළ ඩයස්පෝරාව, ශ්‍රී ලංකා අයිසිස් බලකාය, සමස්ත ලංකා බෝනගේන් පෙරමුණ ප්‍රමුඛ කොළඹ සිවිල් සමාජය කටයුතු ආරම්බ කර ඇත.

කවුරුන් මක්කා හිතුවත් රනිල් පාර්ලිමේන්තුවට එන්නේ මේ වැඩේටය. ඒ නිසා ඔය ආතල් ගන්නා අයගේ ආතල් ටික දිනකින්ම කුඩු වී යනු ඇත්තේය. රනිල්ගේ ආතල් එක ඒකය. රනිල්ගේ මූලික පර්මාර්තය වන්නේ සජිත්ට කෙලීමය. එය මේ වන විටත් ආරම්බ වී අවසානය. ඒ පිළිබඳව වෙනම ලියන්නට ඕනෑ මාතෘකාවකි. 

මාතලන්ට අනුව නම් රනිල් යනු අපේ කාළයේ ජීවත්වන පට්ටම ෆේල් දේශපාලුවාය. ඔය රනිල්ගේ නම ඉදිරියේ වැටෙන කිසිවක්ම රනිල්ගේ වැඩ නොව ජේ ආර්ගේ වැඩ බව දේශපාලනය දන්නා උන් දන්නවාය. ඔහු පක්ෂ නායකත්වයට පත් වීමෙන් පසු කළ කිසිවක්ම ඇත්තේ නැතිය. ලංකාවේ දැවැන්තම පක්ෂය වූ එජාපයේ එකෙක්ටවත් ඇපත් නැතිවෙන්නම කෙලියේ රනිල් වික්‍රමසිංහය. රනිල්ගේ මාමන්ඩිය මේ කරුමය දැනගෙනම ජාතික ලැයිස්තුව ඉන්ට්‍රඩියුස් කලා වෙන්නත් ඇහැකිය. 

නමුත් රනිල් සතුව එක් දක්ෂතාවයක් ඇත්තේය. ඒ මා කලින් සඳහන් කළ එයාගේ එකම විනෝදය වන දේශපාලන කෛරාටිකත්වයයි. මේ කිසිවක් සාර්ථක ඒවා නොවූවත්, රටේ කරුමයට ඒවා කීප වරක් ජයග්‍රහණය කරලාත් තියෙනවාය. ඒ වෙනුවෙන් රනිල්ගේ සහායට මා කළින් සඳහන් කළ පිරිසට අමතරව, ලාංකිය ඉහළ සමාජයේ, සිංහළ, දෙමළ, මුස්ලිම්, සිවිල් බලධාරීන් පිරිසක්ද චන්ද්‍රිකා කුමාරණතුංගද ඔහු හා එක පෙලට සිටී.

රනිල් පැමිණිමෙන් ගීනිකන වැටුන ආන්ඩුවේ මෝඩයෝ

ආන්ඩුව අවබෝධ කර ගත යුත්තේ මෙයයි. ඔවුන් විසින් මේ වන විට අභයරාමයේ නාහිමි ලොක්කා හා ඇල්ලේ වට හිමි ඩැහැගෙන අවසානය. හැමදාම ගංඟාරාමයට ගිය රනිල්, පාර්ලිමේන්තුව සිට කෙලින්ම අභයාරාමයට යන්නේ බුදුන් වඳින්නට නොවේ. ඒ තමන්ගේ වැඩ ඇමරිකාවට, ජිනීවාවලට හා යුරෝපයට පෙන්වන්නටය. රනිල්ගේ ටීම් එකට ඩොලර් ගලාගෙන එන්නේ මේ ආතල් පෙන්නුවාමය.  

ඒ නිසා රනිල්ගේ ආගමනයෙන් ගිනිකන වැටී ආතල් ගන්නා ආන්ඩුවේ උන්ට කියන්නට ඇත්තේ, ගිය සැරේ වගේම මේ සැරෙත් ඔය පිලේම එකෙක් උස්සනකම් ඔහේලාගේ ආතල් එක ඔහේලා ගන්නෙයි කියලාය. මේ වන විටත් පොද්දා ලෙස විමල් වීරවංශ ගෙන ඒමේ කටයුතු අවසන් කර ඇති බවත්, ජනාධිපතිවරණයට ආසන්න මොහොතේ ඔහු ඉදිරියට ගෙන ඒන බවටත් තොරතුරු එන්නේ ඒ අතරේය. 

වට් ඒ ග්‍රේට් ඉස්පීච්

ඊයේ රනිල් ලොක්කා මාර කතාවක් කලා යැයි කියා බොහෝ දෙනෙක් කතා උනේය. කොහොමත් තොප්පිගල කැළෑවක්ය, කිලිනොච්චි කියා මැදවච්චි යනවාය කියූ, පිරිභාහරන් හා සාම ගිවිසුම් ගසා බුද්දි අංශයේ සුපිරිම බඩු මරා දැමූ, මිලේනියම් සිටිය පාවා දුන්, GSP ගන්න හමුදාවේ උන් පාවා දුන්, අදටත් පොලීසිය හමුදාව පාවා දෙන එකෙකුට ශවේන්ද්‍ර සිල්වා දිරවන්නේ නැති වීම මහා දෙයක් නොවේ. 

මෙයාලා ආන්ඩු කරා නම් කොවිඩ් වලින් නාගන්නා හැටි, ඊයේ කදිමට ඔප්පු කලේය. ඒ කියන්නේ එයාලා බලයේ උන්නා නම් හමුදාව කොරෝනා මැඩීමේ කටයුත්තට කිසි සේත් සහභාගී නොකර ගන්නා බවට ඔහුගේ කතාවෙන් කදිමට ඔප්පු විය. එයා කියන්නේ අමාත්‍යංශ ලේකම් වරුන්ට නියෝග දීමේ අයිතියක් දෙපාර්තමේන්තු ප්‍රධානියෙක් වෙන ශවේන්ද්‍රට නැතැයි කියාය. 

සෞඛ්‍ය අංශයේ උන් වැක්සීන්කරණය හත්පොලේ ගාගත් හැටි මුලු ලෝකයම දැක්කේය. ගොම සංගමේ උන්ගේ බල්ලන්ටත් වැක්සීන් ටික ගහගත්තේය. මරණ ටික අද වෙනකන් හරියට කියා ගන්න බැරි උන් හැමදාම මිනී කන්දක් ගැන නම් කියන්නේය. මේ වසංගතයක් මැද්දේ වැඩ වර්ජනය කරපු සවුක්ක සේවකයන් උන් ලෝකයේ එකම රටත් මේ රටම වූයේය. 

ශවේන්ද්‍ර ලේඛම්වරුන්ට අණ දෙන්න ගියා කියා මේ වන තෙක් කිසිම කෙනෙක් චෝදනා නොකලාතර කොරෝනා මර්ධන ක්‍රියාන්විතයේ යෙදී සිටිනා සියළුම නිළධාරීන්ගේ ගෞරවාදරාට පත් වූ චරිතයක් බවට ශවේන්ද්‍ර මේ වන විට පත් වී අවසානය. රනිල්ලාට ඇත්තේ මේ ඉරිසියාවයි. 

රනිල් නොදන්නා දේ නම්, ශවේන්ද්‍ර සිල්වා ප්‍රධානියා වන්නේ කොරෝනා මර්ධන "ක්‍රියාකාරී" කමිටුවේ මිස, කොරෝනා මර්ධන ජනාධිපති කාර්ය සාධක බලකායේ නොවනා බවයි. එහි ප්‍රධානියා 20 වන ව්‍යවස්ථා සංශෝධනයෙන් තවත් බලතල ලබාගත් ජනාධිපති ඝෝඨාභය රාජපක්ෂයි.. 

ඒ අනුව ඊයේත් රනිල් වික්‍රමසිංහ පිට පොට පටලවාගෙන උන් බව කවුරු කවුරුත් අවබෝධ කර ගැනීම ඉතා හොඳය තවත් විශේෂිත කරුණක් පමණක් ලියා තබමින් මේ පල් හෑල්ල නවතා දැමිය යුතුය. 

මහරාජාගේ පෝස්ටරේ

ඒ ගැනත් වචනයක් නොලිව්වොත් පොටෝ එක එල්ලපු එකෙන් වැඩක් ඇත්තේ නැති වෙනවාය. මෙයින් කරුණු දෙකක් මහරාජා බලාපොරොත්තු වේ..

1. සජිත් හා රනිල් සමඟි කොට, සජිත්ට රනිල් අභියෝගයක් වීම වැලැක්වීම.
2. බිලියන 400 ක් වන වෂ විස පිරි තෙල් බෙහෙත් වෙනුවෙන් කෑ ගසනා මිනීමරුවන්ගේ ගොඩට රනිල් එක් කර ගැනීම.


ඒ වගත් මෙසේය.......

Jun 19, 2021

පින්තූරයේ දේශපාලනය

 


මේ පින්තූරය දාන්න මම කීයටවත් හිතුවේ නෑ.

ඒක මගේ පොලිසි එකක්...


නමුත් මේ පින්තුරය පට්ට දේශපාලනිකයි...


මෙතන ලාංකිය දේශපාලනයේ සංඝඨක සියල්ල අන්තර්ගතයි..


මේ මිනිස්සුන්ට බනින කාළකන්නි මොක්කුද කියන්න මේ ලියන්නේ..


මේ තරුණයා කරේ ග්‍රේට්ම ග්‍රේට් වැඩක්..

පොර ගියේ නිකං කබ්බෙක් වගේ නෙමෙයි..

බ්‍රෑන්ඩඩ් ඇඳුම් ඇඳලා..

ගියේ තනියමත් නෙමේ නෝනා හා පුතා සමඟ..

ඔවුනුත් ක්ලාස් විදියට ඇඳලා..

අනික මේක ලෝකෙටම පේන්න ප්‍රොෆෙෂනල් ෆොටෝග්‍රැෆර් කෙනෙකුත් ගෙනියනවා..

මේ දවස්වල ඔවුන් ඉන්නෙත් අමාරුවෙන්..

දැන් පොරටත් ගානක් ලැබෙනවා..

අර ජෝඩුවට විශාල මුදලකුත් ලබා දුන් බව සැලයි..


උඹ ග්‍රේට් කොල්ලෙක් මචං..

උඹ කනට ගැහුවේ මේ රටේ අනුන්ට ඉරිසියා කරන කුහකයන්ට..

රට ගිහිල්ලත් මේ රටට සාප කරන කුහකයන්ට..

අවුරුදු 70 කට සාප කර කර සියල්ල නොමිළේ දෙනකන් බලාගෙන ඉන්න කාළකන්නින්ට..

අමාරුවෙන් දුක් මහන්සියෙන් ගොඩ යන මිනිස්සුන්ට කුඩු කාරයෝ කියන කුහකයන්ට..


අරූ දුප්පත් උනත් ඌ ළඟ මනුස්සකම තිබුනා

උඹ සෑලකුවේ ඒ මනුස්සකමට..


මේ රටේ හැදෙනවා නම් ඕන තරම් අවස්ථාව තියෙනවා

නිදහස් අධ්‍යාපනය තියෙනවා

ගොඩක් උන් ඒකෙන් ගොඩ ගිය උන්

ඕන කෙනෙක්ට තමන්ගේ ව්‍යාපාරයක් ස්වයං රැකියාවක් කරන්න පුලුවන්

ආන්ඩුවෙන් තහංචි නෑ

තමන්ගෙම ත්‍රී විල් එකෙන් හම්බ කරන් කන එකාටත් බනින කාළකන්නි මේ රටේ ඉන්නේ.

මට නම් උන් ග්‍රේට් පොරවල්.

බය නැතිව ලීස් දාලා වාහන ගන්න උන්,

ලෝන් ගගලා ගෙවල් හදන උන්,

ක්‍රෙඩිට් කාඩ් එකෙන් හරි හොඳට කාලා බීලා ඉන්න උන්,

මට නම් පට්ට පොරවල්..

රැකියා ඕන තරම් තියෙනවා

මයියොක්කා දන්ඩක් හිටෙව්වත් පැලවෙනවා

කොස් ගෙඩියක් කපලා පාර අයිනේ තියාගෙන උන්නත් ගන්න මිනිස්සු ඉන්නවා.


 උඹ මේ රටේ දරුවන්ට හොඳ පාඩමක් කියා දෙනවා.

පුලුවන්නම් මම වගේ එකෙක් වෙයන්..

හොඳට කාපන්, හොඳට ඇඳපන්,

බ්‍රෑන්ඩඩ් ඒවලින්ම ඇඳපන්

නෝනට දරුවට මම වගේ සලකපන්

නැති බැරි මිනිස්සුන්ට උදව්වක් කරපන්..


ඒ දෙන මොරාල් එක අර කාළකන්නින්ට දෙන්න බෑ

උන්ට ඕන උඹත් හිඟන්නෙක් වෙන්න

උඹේ නෝනා වැරහැලි අඳින හිගන්නියක් වෙන්න

උඹේ දරුවා හිඟන දරුවෙක් වෙන්න..


එහෙව් කාළකන්නින්ට උඹ මේ ගහපු කනේ පාරට


මෙන්න පුතා සැලියුට් එක..


උඹ වන් පුතුන් ලද මව්පියන්ද

උඹ වන් සැමියෙක් ලද ප්‍රිය බිරිඳද

උඹ වන් පියෙක් ලද පුතනුවන්ද

උඹ වන් මිනිසෙක් ලද මේ රටද


පින් කර ඇතැයි මට සිතේ...




ස්ධූතී ... නන්ඩ්‍රෙයි ... ටෑන්ක්ස් හොඳේ....!!!!


.

Jun 17, 2021

වෙනස් විය යුතු අධ්‍යාපන ක්‍රමය

 



ලෝකයේ අධ්‍යාපනය කියන දේ ගොඩාක් දියුණු වෙලා තියෙන්නේ. අධ්‍යාපනය ලබා දෙන ක්‍රමය, විෂයයන්, ගුරු අධ්‍යාපනය, මේ සියල්ල දියුණුයි. පින්ලන්තේ,ව්සිංගප්පූරුව වැඩක් නෑ, කාළයක් අපි මැට්ටෝ කියපු අරාබියේ අධ්‍යාපනයත් ලෝකයේ දියුණුම රටවල තත්වයට පත් වෙලා ඉවරයි. 

අපේ උන් කුජ හතේ ඉන්න කෑලී හොයද්දී, උන් කුජට රොකට් යවනවා, එකට එකක් කෙල්ලොත් උගත්තු, විද්‍යාඥයෝ. ලෝකයේ දියුණුම සෞඛ්‍ය පහසුකම්, පර්‍යේශණාගාර, අභ්‍යාවකාෂ මධ්‍යස්ථාන විතරක් නෙමේ කාන්තාරයේ ඕගනික් ගොවිතැනුත් කරනවා.

ඒකට ප්‍රධාන හේතුව ඒ රටවල ඉන්න නායකයෝ අළුත් දේට බය නැති වීම, ඊට හේතුව උනේ ඒ ජෙනරේසොන් එක ලබාගත් විදෙස් අධ්‍යාපනය. උන්, උන්ට උග්න්වපු ගුරුවරු ආචර්‍යවරු මහාචර්‍යවරු තමන්ගේ රටට ගෙනාවා. උන් අධ්‍යාපනයේ වටිනකම ව්ටහා ගන්නවා. උන් කුහක උනේ නෑ රටේ සාමාන්‍ය මිනිහත් උන්ගේ ජීවන මට්ටමට ගේන්න. 

උන් රටින් ගෙනල්ලා හරි රට හැදුවා. රටේ උන් අමතක කළේ නෑ. ඉස්සර උන්ට පිටරටවල ගිහින් ලබා ගන්න උන දියුණු අධ්‍යාපනය උන් තමන්ගේ රටේ උන්ට ගේ දොරකඩටම හෙනත් දුන්නා. පිටරටවලින් සුපිරිම ගුරුවරු ආචාර්‍යවරු මහාචාර්‍යවරු ගෙනත් උන්ගේ උන්ට ඉගැන්නුවා. දැන් උන් කාටත් සෙකන්ඩ් නෑ. 

මේ විප්ලව කරන්න මහා කාළයක් ගියේ නෑ. පරම්පරා ගානක් ගියේ නෑ. දැන් උන් තව දුරටත් ගෝත්‍රිකයෝ නෙමේ, නූගත් මෝඩයොත් නෙමෙයි, ලෝකය ගැන විශ්වය ගැන සියල්ල දත් උගත්තු. එහෙම උනාම උන්ගේ ගෝත්‍රික ගතිත් ටිකෙන් ටික අතෑරලා, සමාජශීලී ජීවිතවලට පුරුදු වෙනවා. 

ඒත් ලංකාවේ මොකක්ද තත්වය. තාම ෆලෝ කරන්නේ 1948 සුද්දා දීලා ගියපු සිස්ටම් එක. පොඩි උන් ඔක්කොම නාට්ටාමිලා කරන්න පුරුදු කරනවා. දවසක උගන්වන සබ්ජෙක්ට්ස් ටික උන්ගේ කරට දරා ගන්නත් බැරි නම් කොහොමද අර පුංචි මොළ ගෙඩි වලට දරාගන්නේ. දියුණු රටවල පොඩි උන්ට අකුරු ඉලක්කම් උගන්වන්නේ නැ. උන්ට උගන්වන්නේ හොඳ නරක, යහපත් හැසිරීම්, සාමුහිකත්වය, පිරිසිඳුකම, සිරිත් විරිත්, මනුස්සකම්. 

මේ කිසිවක් ගෙදරදිවත් ඉස්කෝලෙවත් ඉගෙන නොගන්න උන් මහාචාර්‍යවරු වෙලා එලියට ආවත් උන්ගේ ගෝත්‍රික ගතිය යන්නෙත් නෑ, මනුස්සකමත් නෑ. තියෙන්නේ ලොකුකම විතරයි. ඔය එකෙක්වත් තමන්ගේ පම්පෝරිය කියවනවා මිසක් රටට කිසි දෙයක් කරන්නේ නැ. කරන්නත් බෑ. 

මොකෝ උන් ලබලා තියෙන්නේ නිර්මාණශීලී අධ්‍යාපනයක් නෙමේ. අපේ විභාග ක්‍රමය හැඩ ගැහිලා තියෙන්නේ එහෙමයි. කට පාඩම් කරලා ලියන්න. ගොඩක් උන්ට ගණිතය විශය බැරි වෙන්නත් හේතුව ඒකයි. අනිත් ප්‍රශ්ණ ඔක්කෝටම පොතේ උත්තර තිබුනට. විභාගයට එන්නේ පොතේ තිබ්බේ නැති ගානක්. ඉතින් අරූගේ RAM එකේවත් ROM එකේවත් එහෙම ගානක් නෑ. 

අනික අප්ඩේට් නොවීම. පරිඝණක විජ්ජාව උගන්නනවා තමයි, ඒත් අප්ඩේට් වීමක් නෑ. මේ ළඟදි මම දැක්කා ටීවී එකේ ටීචර් කෙනෙක් සෙන්ට්‍රල් ප්‍රොසෙසින් යුනිට් ගැන මොනිටර් ගැන කී බෝඩ් ගැන උගන්වනවා, දැන මෙගා ෆික්සල් ෆෝන් වලින් සූම් ගිහින් ඉගෙන ගන්න උන්ට මේවා පට්ට ජෝක්.

දැන් පොඩි උන් අවුරුදු දෙකකට කිට්ටු කාලයක් ඉස්කෝලේ යන්නේ නෑ. උන්ට උගන්වන්න ජාතික වැඩ පිලිවලක් හදාගන්න අජ්ජාපන දෙපාර්තමේන්තුවේ ඉන්න ආචාර්‍ය මහාචාර්‍යලාටවත් ඇමතියා වෙච්චි මහාචාර්‍යවරයාටත් බැරි වෙලා තියෙනවා. උන් අවුරුදු දෙකක් කිසිම දෙයක් නොකර පින් පඩි කනවා.

ඊයේ මහාචාර්‍ය අර්ජුන ඩි සිල්වා මහත්තයා දෙරණේ චතුරට කියනවා ලංකාවේ ඉන්න උගත් පරපුර ඇඳවල් උඩට වෙලා ඉස්මාට් පෝන් වලින් ගේම් ගගහා ඉන්න වෙලාවේ, ස්වේච්චාවෙන් ඉදිරියට ඇවිත්, මේ වසංගතය මැඩලන්න කුමන හෝ ආකාරයකින් සපෝට් එකක් දෙන්නය කියලා. කරුමේ වෙලා තියෙන්නේ ඒ අය අඩු ගානේ මේක ලෝක වසංගතයක්වත් කියලා නොදැන, ස ෆේල්ස, ෆේල් කිය කියා ඉන්න උන් වීම. ඔය ෆේස් බුක් ගෲප් අස්සේ වස්සැප් ගෲප් අස්සෙ එකෙක් දැකලා තියෙනවද කොවිඩ් වෙනුවෙන් හැදුන ගෲප් එකක්, ඇප් එකක්. ඔන්න ලංකාවේ ඉන්න උගත්තූ.

මුල් කාළේ එක එක උන් එක එක දේ උස්සගෙන ආවත් ඒ එකක්වත් නව නිර්මාණ නෙවෙයි. කාගේ හරි කොපියක්, යූ ටියුබ් එකෙන් උස්සපුවා. අනික පට්ට ප්‍රාථමික නිර්මාණ.

ඔය අජ්ජාපන දෙපාර්තමේන්තුවේ ඉන්න උන් මේ අවුරුදු දෙකේ ඉස්කෝල ආයේ අරිනකන් බලාගෙන් ඉන්නවා මිසක්, ආයේ ගුරුවරු ටික ඉස්කෝලේ එනකන් බලාන ඉන්නවා මිසක්, දරුවෝ එනකන් බලාන ඉන්නවා මිසක්, ඉස්කූල් වෑන් බස් එන්නේ කොහොමද බලාගෙන ඉන්නවා මිසක්, එකෙක් හිතුවද මේ සිස්ටම් එක ඉදිරියටත් පවතියි කියලා ඊට අනුගත වෙන සිස්ටම් එකක්. ඇත්ත කතාව නෑ කියනෙක. 

ඔන් ලයින් සිස්ටම් එක හැමෝටම නෑ. සමහර පලාත්වල සිග්නල් නෑ. ඩේටා ගන්න මිනිස්සුන්ට සල්ලි නෑ. ෆෝන් අරගෙන දෙන්න ටැබ් අරගෙන දෙන්න හැම එකාටම සල්ලි නෑ. සමහර පවුල් වල දරුවෝ තුන හතර ඉන්නවා. දෙමව්පියනුත් ගුරුවරුන් නම් ඒ පවුලට සන්තානම් මෑනියන්ගේ පිහිටයි. 

අවුරුදු දෙකක් ගිහිල්ලත් මේ වෙනකම් සෑම දරුවෙක්ටම එක සමාන විදියට අජ්ජාපනය ලබලා දෙන සිස්ටම් එකක් නෑ. දරුවන්ට ඩේටා අඩු ගානේ අඩුවට දෙන සිස්ටම් එකක් නෑ. සූම් ඇර වෙන ඇප් එකක් නෑ. ෆෝන් ටැබ් අඩුවට දෙන වැඩ පිලිවලක් නෑ. ඒවා ආනයනෙ තහනම් නිසා ගිනි ගනන්. අඩු ගානේ අජ්ජාපන ඇමතියා ඒක අඩු කරලා දීපන් කියලා කැබිනට් පේපර් එකක් දාලා නෑ.

තියෙන රූපවාහිනී නාලිකා ඔක්කොගෙම උදේ ඉඳන් මහ රෑ වෙනකන් මල ජරා ටෙලි නාට්ටියි තුප්පහි මලයාලම් චිත්‍රපටියි. ඇයි අර සන්නගෙ සිංහල පන්තිය වගේ විනාඩි 20 - 30 යේ ක්‍රියේටිව් ඇට්‍රෑක්ටිව් ප්‍රෝග්‍රෑම් හදලා දාන්න බැරි. පොඩි උන් නෙමේ හැම එකාම බලයි. සන්නා සුද්දා වගේ සිංහළ උගන්වනවා. බලන්න ආසයි. පොඩි උන් නෙමෙයි මහ උන් උනත් බලයි.

අර MCC වලින් රට බෙදෙන හැටි උගන්නපු සර් උනත් අවුලක් නෑ. බොරුව උනත් සිරස වගේ නැතිව, රොෂාන් වටවල වගේ හත් පොලේ ගාගන්නේ නැතිව ඇත්ත වගේ දෙනවා. ගානක් චැනල් වලට ගෙව්වත් පාඩු නෑ. උන් උනත් ජාතික වැඩ පිලිවෙලක් නිසා බෑ කියන්නේ නෑ. එහෙම ඇට්‍රෑක්ටිව් විදියට උගන්වන උන් ගොඩක් ඉන්නවා, හැම සබ්ජෙක්ට් එකටම වගේ. 

අජ්ජාපන දෙපාර්තමේන්තුවේන් කරපු අයි චැනල් එකේ යන වැඩ සටහන් නම් බල්ලෙක්ටවත් . බලන්න බෑ. නිදි මතයි, කම්මැලියි, මෙලෝ රහක් නෑ. ඒවා නම් නොපෙන්වන තරමට හොදයි. පිටරටක එකෙක් දැක්කොත් හිතයි, අපි තාම ගෝත්‍රිකයෝ කියලා. ටයි එකක් හරියට දාන්න බැරි, මැච් වෙන්න කලිසමක් ෂර්ට් එකක් අඳින්න බැරි, පිලිවලකට සාරියක් අඳින්න බැරි උන් කියලා. මේ දෙවලුත් දරුවන් විශයට අකර්ෂනය කර ගැනීමට වැදගත්.

ඊට වඩා හොදයි සෙසමේ ස්ට්‍රීට් වගේ සුද්දන්ගේ ප්‍රෝග්‍රෑම් ටිකක් පෙන්නන එක. දරුවෝ ඉන්ගිරිසි ටිකක් හරි ඉගෙන ගනියි. 

නාමල් රාජපක්ෂ පහසු ගෙවීම් මත ටැබ් හා නොමිලේ ඩේටා ලබා දෙන වැඩ සටහනක් පටන් ගන්න යනවා කියලා ආරංචියක් එන්නේ මේ අතරේ. මේ සැරෙත් මං ගොනාපිල ලෙඩක් අදියිද දන්නේ නෑ පිවිතුරු සිංහළ  දරුවෝ වඳ වෙනවා කියලා. එයාලගෙ ළමයි ඉන්නේ ඔස්ට්‍රේලියාවේ. මෙහේ උන් ඉගෙනගත්තත් නැතත් එයාලට අවුලක් නෑ. අනිකා සිරිසේන. මේ වෙලාවේ මක්කා කියයිද දන්නේ නෑ.

හැබයි ඉතින් ටැබ්, ෆෝන් තියා ඩේටා ඔක්කොම දුන්නත් වැඩක් නැ. ඒවයෙනුත් උගන්වන්නේ අර නීරස ගුරුවරු නම්,  පරණ ලදරන් සබ්ජෙක්ට්ස් නම්, දරුවන්ට දරාගන්න බැරි තරම් දැණුමක් නම්,  අඩු පිරිසක් උගත්තු වෙලා වැඩක් නෑ. අවශ්‍ය වෙන්නේ බහුතරයක් උගත්තු වෙන අජ්ජාපන ක්‍රමයක්. ඉගෙන ගන්න බැරි එකාට උගන්වන ක්‍රමයක්, නවීන තාක්ෂණය එක්ක යන ගමනක්. මේ  තමයි හොඳම අවස්තාව අජ්ජාපනේ ගැන අලුතෙන් හිතන්න. ඒක මේ රටේ උන්ට කරන්න බෑ. පිට රටින් විශේෂඥයෝ ගෙනත් කරන්න ඕන වැඩක්. ඒවට හැම එකාම විරුද්ධව මරාගන්න එයි. හැබයි ඒවට බය නැතිව මේ තීරණ ක්‍රියාත්මක කලොත් රට වෙනස් වෙයි.

නැත්නම් අනාගතයටත් ටැබ් ඉස්මාට් ෆෝන් උස්සගෙන ටයි කෝට් ඇඳගෙන යන වෙනස් වෙන්න බය, හයිබ්‍රිඩ් වාහන වලට බය, පෝට් සිටියට බය, එක්ස්ප්‍රස් වේ වලට බය, අලුත් එයාර්පෝර්ට් වලට බය, සුද්දන්ට බය, ඉන්දියාවටත් බය, චීනටත් බය, ඕගනික් ෆාමින් වලට බය, අරක්කු බියර් වලට බය, තමන්ම විතරක් ගොඩ ගියාම ඇති කියලා හිතාගෙන ඉන්න අමු ගං කබර ගෝත්‍රිකයෝ  ටිකක් රටේ ඉඳියි..


ඒ වගත් මෙසේය.

Jun 15, 2021

තෙල් මිළ වැඩිවිමේ ඇත්ත කතාව

 


තෙල් මිළ වැඩි වෙච්චි කතාව සහතික ඇත්තය. රටේ ආර්ථික තත්වය අනුව තෙල් මිළ වැඩි කරන්නේ නැතිවත් බැරිය. මිළ වැඩි කරන්න තෙල් ඇමතිවරයාට බැරිය. මේ බව ජනාතිවරයාත්, අග්‍රාමාත්‍යවරයාත්, කැබිනට් මණ්ඩලයත්, ඊටාමතරව ජීවන වියදම පිළිබඳ කමිටුවක්ද මොකක්ද එකකුත් දන්නවාය.  කරුමය වෙලා තියෙන්නෙ මේ ඇත්ත කතාව සරළව පැහැදිලිව කියාගන්නට එකෙක් නැතිවීමය. අපිට වඩා ඇමරිකාවෙත් වැඩියි කියා මල පැන ඉන්නා එකාට තවත් ආතල් දෙන්නේ නැතිව, ඇත්තම කතාව කිව්වා නම්, මේකට විරුද්ධව කතා කරනා උන්ටත් කියන්න දෙයක් නැතිවෙනවාය.

ඇත්තටම උන් ආන්ඩුවට ඉවත් වෙන්න්නනෙයි කිව්වාට, ජනාධිපතිවරයාට ඉවත් වෙන්නෙයි කියන්නෙත් නැතිය. එයින් ගම්‍ය වන්නේ ඝෝඨා හැර වෙන විකල්පයක් නැති බව උනුත් පිලිගන්නා බවය. පාර්ලිමේන්තුවේ විශ්වාසභංගයක් ගෙනත් ආන්ඩුව එලවන්නටත් බැරිය. ඒ තුනෙන් දෙකක්ම තියෙනා නිසාය.

ආන්ඩුවට වැරදුනේ ජනතාවට බොරු කියන්නට ගිය එකය. ඇත්ත හෙළුවෙන් ගියත් කවුරුත් මක්කත් කියන්නෙ නැති උනාට, බොරුවට සළු පිලි දාහක් ඇන්දුවත් බොරුව යන්නේ නිර්වස්තරයෙන්‍ය. ආන්ඩුවට ඕනෑ තරම් සල්ලි තියෙනවා කියා කීවේ පට්ට පල් බොරුවක් වන බව මේ වන විට ඔප්පු වී අවසානය. කබ්‍රාල්ලා කියන ඒවා ඇත්ත කියා හිතා ඒවා ඩිෆෙන්ඩ් කරන්න යන අයත් අන්තිමේ පච වෙනවාය. 

අම්මට සිරි ලංකාවේ කිසිවක මිළ අඩුවෙනවා කියා අපි නම් අහලා නැතිය. යහපාලනය එහෙම අඩු කරලා, ඒ වෙච්චි පාඩුව කවර් කරන්න, එයාලා ඇපත් නැතිව ගෙදර යන විට, රටේ විදේශ ණයගැතිභාවය 100% කින්ම වැඩි කරලා ගියේය. ඒ මහ බැංකුවේ මහා මුදල් මංකොල්ලයට අමතරවය. ලෝකයේ හොඳම.මුදල් ඇමති, පසුව එයාට උම්මා දී පැමිණි, පට්ට ලිබරල් ඇමරිකන් පොරක් හා ඩිපියුටි බෝනගේන් පාස්ටර් කෙනෙකුත් ඉඳලාය. රටේ කිසිඳු  සංවර්ධනක් සිඳු වන්නේ නැතිවත්, එයාලාගේ බැංකු ගිණුම් සංවර්ධනය වුයේ කෙසේද යන්න සොයනා එකත් ආන්ඩුවේ වැඩ මිස, අපේ වැඩ නෙමේය. ආන්ඩුව මතක තබා ගත යුත්තේ නැවත චන්දයකටයන විට ඒවාත් බලපානවාය කියලාය.



2015 සිට බොරතෙල් මිළ අඩු වැඩි වීම හෙවත් උච්චාවචනය සිඳු වූ අපූරූ දත්ත සටහනක් දෙස බැලුවාම, රතන සූත්තරයද එල්ලාගෙන උන් මංගලලාගේ මිළ සූත්තරයෙනුත් කරලා තිය්න්නේ හිනාවෙවි අපිටම අරිනා එක මිස වෙනෙකක් නෙමේය.

ඒ සටහන අනුව 2018 වසරේ මිළ උච්චාවචනය වීමේ ප්‍රතිශතය - 25.32% කි. ඒ කියන්නේ 25% කින් තෙල් මිළ අඩු වී ඇත. එහෙත් එයාලාගේ සුත්තරෙන් මිළ අඩු කර දුන් බවක් නම් අපට මතක නැතිය. හැම මාසයකම 10 වෙනිදා පැස්ටෝල් ෂෙඩ් වල පෝලිම් තිබුනේ අනිවාර්‍යයෙන් මහ රෑ 12 ට මහසෝනා ගහනා බව දන්නා නිසාය. හැබයි ඒ කාළේ තෙල් මිළ වැඩි උනේ නැතිය. උනේ මිළ සංශෝධනයක් ය. මේ ගැන අපූරූ සටහනක් හිතවත් Hirantha Herath ලියලා තිබුනාය.

මුදල් අමාත්‍යංශයේ ටයි පොලු කාරයෝ ටිකකුත් එක්ක ආ... ඇමරිකන් පයිනෑන්ස් මිනිස්ටර් හා පාස්ටර්, මිළ සංසෝධනය වූ බව පවසා හිනා වෙලා යන්න ගියේය. එයාලා පාස්කු ප්‍රහාරය දවසේත් කලේ ඒකය. ඒ තෙල් මිළ සංසෝදනේ වන බව මෙන්ම, පාස්කු ප්‍රහාරය එන බවත් එයාලා දැනගෙන උන් නිසාය.

මේ ආන්ඩුව කරපු ගොන් වැඩ අතරින් එකක් නම් මේ මිළ සූස්තරය ඉවත් කිරීමය. එය යහපාලනේ උන් පෝට් සිටිය නැවැත්තුවා වගේම, මත්තල වී ගබඩා කලා වාගේම, අමු මෝඩ වැඩක්‍ බව ආර්ථිකය ගැන අබ මලේ රෙණුවක මොළයක්  තියෙනා එකෙකුට තෙරෙනවාය. ජනතාව උන්නේ එම සුත්තරයට අනුගත වෙලාය. හරි නම් කළ යුතුව තිබුනේ, ලෝක වෙළඳ පොලේ මිළ අනුව දිනපතා එය සංශෝධනය කිරීමය. ලෝකයේ දියුණු රටවල සිඳුවන්නේ එයයි.

අප මතක තබා ගත යුතු දෙය නම්, ආන්ඩුව කරගෙන යන්නේ යහපාලන කාළයේ නොතිබු ලෝක වසංගතයක් හමුවේ චීනය හැර ලෝක බලවතුන් පවා අති දරුණු ආර්ථික අවපාතයකට මුහුණ දී ඇති යුගයක බවය. 

එය එසේ යැයි කියා මෙතෙක් ජනතාවට ලබා දුන් සහන කිසිවක් කප්පාදු කොට නැති අතර, ආන්ඩුව පැමිණීමෙන් පසු ක්‍රියාත්මක වූ වැඩ සටහන්ද ක්‍රියාතමක වෙමින් පවති.

  • රැකියා විරහිත උපාධිධාරීන් 60,000 ක වැටුප්, ඒ ලක්ෂ 14 ක් වු රාජ්‍ය සේවකයින්ට අමතරවය. (මේ ගැන මාතලන්ට වෙනම විවේචනයක් ඇතත්, සත්‍ය තත්වය එයය.
  • සාමාන්‍ය පෙල සමත් 100,000 කට රජයේ රැකියා ලබා දෙන ලදි. (මෙය ජනාධිපතිගේ පිරිසිඳු චේතනාව අනුව සිඳුවූයේ නම් අඩුම ගනනේ මේ වනවිට සමෘධිලාභීන් 75,000 ක් එම ලැයිස්තුවෙන් ඉවත් වී තිබිය යුතුය. එය එසේ වූවාදැයි කියන්න මාතලන් දන්නේ නැතිය.)
  • අඩු ආදායම්ලාභී පවුල් මිලියන තුනකට පමණ රුපියල් 5000/= බැගින් 4 වරක්ද? රුපියල් 5000/= ආහාර මලු 2 වරක්ද, මීටාමතරව නිරෝධායනා වන සෑම පව්ලකටම රුපියල් 10,000 ක ආහාර මල්ලක්ද ලබා දේ.
  • වැක්සීන්කරණයේ අඩු පාඩු ඇතත් සියළුම ජනතාවට නියමිත මාත්‍රා ප්‍රමාණය ලබා දීමෙ අවංක චේතනාව අනුව, නොමිළේ ලැබෙනා වැක්සීන් වලට අමතරව වැක්සීන් ලබා ගැනීම සඳහා විශාල මුදලක් වැය කරයි.
  • අධ්වේගී මාර්ග පද්ධතියට අමතරව, කි මි ලක්ෂයේ වැඩ සටහන සාර්ථකව ක්‍රියාත්මක වේ.
  • මහා පරිමාණ ව්‍යපෘති 284 කට මුලපුරා ඇති අතර, එයින් 100 ක් පමණ ආරම්භ කරඅවසානය.
  • දිවයින පුරා නගර 100 ක් අලංකරණය කොට සංවර්ධනය කිරීම ආරම්භ කර ඇත.
  • 610,000 විශ්‍රාම වැටුප් නියමිත දිනට ලබා දේ
  • පින් පඩිය නියමිත දිනට ලබා දේ.

නමුත් මේ තෙල් මිළ සංශෝධනයත් සමඟ බැසිල් පාර්ශවයෙන් මතු වු විවාදාත්මක කරුණු කීපයක්ද වේ. ළිපිය දිග වැඩි හෙයින් එ පිළිබඳ මීළඟ ළිපියෙන් බලාපොරොත්තු වන්න.






Jun 13, 2021

කෙල්ලෝ - Girls


 

මැව් දා ඉඳන් ඉල ඇටයක් ගෙන ඒවා

කෙල්ලන් පස්සේ ආදම්ලා බඩ ගෑවා

උන්ගේ ගනං බලලා අපි හති ලෑවා

ඉඳ හිට එකෙක් දෙන්නෙක් නම් ගුලි කෑවා


බුකි වස්සැප් ටික් ටොක් නැති ඒ කාළේ

ඒවා තබා සැල් ෆෝනුත් නෑ රාළේ

කෙල්ලන් ඇතත් සෙන්ට්‍රල් මික්ස් ඉස්කෝලේ

අපිලට උන්නෙ නෑ උන් කෙරුමට ආලේ


පාරෙදි බස් සෙකේ පන් තියෙ ටියුෂන්

කෙල්ලන් පස්සෙ යන එක නම් ෆුල් ෆික්ෂන්

දවසක් මිරිකලා පුච එකෙ කුගෙ ඩික්සන්

කොල්ලෝ සෙට්ටෙකම පාරේ ගෙන ඇක්ෂන්


මදනයා එන්නෙ ඔළුවට බිග් මැච් කාළේ

පනිනවා තාප්පය ලේඩිස් ඉස්කෝලේ

හිටපිය කියා කම් ප්ලේනය ගිය වේලේ

පොලිසිය ඇවිත් ගැහුවා බං පුට් බෝලේ


වාගේ සුන්දරයි ලොම් පිරි ළොකු බල්ලෝ

දෙවියෝ මැව්ව ඒවා බැලුවැකි කොල්ලෝ

මැච් එක බලද්දී රෝයල් ගිය ලොල්ලෝ

බැලුවේ මැච් නෙමෙයි සුදු ලස්සන කෙල්ලෝ


කියනට ගටක් නැති උන් අයි ලව් යූ කියලා

යැව්වේ පනිවිඩේ බ්‍රෝ කර් අත ලියලා

එනකන් හිටන් රිප්ලයි එක මඟ බලලා

කෙල්ලයි බ්‍රෝකරුයි යයි මට අත වනලා


ඇස් පොට ගියා ගහලම ඇස් දකුණු ඇහේ

ක්‍රෂ් එක මගේ සිස්සත්තේ ඉඳලා පහේ

ගෙට වුන ද පටන් වැටිලා ජම්බු ගහේ

එලියට එන්නේ නෑ රන්කඳ ගියෙද කොහේ


ලියුමෙන් තමයි ඩේටක් සෙට් කර ගත්තේ

ඊටත් සති දෙක තුනක් ඉවසිය යුත්තේ

දැක්කොත් මොකා හරි සෙල්ලම් නෑ මුත්තේ

සිනමා හලක් පමණය පිහිටට ඇත්තේ


දවසක් කාමරේ උතුරා ගියෙ ලාවා

බැදපන් කියා ලොකු තර්ජනයක් ආවා

අයියගෙ සෙට් එකක් බැහැලා තඩි බෑවා

ඊට සැපයි පොලිසියෙ උන් දෙන ඒවා


දැක්කම අදත් ස්කූටියෙ යන කෙල්ලෝ

ඉගෙලෙන කුරුල්ලෝ වාගෙයි ඒ ගොල්ලෝ

මොඩ් කෙල්ලන්ට මක්කා කිව්වත් කොල්ලෝ

කෙල්ලෝ බෝ වටි පරදයි මුතු බෙල්ලෝ


දුටුවම අදත් අඟනක් පෙම් කෙරූ පෙර

දුන්නත් බූට් කිසි තරහක් නැත සොඳුර

කරනා විටදි පෙම් ලැබ දුන් ඒ මිහිර

විඳිමි මෙමා සැරි සරනා තෙක් සසර

Jun 11, 2021

සවු භාගේ දකිමින් සිටිමු

 


පසු ගිය දින කීපයේම සව් බාගේ දැක්ම හොඳින් දකිමින් සිටියද, පොලීසියෙන් කනට ගැහුවා වගේ දැනුනේ ඊයේ රාත්‍රියේය. ඒ මාතලන්ගේ අසල්වැසියා වන ඉක්බාල් නානා දොරට තට්ටු කරමින්, ආන් ලොක්කා පැස්ටෝල් රුපියල් විස්සකින් වැඩි කරලා කියන පනිවිඩය දුන් නිසාය, ගං කබර ටොයියන් මෙන් නොව සුරංගනාවියන් හැත්තෑවක් ගත්තත්, රනිල්ට ඇපේ නැති උනත් එජාපයට චන්දය දෙන ඉක්බාල් නානාත් ඉන් මහත් උද්දාමයට පත් වී සිටියේය. 

ඒ ස්වයං රැකියාවක් හෙවත් වාහනයක් හයර් කරන් ජීවත් වෙන එයා මේ දිනවල රජයෙන් ලබා දී ඇති දීර්ඝ සති අන්තය සමඟම මේ ආතල්ලෙකත් ලැබුන නිසාය. එයා ඇහුවේ පෝට්ටුවේ සාමාජිකත්වය ලබා ගැනීමේ ක්‍රමයක් තියෙනවා නම් කියන්න ලොක්කා කියලාය. මම පොරට කිව්වේ 21 වෙනකන් පොඩ්ඩක් ඉවසලා ඉන්න කියලාය.

ඇත්තටම මේ තෙල් ඇමති ඉතාම බුද්ධිමත් බවත්, එතුමා මිළ වැඩි කලේත් විජ්ජාත්මක ක්‍රමයකට බවත් ඔබට වැටහෙනවා ඇතිය. එතුමා වැඩි වන මිළක් හෝ දිනයක් හරියට නොකීවේ. සවු භාගයෙන් ධනවත් වී ඇති පිරිස කලින්ම ගොස් පැස්ටෝල් ෂෙඩ් කාරයන්ට වැඩි කළ මුදල් ලබාදෙමින් ඔවුන්ද කූට  වියාපාරකියින් ඝනයට පත් කරනා නිසාය. 

මුදල් අමාත්‍යංශයේ අධීක්ෂණය සඳහා පත් කර ඇති අජිත් නෙවාඩ් කබරාල නම් ආර්ථික විජ්ජාග්නයා භාන්ඩාගාරයේ මුදල් ඕනා තරම් තියෙනවා කීවාට, මේ යක්කු අහන්නේ නැතිය. ගම්මන්පිලලා බලන්නේ ගෙවුම් ශේෂයේ අතිරික්තය තවත් වැඩි කර ජනාධිපතිතුමාගෙන් ළකුණු දමාගන්නටය. බංගලාදේශය දැන් ජීවත් වන්නේත් අප සතු මේ අතිරික්ත විදෙස් සංචිත මතය. 

මීටාමතරව සවු භාගයේ දැක්ම තුලින් අපේ රටට ලැබී ඇති තවත් විශේෂිත කරුණු කීපයක් ලියා තැබීම මාතලන්ගේ යුතුකමය.

එන්නත්කරණය - 

මේ වන විට තෙවන මාත්‍රාවද ලබා දී අවසාන බවට කොට, මාත්‍රා තුනල් ලබාදුන් ලෝකයේ පළමුවන රට බවට පත් වී අවසානය. සිව්වන මාත්‍රාව නිවසටම පැමිණ ලබා දීමට මේ වන විටත් සියල්ල සංවිධානය කර අවසන් අතර. විපක්ෂ නායක තුමා පමණක් තම එන්නත කුර සහිත ජීවීයකුට ලබා දීමට තීරණය කිරීමෙන් පසු, වෛද්‍ය සංගමය එම තීරණය අනුව යමින්, සියළු කුර සහිත ජිවීන්ට එන්නත් මාත්‍රා දෙකක් ලබා දීමට තීරණය කර ඇත.

සහල් මිළ - 

ඩේටා බේස් එකක් බගින් සහල් මිළ සම්පූර්ණයෙන්ම අඩු කල අතර, සම්බා හා කීරී සම්බා, බා බා කියා කුකුලන්ට දමනාතර, නාඩූ පාඩුවට දුන්නත් ගන්නේ නැතිය. ජනතාව බාස්මති වලට හුරුව ඇත. දිනපතා කිරිබත් කැමට හුරු වූ බයි ජනතාව දැන් කිරිබත් කන්නේත් බාස්මති වලිනි.

එළවළු මිළ - 

ජනතාවගේ ක්‍රය ශක්තිය වැඩි විමත් සමඟ හෙට්ටු කර වෙළඳුන් මට්ටු කරන ජනතාව වෙනස් වී ඇති අතර. කීර මිටියක් රුපියල් 70 කට අසූවකට පමණ මිළකට අළෙවි කරනා කීර ගොවියා දැන් එන්නේ, බයිසිකල්වල, ලී රෝද පෙට්ටි කරත්තවල නොව, මර්සඩේස් බෙන්ස් ලොරි වලිනි. මාළු, එළවලු හා පළතුරු ලංකාව පුරා විසිරි සිටිනා පාරිභෝකික ජනතාව වෙත ඉතා සාධාරණ මිළකට ලබා දිමට ක්‍රමවත් විජ්ජාත්මක වැඩපිලිවලක් සකසා ඇති අතර, වෙළඳුන් හා ජනතාව බුදුන් වඳින දැතීන් අහසට වැද බන්ධුල ගුණවර්ධන මැතිතුමාගේ හා අළුත්ගමගේ මැතිතුමාගේ මැණීවරුන්ට දිනපතා පින් දී තම කෘතග්නතාවය පලකර සිටි.

මන්ත්‍රී වාහන - 

මුදල් අමාත්‍යශයේ කාර්‍යක්ෂමතාවය හා දේශීය ආර්ථිකයේ ශක්තිමත් බව මොනවට පෙන්වමින්, කැබිනට් මණ්ඩලයේ අනුමැතිය ලබා ගැන්මටත් පෙර පක්ෂ විපක්ෂ සියළුම මන්ත්‍රීවරුන් සඳහා අති සුඛෝපභෝගී වාහන 227 ක් ඇනවුම් කර ඇති අතර, ඒ සෑම වාහනයක් සඳහාම මන්ත්‍රී වරප්‍රසාදයන් වන කුඩයක් හා විදුලි පන්දමක් හෙවත් ටෝච් එකක්ද අග්‍රාමාත්‍යවරයා අතින් වාහනය ලබා ගන්නා දිනයේදී ලබා දීමට නියමිතය. 

සුපුරුදු පරිදි රටේ ගෞරවය ඉහළටම ඔසවා තබන මෙවන් යෝජනාක්‍රම වලට විරුද්ධ ජනතා විමුක්ති පෙරමුණ මේ වාහන ලබා ගැනීම ප්‍රතික්ෂේප කර ඇති අතර, ඒ වෙනුවට කැප්ටන් බැස ගිය නැව් තුනක් පක්ෂයට ලබා දෙන මෙන් මාතර තිහගොඩ පදිංචි සුනිල් හන්දුන්නෙත්ති මහතා ඉදිරිපත් කල පෙස්සමක්, පක්ෂ නායක අනුර කුමාර දිසානායක මහතා විසින් ගරු කතානායක තුමා වෙත ඉදිරිපත් කර ඇත.

වෛද්‍යවරුන්ට විශේෂ දීමනාවක් ලබා දීම -

ගාල්ල, මොරටුව, නුගේගොඩ යන ප්‍රදේශවල එන්නත්කරණය විජ්ජාත්මක ක්‍රමයකට ලබා දීම හා කොරෝනා මරණ හා රෝගීන් පිළිබඳ නිවැරදි දත්ත සපයමින් කරනා සේවය වෙනුවෙන් වයිජ්ජවරුන්ගේ වැටුප විශාල මුදලකින් වැඩිකර ඇති අතර, ඊට සමගාමීව නඩුකාර හාමුදුරුවරුන්ගේ වැටුප්ද වැඩිවීමට නියමිතය. ඉන් පසු පාර්ලිමේන්තු මන්ත්‍රිවරුන්ගේ වැටුප් හා දීමනාද වැඩි වීමට නියමිතය. ඒ අනුව කම්කරුවාගේ වැටුප්ද වැඩි වීම අනිවාර්‍යය. ඉතා සුළු කළෙකින් ලොව වැඩිම වැටුප් ගන්නා ජනතාව ජිවත් වන රට බවට පත් වීමට නියමිතාතර, පෝට් සිටියේ වැටුප් හා දීමනාද වැඩි කිරීමට චීන රජය මේ වන විටත් තීරණය කර ඇත.

ඇත්ත වශයෙන්ම වසර දෙකක් යාමටත් මත්තෙන් සවු භාගයක් නොව ෆුල් එකම ලැබී ඇති බව මේ දිනවල පාර දෙස බැලූ විට ඕනෑම කෙනෙකුට බලාගත හැකිය. ජනතාව ලෝකයේ දියුණු රටවල මෙන් සමර් වැකේසොන් විඳමින් සිටී. වෙන රටවල උන්ට ලැබෙන්නේ එක වැකේසොන් එකක් වුවද, වසරක් තුල ලබා දුන් දෙවන සමර් වැකේසොන් එකද ලබා ගනිමින් ජනතාව ප්‍රීතියෙන් නිවෙස් තුලට වී අන්තර්ජාලයේ සර්ෆින් කරමින් සිටි. 

සවුභාගේ දැක්ම රටට උදාකිරීමට දායක වූ පිරිස ගැන අපට ඇති දුක නම්, දැන් සැපද කියලා අහන්න අපේ අප්පච්ච්ට එලියට පහලියට බහින්න බැරි එකය. එතුමා පාරේ ගියත් ඔය පාරේ යන උන්ගෙන් නම් එහෙම අහන්නට එපාය, මොකෝ ඔය පාරේ යන්නේ සංචරණ සීමා පවා පයිසෙකට මායිම් නොකරනා ආන්ඩු විරෝධී ජාතිද්‍රෝහී පිරිසය. උන්ගෙන් වොයිස් කට් අරගෙන දිලිත් ජයවීරගේ අද ද රෙණ එකේ පෙන්නුවත් ඒවා විශ්වාස කරන්නනෙපා කියා අපි එතුමාට කියනවාය.

 ඇත්ත කතාව ඒක නෙමේය

අපි ඉන්නේ පට්ට සැපෙන්‍ ය.


අපි අපේ යුතුකම ඉටු කලෙමු

ඔබ ඔබේ යුතුකම ඉටු කලේය



ඉස්ධූතී.... නන්ඩ්‍රෙයි... ටෑන්ක්ස් හොඳේ....!!!!










Jun 10, 2021

සරමේ දේශපාලනය

 


මාතලන් අර අර්ජුණ සරම කල්ට් එකක් කරපු කාළේ බෙයාර් ෆුට් සරමක් අරගෙන දෙපාරක් තුන් පාරක් ඇන්දා මිසක්, පොඩි කාළේ ඉඳන් සරම් අඳින්නෙ නෑ. නිදාගන්න වෙලාවටවත් අඳින්නේ නෑ. මට නම් පහසුම ෂෝට. සෑට බෙයාර් බොඩි ටොප් ටු බොටම්. නොවේ එවන් වින්දනයක් ලොවේ.


ඝෝඨා ස ඉඳ හිට සරම ඇන්දත් සාඨකේ දාන්නේ නෑ. නාමල් නම් අප්පච්ච්චි වගේ සරම ගහලා සාටකෙත් දාල එනවා. සැන් තෝමස් ගිය නාමල් ඇයි සරමෙ බහින්නේ. යුද හමුදාපති කෙනෙක් වෙච්චි සරත් ෆොන්සේකා මහත්තයා ඇයි සරමෙ බහින්නේ. රෝයල් ගිහින්, ලන්ඩන් ගිහින්, බැරිස්ටර් වෙලා ආපූ කොළඹ හතේ යැංකි ඩිකී, ජේ ආර් උන්නැහේ ඇයි සරමෙ බැස්සෙ.


ඒක තනිකර රංගනයක්. හැබයි පොලිටික්ස් කරනවා නම් සරමට බහිනෙක හොදයි. අපි ජේ ආර් ගනිමු, 


ජෙ ආර් ටයි කෝට් ඇන්දේ සෑහෙන කාළයක්. සිංහල හරියට කතා කරන්නත් බෑ. බන්ඩට තිබ්බ සිංහල පෙනුමවත් නෑ. (ලාංකිය දේශපාලනයට සරම ගේන්නේ බණ්ඩාරනායක උන්නැහේය) හැබයි නායකත්වයට එන්න පුලුවන් බව පේනකොට මෑන් බහිනවා සරමට. සාමාන්‍ය පන්තියේ එජාපේ  මිනිහට උනත් ජේ ආර් උන්ගෙ පොරක් වෙනවා. ජේ ආර් සරමට බැස්සා කියලා එයාගේ පන්තියේ අය ජේ ආර් අත අරින්නේ නෑ. උන් දන්නවා මේ විකට ඇඳුමක් ඇඳගෙන උන්නට පොර අපේ ක්ලාස් එකේ කියලා.


ඉතින් පොර රෝයල් තෝමියන් මැච් එකට එන්නෙත් නැෂනල් එකෙන්. අනාගතේ නාමලුත් එයි. රනිල්ට කවදාවත් රටේ නායකයා වෙන්න බැරි වෙච්චි එක හේතුවක් සරමට බැස්සේ නැති එක. මොලේ තිබුන එකෙක් නම් අඩු ගානේ 2013 දිවත්, රවී කරුණානායක වගේ සරමට බැහැලා ආවා නම්, 2015 ජනාධිපති වෙන්නේ සරොන් ඇන්ද සිරා නෙමෙයි. සරමෙ බැහැපු රනිල්. එහෙනම් සජිත්ටත් රනිල් එක්ක නායක කමට ගේම ඉල්ලන්න වෙන්නේ පියානෝ වගේ සරමට බැහැලා.


2015 බටහිර බලවේගයි මෙහේ සිවිල් පොරවලුයි හෙව්වේ පොදු අපේක්ෂයෙක් නෙමේ, පඹයෙක් උනත් අවුලක් නැති සරමක්. ඒකයි මම කියන්නේ උනුත් බයියෝ කියලා. මේවා ඉතින් සජිත්ලට අනුරාධපුරේ මෑණියෝ ගාවට ගියත් කියන්නේ නැති අනාවැකි. 2025 ජනාධිපති සටනට එනවා නම් දැන්ම ඉඳලා සරමට බැසීම ඇඟට ගුණයි. නැත්නම් කොහොමත් සරමේ බැහැලා ඉන්න උස හාදයා, රනිල්ලා, මංගලලා, සමන්තා පවර්ලා එක්ක එකතු වෙලා, පොද්දා කරනවට මෙන්න කැට.


දැන් මේ පින්තූරේ ඉන්න රත්තරන් ගමු. රත්තරන් ඇයි ෂෝටක් නොගහා සරම කැහැපොට ගහගෙන යන්නේ. ඔහොම ගිහින් මක්කවත් බෙදුවේ නැති උනත්, මාමේ නැන්දේ, අයියේ අක්කේ, පුතේ දුවේ, නංගියේ මල්ලියෙ කියලා ආවම ගමේ උන්ට ඉතින් මහින්ද මහත්තයා ආවා වගේ තමා. ෂෝට ගහලා ගියා නම් අරුන්ගේ කෙනෙක් වෙන්නේ නෑ. නිකන් බනානා සුජී ආවා වගේ වෙනවා. පොරටත් ඇපත් නැති උනේ ඒකනේ. රත්තරන් උනත් ෂෝට ගහලා ගියාන්ව්ම් ගමේ කෙනෙක් වෙන්නේ නෑ. උන්ගෙම එකෙක් වෙන්නේ නෑ. ඉතින් සරම් ඇඳපු ලොකු පවුල්වල අලි වංශයෙන් හිටපු සෙල්ලක්කාර මෙලෝ රහක් නැති වෙල්ගමලා කැපිලා, රත්තරන්ලා ඒ පැත්තේ යුව රජ්ජුරුවෝ වෙනවා.


හැබයි මේ දේ තේරුම් නොගත්ත 3% අලුකුත්තේරුවන්ගෙ මහ එකෙක් කවදාවත් සරමක් ඇඳගෙන ඉන්නවා දැකලා තියෙනවද? නෑ නේද? ඒ මොකද කියලා දන්නවද? ඒ තමයි කැම්පස් ගියපු උන්ටත් තියෙන ගං කබර මානසිකත්වය. උන්ට ටයි කෝට් අඳින්නත් බෑ. ඒකට ආස උනාට බයයි. කලිසම ගහලා කුඹුරු හාන්නේ ගඩොල් බාන්නේ. අඩෝ අපි මේවා කලාට උඹලා වගේ මෝඩයො නෙමෙයි, හොඳ උගත් මහත්තුරු කියලා පෙන්නන්න. 


ඉතින් මෙලෝ අල බෝලයක් නොදන්න ගම්වල ඉන්න රුපියල් හත් අටසීයේ කලසන් අඳින සෙට්ටෙකකුයි, කැම්පස් එන උගත් නමුත් බුද්ධියක් නැති මුන්ගෙම මානසිකත්වයට ගැලපෙන පිරිසක් හැමදාම සෙට් වෙනවා. නමුත් උන් කසාදයක් බැන්දයින් පස්සෙ මුන්ගේ රංගනේ තේරුම් ගන්නවා. 


උන් ගමට ගියත් පස් දෙනෙකුට කතා කරන්නෙත් මීටිමක් තියලා. ඒ කරලා හයිඩ් පාක් එකේ දෙන ටෝක එතනත් දෙනවා. බල්ලෝ බය වෙලා දුවනවා. උන්ට ඇර ලංකාවටම බනිනවා. ජනතාව අමු මෝඩයෝ කියනවා. අපිට ඕන බලය නෙමේ කියනවා.


ඒ කරලා ෂවේන්ද්‍ර සිල්වා ආවා වගේ බවුන්සර්ලා දෙන්නෙක්ගේ ගාඩ් එකෙන් ගිහින් කැබ් එකේ හයිවේ එකේ කොළඹ එනවා. ආපු උන් දෙන්නා තුන් දෙනා ගෙදර යන ගමන් කල්පනා කරනවා... යකෝ මුන් අපිටත් බැන්නා නේ. මුන්ට චන්දෙ දීලා අපි මෝඩයෝ වෙනවට වඩා අර අපේ එකා වගේ හොයලා බලන රත්තරන් පුතාට දීලා දානවා යකෝ කියලා.


ඉතින් සරම ගහල ගමේ උන් එක්ක ඉන්න රත්තරන්ලා උඩින්ම දියවන්නාවට එනවා. ඒ විතරක් නෙමේ මනාප හොන්ඩර ගනන් ගේන රත්තරන්ලට කැබිනට් ඇමති කම් දෙන්නත් වෙනවා. උන් මහාචාර්‍යලාට වඩා වැඩත් කරනවා. 


මාතර පැත්ත පලාතේ නොගිය හඳුන්නෙත්ති, චන්දෙට විතරක් මාතර ගිහින් ඇපත් නැති උනා කියලා අපිට බනිනවා. පුලුවන් නම් ඔය හඳුන්නෙත්තිට  කියපන් ආසන සංවිධායෝ සෙට්ටෙකේ නම් ටික කියන්න කියලා. ඔට්ටුයි බෑ.


හැබයි ඉතින් ඒ කියලා වමේ උන්ට දැන් සරමට බහින්න බෑ.  දැන් ටූ ලේට්. මොකෝ රනිල්ගේ ගෝලයෝ කියලා, සරම් නෙමේ, ජොකත් නැතිව ඉන්නේ. දැන් එයාලට විශේෂිත අනන්‍යතාවයක් නෑ. අනන්‍යතාවය තමා තුන (3). %3 යි, ආසන 3 යි. දැන් එයාලා නැව් ගන්න සෙට් වෙන්නේ. හැබයි සෙට්ටෙක ඒ බිස්නස් එකට බැස්ස දාට තමයි, ජෙප්පන්ට කෙලින්න ඉන්න නිස්සංක සේනාධිපති ලොක්කට කෙලවෙන්නේ.


සරමේ වගත් එසේය....


.

Jun 5, 2021

ප්‍රසිඩන්ඩ් TV ඇන්ඩ් ඉන්ගිරිස් පො ඕල්

 


අපේ හිතවත් කින්ස්ලි අයියයි සුදේවයි අලුතෙන් ටී වී චැනල්ලෙකක් දාන්න යනවැයි කියලා ආරංචියක් ආවා...


ඉතින් ඒකේ අපේ ජනාධිපතිතුමාගේ තීන්දු තීරණ, කැබිනට් තීරණ එහෙමත් යයි නේ..


අපේ ජනාධිපතිතුමා තරම් ප්‍රජාතන්ත්‍රවාදී ජනාධිපති කෙනෙක් මෙතෙක් ආවේ නෑ. ඒ නිසා එතුමා ගෙනා ගොඩාක් සාධනීය යෝජනා එතුමා අකුල ගත්තා..


ඒකට විපක්ෂය කියන්නේ රිවර්ස් කියලා. මේ වැඩේට විපක්ෂයෙ ගං කබර ටොයියොයි, 3% අලුකුත්තේරුවොයි කින්ඩිය දානවා විතරක් නෙමේ. බයියොත් ඉන්නේ අවුලෙන්..


මොකෝ එයාලා ඉල්ලුවේ හිට්ලර් වගේ කෙනෙක්, රණසිංහ ප්‍රේමදාස කෙනෙක්, රන්ජන් විජේරත්න කෙනෙක්. 


ඒ කියන්නේ පක්ෂ විපක්ෂ හැම එකාම කියන්නේ ප්‍රජාචන්චේ වානා යකෙක් තමා ඕනා කියලා..


ඉතින් ඉදිරියටවත් ආන්ඩුව මොකක් හෝ වැඩපිලිවලක් පිළිබඳ නිවේදන නිකුත් කරනවා නම්, ඒකට විපක්ෂයේ සහායත් ලබාගෙන එයාලා කියපු දෙයක් විදියට කෙරෙනවා නම් පට්ට ආතල් නේ.


මේක මේ මාතලන් යෝජනා කරන මැතඩ් එකක් නිසා ගොබෙල්ස් න්‍යාය වගේ මාතලන් න්‍යාය කියලා නම් කරත් අවුලක් නෑ..


ඒ අනුව උදාහරණයක් ලෙස පහුගිය සිඳුවීම් කීපයක් ආන්ඩුව විසින් ඉදිරිපත් කිරීමට තිබු අයුරු ගනිමු..


✅ ආන්ඩුව MCC ගිවිසුම ඉරා විසිකරයි -


එතෝට විපස්සෙ - අයියෝ අර බලන්නකො ඇමරිකාවෙන් නිකන් දෙන ටොපිය කන්න මුන්ට පින නෑ නේ. ඇමරිකාව කියන්නේ චීනා වගේද, ලෝකෙම බලවතා. ඇමරිකන් බේස් එක ට්‍රින්කෝ දැම්මම අපි ඉන්දියාවට තියා චීනෙට වත් බය වෙන්න ඕනද? චීන කෑලී වගේද ඇමරිකන් කෑලී. චීන කෑලී පූසෝ කෑ ගහනවා වගේ. ඒ වගේද ඇමරිකන් කෑලී. ගහන්න අයියා ගහන්න වයි ඩෝන්ට් යු කම් ප්‍රොම් මයි බැක් සයිඩ් කියලා ඉන්ගිරිසියෙන් කෑ ගහන්නෙ.


✅ නැගෙනහිර ජැටිය 100% රජයට 


එතෝට විපස්සෙ - අයියෝ ඔය කරේ වැඩක්. ආබරෙකත්, රේල්ලුවයි පැස්ටෝලියම් එකයි කරන්නද යන්නේ, ආබර් බත් එකටත් කෙලින්නයි රාජපස්සලා හදන්නේ. අපේ උන් දන්නවද ෂිපින්. කන්ටේනරයක් බාන්න පැයක් යයි. නැව් එන එකත් නැතිකර ගන්න යන්නෙ. මුන් හිතන්නේ ආබර් තියෙන්නේ කොළඹ විතරයි කියලා, ඕන නම් අලුතෙන් හදන බටහිර එක ගන්න බැරිය. රට විනාසයි, ආබරෙකත් ඉවරයි.


✅ 20 වන සංශෝධනය ඉවතට


එතෝට විපස්සෙ - 19 ගෙනාපුවා මදි නිසා නේ ජවිපෙ 20 ගේන්න ගියේ. ජවිපෙ කවදාවත් වැරදි දෙයක් කරනවද? එයාලා රටට කොච්චර ආදරේද, එක බස් එකක් ගිනි තිබ්බද, ට්‍රාන්ස්පෝමරෙකක් බ්ලාස්ට් කරාද  එකෙක් මැරුවද, වැව් ලක්ෂයක් හැදුවා, කිරි මණ්ඩලේට බස් දෙකක් දැම්මා. මොනාද මුන් කරන්නේ. 20 ගේන්නේ නැතිව මේ රට ගොඩ දැමිලි බොරු... හා නැද්ද මං කියන්නේ.. අම්මපා..


✅ පාඨලි විසින් ඇරඹූ කාබනික පොහොර කර්මාන්තය වසා දැමීමට පියවර


එතෝට විපස්සෙ - පාඨ ලී කියන්නේ රාජපක්ෂලා වගේ මැදමුලන ගං කබරයෙක්ද? එතුමා උගතෙක්, විදුලි ඉන්ජිනේරුවක්, කරන්ට් අල්ලන්නත් දන්නවා, එතුමා උසයි, එතුමා මේ රට චීන්නුන්ට දෙනවට කැමති, එතුමා කන්නේ කොන්ඩ කැවුම්, එතුමා භූමී පුත්‍රයෙක්, සැදැහැවත් බෞද්ධ, උඩරට බොදු ගොවි. එතුමා මේ රටට මේ දැයට මේ සමයට, වැවට, දාගැබට, හිංගලකමට ආදරෙයි. එතුමා ඔය පරදේසක්කාරයෝ ගේන වස විෂ දාලා අපේ පස විනාශ කරනෙක, අපේ ජල සම්පත විනාශ කරනෙක, අපේ ජාතිය වඳ කරන එක නවත්තන්න ඕක ආරම්බ කළේ. රාජපක්ෂලා හදන්නේ බිජුහීනතාවයෙන් යුතු ජාතියක් හදලා ලංකාවම රාජපක්ෂකරණයට ලක් කරන්න. ඒ නිසා කාබනික පොහොර පමණක්ම යෙදිය යුතුයි. මේක නොකලොත් අපි කොටුව ඉස්සරහා පස් කනවා.


✅ නැවට ගිනි තිබ්බේ ඝෝඨාභය


එතෝට විපස්සෙ - ස ෆේල්, එයාට පුලුවන්ද ඔය වගේ දෙයක් කරන්න, ෆොන්සේකා නැත්නම් කරයි යුද්ද, අම්මගෙ රෙද්ද. 

එක්කෝ ඕකට ගිනි තිබ්බෙත් ෆොන්සේකා, නැත්නම් ඉබේ ගිනි ගන්න ඇති. හැමදාම බඩු අරගෙන එන නැවක්ලු නේ. ඒකේ මේ කොස්මටික්ස් හදන්න ගේන කෙමිකල්සුත් තීලා තියෙනවා. සත්‍යයේ සටහන බුද්ධියේ විමසුමට.


✅ පාසල් විශය මාලාවෙන් ඉංග්‍රීසි ඉවත් කිරීමට යයි


එතෝට විපස්සේ - අයියෝ ඒ පාර මොකක්ද මේ කරන්න යන්නේ, අර ගම සමඟ පිලිසඳරෙදි උපාධිදාරිනියක් දුන්නා නේ සුරුස් බුරුස් ගාලා ලොක්කගෙ රෙද්දෙ රෙවෙන්න ඒකේ තරහට කරන දෙයක්. අනික ඔය මැදමුලනෙ බයියන්ට ඉන්ගිරිස් බෑ. හරි නම් කරන්න ඕන ඉන්ටර්නැෂනල් ඉස්කූල්වල වගේ හෝඩියේ ඉඳන් ඕල් සබ්ජෙක්ට්ස් ඉන්ගිරිස් වලින් කරන එක. පැඩි පූල්ස්. නුකේ පූල්ස්..


කින්ස්ලිටයි, සුදේවටයි අත් දෙක උස්සලා පියුමි හංසමාලි වගේ වැඳලා කියන්නේ. මීට පස්සෙ දෙයක් කරනවා නම් අපෙන් අහලා කරන්න.


මේවා මොළ නෙමේ...


මොළ ගෙනියන නැව්.. 


.

Jun 3, 2021

ෂැන්ග්‍රිලා පියුමිලා හා මැන්ටල් බුවාලා

 


ඇත්තටම මට ලියන්නට ඕනෑ ෂැන්ග්‍රිලා කල්ට් එක ගැනය. නමුත් ඊට කදිම උදාහරණයක් දැන් මතු වී තිබෙනවාය. ඒ ප්‍රස්තුතයත් ෂැන්ග්‍රිලා කල්ට් එක අතරත් අපූරූ සහසබඳතාවයක් තියෙනවාය.

පියුමි හංසමාලී කියන්නේ ලංකාවේ දැන් ඉන්නා සුන්දරම, ප්‍රියකරුම, සරාගීම හා ජනප්‍රියම ගැහැණිය බව ටින්කරින් ධර්මේ හෙවත් චින්තන ධර්මදාසද ලියා තිබිනි. ඒ ගැන කිසිවකුත් වාද කිරීමට එන එකකුත් නැතිය.

තරු පහේම හෝටල්වලම බැරිනම් ඉහළ පන්තියේ රෙස්ටුරන්ට් වලින්ම කන්න හොයන උන්, මූනිච්චාවට අපේ අම්මගෙ කෑමට ගහන්න කෑමක් නෑ.. වයිෆෙගේ කෑමට ගහන්න කෑමක් නෑ කියන්නා සේ...

අනේ යන්න අනේ ඕවත් කෑලිද, මගේ වයිෆ් තමා ලස්සනම කියා ස්වයං වින්දනයේ යෙදී සිත සනසා ගත්තද, ඇත්ත කතාව චින්තන කියපු එකය.

ෂැන්ග්‍රිලා හෝටලය කියන්නේ අද ලංකාවේ ජනප්‍රියම හෝටලයය. අනෙක් හෝටල් වලට එක එකා යැව්වට සහරාන් එන්නේත් ඒකටය. ඕක හදන කොට පලු යන්න බැනපු සම-හරක් උන් ඕකේ ඩෙඟා නටනවාය. හරියට හෙරිටේජ් කන්ඩලම, සදර්න් එක්ස්ප්‍රස් වේ යනවා වාගේය. 

ඇත්තටම මේවා රටේ ජනතාවට ලබා දුන් රාජ්පක්ෂලාට මල් තියලා වැන්දත් පාඩු නැතිය. දැන් සිංගප්පූරු ඩුබායි යන්නේ නැතිව ඒ පරිසරය ඔවුන් කොළඹ නඟරයේ ගොඩ නගමින් තිබෙනා නිසාය.

ගෝල්පේස් එක ගාවට ගියාම ෂැන්ග්‍රිලා එක පෙනුනාට හැම එකාටම ඔතෙනට යන්නට බැරිය. ඒ නිසා එතන මාළු පාන් ගෙඩිය කන එකාට අම්මමෝ නැතිව බනිනවාය. හරියට පෝට් සිටියට කෑ මොර දෙනවා වගේය.

එක්කෝ උන්ට ෂැන්ග්‍රිලා එකට යන්නට බැරිය, නැතිනම් ආසාව තිබ්බාට යන්නට බයය. ඒ නිසා ගෝල්පේස් ඇවිත් නොමිළේ රැල්ල පාගා පවුල් පිටින් වඩයක් කා පඩයක් ඇරලා ගෙදර යනවාය. අඩුම ගානේ ගෝල්පේස්සෙක කෙලවරේ බැරකුඩා බ්‍රීස්සෙකටවත් යන්නේ නැතිය. යන්නට බැරිය. ඒ උනාට ඒවායේ කන උන් දෙස බලා බඩ පැලෙන්න කෙල ගිලලා කියන්නේ, ඕවයෙ තියෙන දහ ජරාවට වඩා ගෙදර කන සම්බෝලෙයි බතුයි රසයි කියලාය.

පියුමි හංසමාලි කේස් එකත් එසේමය. එයා කරපු දේ හරිය කියා අප කියන්නේ නැතිය. එහෙත් ඇයගේ පෞද්ගලිකත්වයට ගහනා එක හරි කැතය. 

හංගලා ගහන්න දෙයක් නැතිය. බුදුන්ගේ සමයේත් අම්බපාලිලා උන්නෝය, හිත හොඳ ලලක්කලාත් ඉන්නට ඇතිය. කිසිවකුටත් වරදක් නැති, වැරදිකාර ළඳුන්ද ඉන්නට ඇතිය. ඒ ඒ එකාගේ වත්කම් අනුව ලොව උතුම්ම සැප විදින්නට ඇතිය.

ඔවුන් පමණක් නොව, ලෝකප්‍රසිද්ධ ගායිකාවන්ද නිලියන්ද කරන්නේ බුදු පුදයට මල් ගෙනයන කෙනාම කරනා දේය. එය ගැරහිය යුතු වෘත්තියක් නොවේ. මාතලන්ට අනුව නම් එය ලෝකයේ සුන්දරම රැකියාවය. 

සමාජ තත්වයන් අනුව ඒ ඒ සමාජය තුල ප්‍රසිද්ධියට පත් දෙපාර්ශවයේම පිරිස් අද ලංකාවේ මේ වෘත්තියේ නිරත වෙනවාය.

බොහෝ පිරිස් නොදන්නේ වුවද, වෙනත් උසස් රැලියාවල යෙදෙන පිරිස්ද ඉහළ ආදායම් ලැබෙනා මේ වෘත්තියේ පාට් ටයිම් යෙදෙනවාය. තරු පන්තියේ හෝටල් ගැන, සුපර් ලක්සිරි එපාර්ට්මන්ට් ගැන දන්නා උන් ඒ ගැන දන්නවාය. නොදන්නා එකෙක්ට ඕවායේ ඩෝර්මන්ලාගෙන් ඇහුවා නම් දැන ගත හැකිය.

කව්දෝ හාල්පාරුවෙක් සංචාරකයින් ලංකාවට එන්නේ අහවල් දේකටදැයි අසා තිබිනි. ලංකාවට ගරහනා ලංකාවේම උන් ඊට උඩගෙඩි දෙමින් කොමෙන්ටු දමා තිබිනි. මුන් ලංකාව ගැන, කොළඹ ගැන නොදන්නා හිනමාන ගං කබර බයියෝය.  උන් නොදන්නා දේනම් ඩුබායි මෙන්ම අහවල් දේ කරන්නට මේ රටේ ලෝකේ ඉන්නා ඕනෑම ජාතියේ ඒවා ඉන්නවා කියනෙකය.

පියුමිට අපහාස කිරීමට තවත් හේතුවක් කරගෙන තිබුනේ ඇයගේ වාචාල කමය. ඔය වාචාල ගැන කතා කරනා උන් වාචාලයන් විශාල පිරිසක් පාර්ලිමේන්තුවට යවා උන් ගැන ප්‍රසස්ති ගායනා කරනා උන්‍ය. දහදුරා ටෙලි නාට්ටි පවුල් පිටින් බලනා උන්‍ය. 

බුදුන් වදින ළඳත් අවුස්සාගත්තා නම් අහන්න වෙන්නේ නාට්ටාමි වාගේ වැදගත් කතා නොව ජාතකේ ගැන හා සංසර්ග ක්‍රියාවලිය පිළිබඳ පාලි සඟිස්කෘත දේශනාවක්‍ය.. ගෙවල් වල අය ගැනත් අමුතුවෙන් කියන්නට දෙයක් නැතිය. පොඩ්ඩ එහෙ මෙහෙ උන ගමන් බෙලි කටු මල්ල හෙලෙව්වා වාගේය. 

කාන්තා පාර්ෂවය පියුමිට ගහන්නේ ඉරිසියාව නිසාය. එමෙන්ම, නෂ්ඨකාමය තිබෙනා උන්  හා බිජු හීනතාවයෙන් පෙලෙනා උන්ගේ විවේචනද සාධරනයි කියා කියන්නට පුලුවන්‍ය. ඒ උන්ගේ උපන් ගෙයි දෝෂයක් කියලාය.

එහෙත් බුදුන් වඳින ළඳුන් හා ලලක්කා එක්ක හැමිනිලා පියුමිලාට කුණුහබ්බෙන් බනිනා උන්ට කියන්නට තියෙන්නේ. ඉඳලා හිටලා ෂැන්ග්‍රිලාම නැති උනත් ගෝල්පේස් එකේ කෙලවරේ "බ්‍රීස් බැරකුඩා" එකෙන්වත් එක දවසක් හෝ කාලා බීලා පලයන් කියලාය.

එතකොට ඔය ඉරිසියාව, හීනමානය, ගං කබර භාවය ටිකක් හෝ නැති වෙනවාය.


ඒ වගත් මෙසේය....