සහෝදරයා ෆේල් වුනාට මරිසි කොටා ෆේල් නැත.

අනුර කුමාර ජනාධිපති වූ විට අප ඔහු කෙරේ බලාපොරොත්තු සහගතව ධනාත්මකව බලා සිටින පිලිවෙතක් අනුගමනය කළේ.... ඕනෑම තනතුරක ප්‍රොබේසොන් පීරියඩ් එකක් තිබෙනා නිසාය. 

පර්මනන්ට් කරන්නේ.... පර්ෆෝමන්ස් බලලාය. මුලදී පොඩි ප්‍රෝග්‍රෙස් එකක් පෙන්නුවත්... ඉන්නේ පරණ මරිසි කොටාම බව කළුතර ගවගාලේ රැස්සීමෙන් පස්සේ සුපිරියටම ඔප්පු වුනේය. ඔරිජිනල් සතා ඉන්නේ... ජනාධිපති ලේකම් කාර්‍යාලයේ පුටුව මත නොව, රැස්සීම්වල මයික් එක පිටිපස්සේය.

ජනා වෙන්න කලින් ජූලී චාන්ගේ සල්ලි වලින් කළ රැස්සීම් වල තිබූ සුපිරි ලකේ නැතත්.. පුනක්කු කන හාල්පාරුවෝ ටිකක් කොහෙන් හෝ ගෙනත්... පරණ පුරුදු හිටිවන පච සියල්ල එලෙසින්ම ඇද බෑවේ කිසිඳු හිරිකිතයක් නැතිවමය.

මේ... හන්දියක් හන්දියක් ගානේ තෙල් බේත් විකුණන උන් කියන තරමක් කියන්නේ පට්ට පල් කෙබර බවත්, ඔය තෙල් ඔක්කොම නිකන්ම නිකං පොල්තෙල් බවත් අපි දහ අතේ කිවත් ඒවා පිලිනොගත් අම්බරුවෝ අපි දැක්කාම නොදැක්කා වගේ මාරු වෙන කොට අපිට ඇඬෙන්නේ තනි ඇහැටය. 

උන්ගේ එකම වෙනස එක එකාගෙන් ඉල්ලාගෙන ඇන්ද හිල් ජොක්කු වෙනුවට..... දැන් තෙල බෙදන්නේ... ටේලර් ෂොප් වලින් ඉල්ලාගෙන අදිනා අවුට් ඔෆ් ෆැෂන් ටයි කෝට් කෑලි එල්ලාගෙන වීමය. ටයි නොට් එක දැක්කාම සුද්දොත් කොර වෙනවාය.

එක පෑන් පාරින්, පැය 24 න් කරනවා කීවත්... එහෙත් ඒ මැද, පැහැදිලිවම පෙනී ගිය කරුණ වූයේ ඔවුන්ට රටේ පාලන බලය ලැබේ යැයි ඔවුන් සිහිණයකින් නොසිතු බවත්, බලය ලැබුනහොත් පාලනය ගෙන යන්නේ කෙසේද? 

අදාල තනතුරු ලබා දෙන්නේ කාටද? 

සිස්ටම් එක චේන්ජ් කරන්නේ කෙසේද? 

අලුත් සිස්ටම් එක කුමක්ද? 

යන්න පිළිබඳව කිසිඳු සැලස්මක් හා වැඩපිලිවලක් තබා පවතින සිස්ටම් එක පිලිබඳව හෝ ඔවුන්ට කිසිඳු දැණීමක් නොතිබූ බවය.

මේ රට ගොඩදැමීමට නොහැකි ප්‍රධානම හේතුව අන්ත දූෂිත රාජ්‍ය සේවය බව අප සැමදා ලියා ඇත්තෙමූ. එම මාෆියාව කුඩු කරනා තෙක් ලී කුවාන් යූ, ඩොනල්ඩ් ට්‍රම්ප් තබා පුටින් හෝ සී ජී පින් උන්නැහේ ආවත් මේ රට ගොඩ ගැනීම බොරු බවත් අප ලියා ඇත්තෙමු.

හාල්, කුඩු (පොලීසිය) හා වරාය මාෆියාව ඊට හොඳම නිදසුන්‍ය. අද වන තෙක් වී මිළට සහතික මිළක් දීමට නොහැකිව මහ එකාගේ සිට කෘෂිකර්ම ඇමතියාත් නියෝජ්ජ පුරුක් පණුවාත් සොයා ගැන්මට නැතිය. වී ගබඩා හෙවිල්ලත් ඉවරය. වී අලෙවි මණ්ඩලයෙන් ගැනිල්ලත් ඉවරය. ඩඩ්ලි බඩු ටික ගන්නකන් මුන් ටික සොයා ගන්න හම්බ වෙන්නේ නැතිය.

ඒවාට කළ ගුණ සලකන්න ඩඩ්ලිලා දන්නවාය. සිස්‍ටම් එක කියන්නේ ඒකටය. වෙනස් කරනවාට වඩා අනුගත වීම ලේසී බව දැන් අවබෝධ වී ඇති සැටියක්‍ය.

කන්ටේනරෙකක් දෙකක් වෙනුවට කන්ටේනර් 300 ක්ම එලියට යන්නේ සිස්ටම් එක නියමෙටම අවබෝධ වී ඇති නිසාය.

දැන් සිඳුවෙමින් පවතින්නේද එයමය. අනුර කුමාරට විධායක ජනාධිපති තනතුරෙහි කාර්‍යභාරය හා චරිතයට පිවිසීමට නොහැකි බව ඔහු පැහැදිලිවම පෙන්වා අවසානය. එම තනතුරෙහි ගෞරවය ඔහු බව්වා මාක් එකට දමා අවසානය. මූලිකවම ඇඳුමෙනි.

ඒ ඔහු තුල ඇති හීනමානයයි. ඔහු අනුර කුමාර කාළයේ දුන්නේ දහසක් බොරු පොරොන්දු බව අප ලිව්වේ නිකන් නොවේය. ඒ රාජ්‍ය සේවය හා සිස්ටම් එක ගැන ජෙප්පන්ට වඩා අපට අවබෝධයක් තිබූ නිසාවෙන්මය.

දැන් ඒ දුන් පොරොන්දු ඉටුකර ගැනීමට නොහැකිව හත්පොලේ ගා ගනිමින් සිටිද්දි... රට ගොඩගැනීම පැත්තකින් තබා තමාට හුරු පුරුදු මරිසි කොටාගේ චරිතයට පන පොවමින් නැවතත් වේදිකා නාට්ටිය පෙන්වන වැඩේ ආරම්බ කර ඇත්තේ ඒ නිසාවෙනි.

රට ආර්ථික වශයෙන් ගොඩ ගැන්මට නොහැකි හේතුව මහින්ද රාජපක්ෂ කොළඹ 7, විජේරාමේ අක්කර 1 යි රූඩ් 22 යි පර්චස් 3 ක මහා මන්දිරයක සිට වර්චස් කිරීම බව මරිසි කොටාගේ ආරක්ෂ උපදේශකයින් හා විශේෂඥයින් විසිනි ඔහුට පෙන්වා දී ඇත්තේය.

විශේෂයෙන් මහින්ද රාජපක්ෂගේ ආරක්ෂාව පිළිබඳ නිසි අධ්‍යයනයක් සහිත තක්සේරුවක් නොකොට... මරිසි කොටා, කාගෙවත් උපදෙස් අනවශ්‍ය හරිනි දත්, පොලිස් ඇමතියා නියෝජ්‍ය ඇමතියා හා ජවිපේ දේශපාලන බල මණ්ඩලය විසින් ගන්නා තීන්දූ තීරණ අනුව නීතිය ක්‍රියාත්මක කරනා බවට.... විරුද්ධවාදීන් විසිනි ගෙනයන චෝදනා සියල්ල බොරු බව මරිසි කොටා වේදිකාවල දෙන ටෝක්ස් වලින් ඉතා පැහැදිලි වන්නේය.

ඔවුන් විජේරාම ඉඩමේ ප්‍රමාණය, නිවසේ වර්ගඵලය, සම්පූර්ණ වටිනාකම, අළුත්වැඩියා හා නඩත්තු වියදම් පමණක් නොව.... මහින්දගේ හා ශිරන්තිගේ බෙට්ටක දිග පලල, අරය හා පරිධියද සොයා... ඒ පිළිබඳ වාර්ථාව ජූලී චන්ග් හරහා පෙන්ටනගනයට යවා.... ඇමරිකානූ රහස් ඔත්තු සේවා මගින් ලද වාර්තා අනුව.... මේ තීරණයන්ට එළඹ ඇති බව ඉතා පැහැදිලිය.

මහින්ද විජේරාමේ සිටිනා තෙක් මරිසි කොටාට විධායක ජනාධිපති ධූරයේ චරිතය රඟපෑමට නොහැකි වී ඇත්තේ එනිසාය. 

මහින්ද මහත්තයා ඇත්තටම රටට ආදරේ ඇත්නම් දැන් කළ යුත්තේ..... කකුල් දෙකෙන් අල්ලා සරත් ෆොන්සේකා වගේ කුදලාගෙන ගොස් වැලිකඩ බෝඩිමේ දැමීමට පෙර..... රට ජාතිය වෙමුවෙන්... ඔතනින් චුත වෙලා යන එකය. ඒ යන්න කලින් මුන්ට කෙලවෙලාම යන්න කොඩිවිනයක් වලලලා යන නොයන එක උන්දෑගේ වැඩක්‍ය.

එසේ ගිය පසු...

වී වලට සහතික මිළක් ලැබෙනු ඇත.

වරායේ කන්ටේනර් ක්ලියර් වනු ඇත.

රිලව් පොල් කන එක නවතිනු ඇත.

ලුණු ලේවාවලින් ලුණු එනු ඇත.

හිඟුරානෙන් සීනී එනු ඇත.

වාලච්චනෙන් කරදාසි එනු ඇත.

කන්කසන්තුරෙන් සිමෙන්ති එනු ඇත.

කැළණියෙන් ටයර් එනු ඇත.

චීනෙන් සිනොපෙක් එනු ඇත.

ඉන්දියාවේ අදානි එනු ඇත.

ගස් වල මල් පිපෙනු ඇත.

කුරුල්ලන් ගී ගයනු ඇත.

ගර්භාෂ වලින් ඩිම්බ මෝචනය වනු ඇත.

වෘෂණකෝෂ වලින් ශුක්‍රාණු පිටවනු ඇත.

වීල් වල කෑලී ගැලවෙනු ඇත.

ලොරි බොඩි බස් සෙමින් යනු ඇත.

කුඩ්ඩෝ බීඩි බොනු ඇත.

පොඩි ලැසීලා රටින් යනු ඇත.

අපි මේක ගත්තේ ආයේ දෙන්න නෙමේ යකෝ කියා....

ආරක්ෂක නියෝජ්ජ ඇමතියා කියනු ඇත.

ස්වස්ති සිද්ධම්....!

#මාතලන් 

.