තඹුත්තේගමින් ඇරබි තුන් වන කැරැල්ල - Get ready for the next Revolution

ඊයේ තඹුත්තේගම සිඳු වූ සිඳුවීම, වඳ පෙත්තට එහා ගිය දෙයක් බව ආන්ඩුව තේරුම් නොගන්නේ නම් එය මහා විනාශයක ආරම්බය බව, අප විසින් මේ ගවපාලකයන්ට මතක් කර දිය යුතුව ඇත. අද මේ දෙපලම රටේ නායකයන් ලෙස ජනතාව පිලිගන්නේ නැත. ඔවුන්ගේ එකම නායකයා හා ගැලවුම් කරුවා මහින්ද රාජපක්ෂම වී අවසානය. 

ජනවාරි 10 වන්දා පැවති ආන්ඩුව ඉල්ලාගෙනම කෑ හුටප්පරයෙන් ලෝකටයටම දුන් පණිවිඩය එය බව තිත්ත වහ කඳුරු වුවත් පට්ට ඇත්ත ලෙස අප කවුරුත් පිලිගත යුතුය. තම පක්ෂය, ඇමති මණ්ඩලය, කැබිනෙට්ටුව පාලනය කර ගන්න බැරි උන්ට, රටක් තියා ප්‍රාදෙශීය සභාවක්කත් පාලනය කර ගන්න බැරි බව අද අපූරුවට පෙන්වමින් සිටින්නේය.

පොලිසිය, හමුදා කඳවුරු, ඇස් ටී ඇෆ් කඳවුරු සියල්ල තිබියදි, පෙත්තක් දැම්මාය කියා ක්ෂනයකින් මහා පරිමාන ප්‍රහාරයක් එල්ල කරන්නේ, හොඳ සංවිධාන ශක්තියකින් පමණක්ම නොව, අර කලින් සඳහන් කළ ඒවායේ ආශීර්වාදයද ඇතිව බව සැක කිරීමට, අප ජීවිතය තුල දෑසින්ම දැක ඇති දෑ ඕනාවටත් වඩා ඇතිය. 

එය ආන්ඩුවේම ක්‍රියාදාමයක්ය කියා සැක කිරීමට නොහැක්කේ, මේ ආන්ඩුවට එවන් දෙයක් කර ගැනීමට ශක්තියක් ඇතැයි කියා කිසිවකුත් නොසිතනා නිසාය. ඒ කෙසේ වෙතත්, 83 දී මෙන් මෙය පූර්ණ රාජ්‍ය අනුග්‍රහය සහිතව සිඳු වූ දෙයක් විය හැකි සම්භාවිතාවයක්ද පවතින්නේ, මෙතක් කිසිවකු හෝ අත් අඩංගුවට ගෙන නොතිබීමමය. 

පෙත්තේ ගිනි නිවී යාමටත් ප්‍රතම, තඹුත්තේගම ඇතිවන සිද්දිය අප සුළු කොට තැකිය යුතු නැත. යහපාලන ආන්ඩුවක් ලෙස, වතුර ඉල්ලු ජනතාවට පොලීසියේ බවුසරයෙන් වතුර බෙදීම අප අගය කළ යුතු වුවද, මෙතරම් ජනම් එකක් පොලීසියට විරුද්ධව කැරලි ගසන්නේ කෙසේද යන්න සොයා බැලිය යුතුම කාරනාවක්මය. මක්කා කීවත් පොලීසිය ආන්ඩුවේය. පොලීසිය අයිති ආන්ඩුවට වූවද පොලීසියේ අති බහුතරයද මහින්ද වාදින්ය. පොලීසියේ පමනක් නොව, අධිකරණයේ අති බහුතරයද මහින්දවාදීන් බව, අති ශ්‍රේෂ්ඨාධිකරනයෙන් දෙන ඉල ඇදෙනා නඩු තීන්දුවලින් මනාව දිස් වෙනවාය. 

තත්වය එසේ හෙයින් මේ ආන්ඩුව මෙන්ම, ජෝකර් කෙනෙකු යටතේ පාලනය වන විගඩම් පොලෝසියද එකෙක්කත් සත පහකට මායිම් කරන්නේ නැතිය. එය එසේ හෙයින්, ඡන්දයට කලින් 100-200 එක් වී ආන්ඩුවට එරෙහිව පාරවල් වසාගෙන කළ උග්ගෝෂණ, තඹුත්තේගමටත් වඩා දරුණු ලෙස, හෙට හෝ අනිද්දා ඇති වීම කිසිවකුටත් වැලැක්වීමට නොහැකිය. මන්ද අම්මට සිරි ලංකා නිදහස් පක්ෂයේ පෙර උන් ප්‍රාදේශීය චන්ඩීන් සියල්ලම පොහොට්ටුවෙන් ජන වරම ලබා ගෙන අවසානය. දැන් උන් කරමින් සිටින්නේ, පාලිත තෙවරප්පෙරුමගේ බජාර් එකේ චන්ඩියා සෝ එකේ සීන්ය. 

තඹුත්තේගම පොලීසිය ඉදිරිපිට විශාල ජනම් එකක් රැස්වන්නේ. බහු ජාතික සමාගමකට එරෙහිව නොව චීනාට එරෙහිවය. ඒ, ජලාශයේ ජලය, පානීය ජලය නිශ්පාදනය කරණා කර්මාන්තශාලාවකට බදු දීමට එරෙහිවය. මහින්දගේ කාළේ මේ වාගේ ඒවා අනන්තවත් සිඳු වූවද, එකෙක් පාරට බහිනවා තියා හූම් කීවේ නැතිය. ඒ පොහොර සහනාධාර මක්කා කොලත් හම්බ වූ නිසාත්. උන් ගැන බලා ගන්නා බව පෙන් වූ නිසාත්ය. 

ග්‍රාමිය ප්‍රදේශවල ආන්ඩුව පැරදීමට ප්‍රධානම වශයෙන් බලපෑවේ පොහොර සහනාධාරය කපා දැමු එකය. (සබීතාට ආතල් දෙන කෘෂි කරුම ඇමතියාගේ ප්‍රදේශයෙන්ම මේ ඇවිලීම ආරම්බ වීම බොහෝ හොඳය) 

එමෙන්ම කිසිවකුටත් නොපෙනුන කටුක සත්‍ය නම්, අරක්කු හා සිකැරට් මිළ වැඩි කරපු එකය. ලංකාවේ ජනතාවට එන්ටර්ටේන්මන් වලට වියදම් කිරීමට මහා ලොකු මුදල් අද ඇත්තේ නැතිය. උන්ගේ එකම ආතල් එක බජාර් එක සමඟ සෙට් වී, පොඩි අඩියක් ගසා, සින්දුවක් කියා, වලියක් දමාගෙන ගෙදර ගොස් පොරක් ගසා හතර ගාතේ නිදා ගැනීමය. මේ බව නොදන්නා ගොන් ගෑණු, පොරක් ගහලා ආතල්ක් එකක් ගන්නවා වෙනුවට, පනසලේ ගුලි කා මත්පැන්වල ආදීනව කියා දෙන්න ගොස්, හත් පොලේ ගාගන්නවාට අපට කොරන්න දෙයක් නැත්තේය. මොකෝ එහෙම උපදේස් දෙන ගනයෝ සුරා මේරය මජ්ජ පමාවෙන් නොව කන පාත්වෙන්නම සංගික කොරනා නිසාය. ගොවි පවුලකින් ආවා යැයි කියනා එකෙක්, මේ කටුක සත්‍යය දන්නේ නැත්නම්, අපට කියන්න තියෙන්නේ හැමෝම කියනවා වාගේ, උන්නැහේට මුල අමතක වෙලා කියලාය. 

මහන්සි වී මැරීගෙන කීයක් හෝ හොයා ගන්න උන්ට වඩා, සමෘධියෙන්, පොහොර සහනාධාරෙන් හා පින් පඩිවලින් ජීවත් වෙන උන් ඉන්නේ මලේ හොඳම එකෙන්ය. උන්ව අමුඩ ගසා නොව නිර්වස්තරෙන් හෝ පාරට බස්සනවා කියනා එක, දානෙකෙට හිඟන්නෝ හොයනවාටත් වඩා බොහෝ සිම්පල් වැඩක්ය. 

ටැබ් ලබා දීම කපා දමමින්, ආර්ථික භෝග වගාව සමච්චලයට ලක් කරමින්, සත පහක් වැඩක් නැති ජල සම්පත කාබාසීනියා කරනා වී ගොවිතැන හා වී ගෝවියා මුරුංගා අත්තේ තබා, උන් ගැන සත පහකට මායිම් නොකරනා ගොවි පුතාට එරෙහිව ජනතාව පාරට බැසීම සර්ව සාධාරනය. උන්ගේ ගොවි තැනට තිබෙනා ජලය විකුණාගෙන ආතල් ගන්නවාට එරෙහිව උන් පාරට බහිනා එක සර්ව සාධාරනය. 

දැන් අර සරළ ගොවි පුතාට ඕවා ගැන මතකයක් ඇත්තේ නැතිය. දැන් බලන්නේ මහින්ද හලා, ඝෝඨා සමගින් හෝ, සිරිසේන සහ සමාගමේ ග්‍රෝව්ත් එක හෙවත් අභිවෘද්ධියම පමණි. ඒ සඳහා කළ හැකි, සියලු යටි කූට්ටූ වැඩ, නූල් සූත්තර, යාග හෝම, වත් පිලිවෙත් කරනවා හැර, රටට මක්කා වූවත් උන්නැහේට පයිසෙක ගානක් නැතිය. 

මේ එන්නේ මහින්ද රාජපක්ෂටත් වඩා ජනතා අප්‍රසාදයට පත් වූ නායකයකුගේ අති භයානක එකාධිපති පාලනයක් බව නොකිව මනාය. මන්ද ඉදිරියේදි එන ජන උද්ඝෝෂණ මීට වඩා අති දරුණු ඝනයේ ඒවා වීම කිසිවකුටත් වැලැක්විය නොහැකිය. තමන්ගේ නොහැකියාව, ප්‍රජාතන්ත්‍රවාදය හා මාධ්‍ය නිදහස ලෙස දී විරුද්ධ පාක්ෂිකයා ශක්තිමත් කර ඇති යුගයක, විපක්ෂ බලවේග, ආන්ඩුවට වඩා අති දරුණු ලෙස ශක්තිමත් වී සංවිධානය වී අවසානය. 

මේ ආන්ඩුවට තව දුරටත් ජන බලයක් නොමැති බවත්, ජනාධිපතිවරයා අනුමත කර ඇත්තේ රටේ ජනතාවගෙන් 4% පමණ බවත් තේරුම් ගැනීමට ගවපාලනයට නොහැකි වූවද ජනතාව එය තේරුම් ගෙන අවසානය. පිඳුරු වේලා, ගොඩ ගසා අවසානය, ආන්ඩුවෙන් පැස්ටෝල් ඉහලාද අහවරය. දැන් ඇත්තේ ගිනි කූර ගසා විසි කිරීම පමණමය. 

තුන් වැනි කැරල්ල බලාපොරොත්තු වන්න....!!!

අබ සරණයි සිරි ලංකා.....