ජයග්‍රාහී මැයි රැළිය - May Day Fiesta

Cartoon by - Web Buwa (Ada Derana)

පිට උනෙමි උදෑසන,
මිටිය දෑකත්ත ගෙන,
රතු පාට බස් එකේ,
"කෝ දියන් මගේ ගාන..."
දැන්ම නොම ගතොත් හෙම,
ගහනවා මාටියා,
ඇමතියගේ ගෝලයා...

පා...දෙසියෙ සභාපති,
රජා වෙස්සන්තර වගේ,
බෙදනවා මාළුපාන්,
මළුවෝ ඇතුලෙ නැති...

ගල් බනිස් විතරක්ය,
බෝතලුත් තියෙන්නේ.
හුළඟ හරි සැරයිනේ,
ඔළුව කරකැවෙන්නේ.
හා යමන් පුතා හපුතලේ......
කන්ද දැන් බහින්නේ.

කොහෙද බං මේ යකෝ...!
කොළඹ නම් වෙන්න බෑ.
නෙළුම් නැති වතුර නැති,
යකඩ බිල්ඩිමක් ළඟ,
බිත්තියත් ඇලවෙලා.
ඇමතියා ඇවිල්ලා.

ටී ෂර්ට් බෙදන්නේ,
තොප්පියක් දමන්නේ,
ලංකාවම නිල් පාටයි.....

ලොක්කා අපිට.... අපි ලොක්කට..

අනේ පව් ඇමතියා,

ගිරිය පුප්පන් බුරති.

හඩ්ඩෝ අපි වටකරන්,

යන අගේ ඉස්තරන්.

අමා....රුවෙන්, දිනාපූ රට....
දෙන්නෙම නෑ...., පර සුද්දට......

බේබිලා හාමුලා,

ගීතලා බබාලා.

අපිට අත වනනවා,
එතනෝල් බඩු හොඳයි
අපිත් දැන් වැනෙනවා..

එකෙක්ටත් දෙන්නේ නෑ,
අතක් තියනට රටට.

ඒක නම් හරි ලොක්කා.
එව්වා බෑ අපි එක්ක.

අපෙ සෑර් වෙනුවෙන්ම,
මැරෙණවා අපි අඩෝ...

කෝ යකෝ.... දෑකැත්ත...?

"මිටිය" නම් බස් එකේ.
යන ගමන් අදිමු බං
මල් හතයි මැයි දිනේ..

-x-