කල් ඉකුත් වූ භාන්ඩ, විකිණීම තහනම් - Not for sale - Date expired

සාමාන්නියෙන් අම්මට සිරි ලංකාවේ කෙනෙක් මිය ගිය පසු, එකපාරටම උස්සාගෙන ගිහින්, ගිනි තියලා හෝ වලකට උසික්ක කොරලා එන්නේ නැතිය. මිනීයෙන් උනත් කරන්නේ ආතල් ගන්න එකය. මිනීය එම්බාම් කොරලා සාලේ මැද්දේ තියාගෙන මාරම ආතල් එකක් ගන්නවාය. දවල් වරුවේ නෙස්කැෆේ බොනවාය, ළිඳ ළඟ සංගමය මළ ගෙදර රැස් වෙනවාය, අහල පහළ ගෙවල් වලින් එන එවා කාලා බීලා පෝඩ්ඩක් ඇලවෙනවාය. අලුත්ම ට්‍රැන්ඩ් එක වෙන්නේ මිනීයේ පොටෝ ෆේස්බුක් ගත කොරනා එකය. එතකොට මැරුණේ ක්‍රිස්තියානි කාරයෙක් උනත්, කස්ටිය මැරිච්ච එකා කෙලින්ම නිවන් යවනවාය. එයිටත් ආතල් එක මිනීයත් එක්ක සැල්පියක් ගහනා එකය. ඒකත් බුකියේ දානවාය. මැරිච්ච එකා බුකියෙන් ඒවා බලනවා ඇතිය.

රෑට ඊටත් ආතල්ය. කස්ටියක් බූරුවා ගහනවාය. ලෝක කැරම් ශූරතාවය පැවැත්වෙනවාය. ගෙදර පවුඩර් ටික අහවරය. කස්ටියක් මල් පූජා කොට සඳ තරණය කරනවාය. කස්ටියක් කාර් වල ඩිකිය තුල හෝ වෑන් පිටිපස්සේ බාර් ඇසෝසේසොන් එකේ මීටින් තියනවාය. ඔය අව් අස්සේ, සැමන් පාන් මාළු පාන් තේ කෝපිත් එනවාය. සමහර වෙලවාට අනාගතයේ අහල පහළ තාප්ප පුරවන බැනර් අතරේ.. , "උඹට සුබ ගමන්, අපිට නම් නිවන්.." කියා බැනර් එකක් තිබුනොත් කළබල වන්ට ඕනා නැතිය.

යහ පාලන ආන්ඩුවේ දැන් යන්නේත් එහෙම සීන් එකක්ය. ඒක මැරිලා ගොඩාක් කල්ය. 16 දෙනෙක් මළගමටවත් ඉන්නේ නැතිව යන්න ගියේය. ඒ එම්බාම් කළත් මිනීය කුණු වෙලා ගඳ ගහනවාය කියලාය. කුණු මිනීයක් තිබුන මළ ගෙදරක ඉඳන් ආපු නිසා, කිල්ලට අහු වෙයි කියා උන් සෙට් එක වෙන ගෙවල් වලට වැද්ද ගන්නේත් නැතිය.  දැන් යන්නේ පාංශූ කූලය දීමෙන් පසු, සමිතිවල සභාපතිවරු, ග්‍රාමසේවක, පවුලේ ඉස්තුති කතාව වාගේ පට්ට ආතල් තිබෙනා "අවමංගල සභාවය". චන්දයක් තැබූ පසු බොහෝ විට යහපාලන මිනිය මෙන්ම ඒ පවුලේ සාමාජිකයෝද ආදාහනය වීමට ඇති සම්භාවිතාවයද ඉතා ඉහළය.

මළ ගෙදර එකෙක්ට හීන්නෝමාදයය. අනෙකාට ජැපනීස් එන්සැපලයිටිස්ය, හීනමානය අති එකාට හැම එකම මැජික්ය. රැජිණ ග්ලව්ස් ගලවන එක, මාර්කෙල් ජංගි ගලවන එක වගේම, ඔසාමා කලිසම ගලවන එක මෙන්ම, චන්දෙන් පැරදුනත් තාමත් ජනාධිපති වෙන එකා හෙලිකොප්පරෙන් ගමේ යන එක එයට මාර මැජික්ය. කට ඇරියොත් කෙලින්නේ අමු කෙප්පය. එක බොරුව වහන්න බොරු දාහක් ඔනෑ කියන්නැහේ. අද කියන එක හෙට මතක නැතිය. ඉතින් හත් පොලේ ගාගෙන නානවාය. ඊට පස්සේ කිංඩිය දානා උන්ට ගෙම්බර් දානවාය.  

වැරදි කරලා තියෙන්නේ එයා නෙමේය. එජාපයේ උන්ය. කරන තරමක් නෝටී වැඩ කරලා තියෙන්නේ එජාපයේ උන්ය. එයා ගුඩ් බෝයිය. ඒත් ඝෝඨා අත් අඩංගුවට ගන්න නොදෙන්නේ ඒ ගුඩ් බෝයි මයි කියා කිව්වේ, එයාගේ හොඳම චක් ගෝලයෙක් වන බස්නාහිර පලාතේ මහ ඇමතියාය. මහ ඇමතියා කීවාට පොර අඩි හතරක්කත් උස නැත්තේය. ඕන් අර ඌව පලාතේ එකාට නම් තඩි කුළු මීමෙක් වගේ නිසා, මහ ඇමතියා කීවාට කිසි අවුලක් ඇත්තේ නැතිය. 

රටේ නායකයා රට පාලනය කරන්නේ පත්තරෙන් හා ටෙලිපෝන් එකෙන්ය. හොරු බේරනා එකෙන් බෙරෙන්න ජනතාවට කෙප්ප කෙලින්නේ පත්තරේ තියෙන්නේ බොරු කියලාය. පච කෙලින්නේ මොකාද කියා පලාත් පාලන චන්දයෙන් ජහ මනයා හීන් සැරයෙන්ම පෙන්නලා දුන්නේය. දැන් ඩේලී මිරර් එකත් බලනවාය. අපිට නම් කියන්න තින්නේ ඩේලී, මිරර් එක ළඟට ගිහින්, ඉන්නේ ඇඳුම් ඇඳලාද කියා චෙක් කොරගෙන එලියට එන එක හොඳයි කියලාය.

අනිකා ආසියවේ මාරම බුද්ධිමතාය. රිගේනින් සිරි ලංකාද මක්කදෝ එකක් ගෙනත් රට ගොඩ දානවයි කියපු එක්කෙනාය. එයා 2002 දීත් ඔය කතාවම කියා සැටලයිට් ප්‍රහාරයකින් පුක නැතිවෙන්නම කා, හොස්පිටලයිස් කිරීමෙන් පසු ආයේ ලෙඩ ඇඳෙන් නැගිටලා යාන්තන් අගමැති උනෙත්, අර සැටලයිට් එකේම සප් එක නිසාය. විධායකේ අත් හරින්න ආපු එකා, ඒක බල්ලට දමමින් සුළුතර බුද්ධිමතා අගමැති පුටුවේ තියන්නේ, ඔබට මතක නෑ මට අමතක නෑ... දින 100 යේ පොරොන්දු ඉටු කරමින්ය.

එයා ආපු ගමන් කොලේ හිටපු රජාගේ සංවර්ධන ප්‍රොජෙක්ට් ඔක්කෝම නවතලා දමන එකය. ඒ කොරලා පුස්සගන් පැක්ටරියක් ගේනවා කීවේය. පුස්සගන් ආවේ නැති උනත්, පොල් ගස් ටික තාමත් බේරිලා තියෙනා එකම ළොකු දෙයක්ය. අන්තීමේ නැට්ට පුකේ ගසාගෙන එපා කියපු චීනාගේ කකුල් දෙක අල්ලලා වැඳලා සමාව ගත්තේය. ඒ වැඳපු පිනෙන් අර මෙලෝ රහක් නැතැයි කියාපු හම්බන්තොට විකුණලා එයාගේ ආතල් ගන්නේය. ඊයේ පෙරේදා කන්නත් සල්ලි නැතෙයි කිව්වාම නුවර පාර හදාගන්නෙයි කියා චීනාම තවත් කීයක්දෝ දුන්නේය. ඒ දෙක පෙන්නලා මලික් සමරවික්‍රම නම් ආර්ථිඋක විසේසග්නය කියන්නේ, ආයෝජන ආවා කියාය. මුන් ආයෝජන කියන්නේ මක්කාද, ණය කියන්නේ මක්කාද, යටි තල පහසුකම් කියන්නේ මක්කද කියාවත් දන්නේ නැති වාහෙලාය. .

අනික් ලිබරල් ආර්ථික ප්‍රතිපත්ති ක්‍රියාතමක කරන්න 56 බූරු පුතෙක් එක්ක බෑ කියා දැන් හොඳටම තේරිලා අවසානය. දැන් කියන්නේ රට හැදිල්ල කෙසේ වෙතත් මාස 18 න් ගම හදනවා කියලාය. ඔයිට කලින් දවස් 3 කින් රටේ ආර්ථිකේ හදනා බවකුත් කීවේය. එයිට කලින් 2017 හෝ 2018 දුප්පත් කම නැති කරන වසර කියා නම් කෙරුවෝය. හැබයි ඒ වසරේ එයාලාගේ දුප්පත් කම් නම් නැති උනා කියා, හත් පොලේ ගාගත් කර වෙච්ච බැඳුම් කෑමේ සෙල්ලමෙන් දැන් රටටම එලි වෙලා තියෙනවාය.

මේ දෙන්නා මෙන්ම, ආර්ථිකේ සෘණ අගයක් දක්වා ගෙන ගොස් ලෝක වාර්ථාවක් තැබු සැටලයිට් නෝනාත් පට්ට ෆේල් බඩුය. අපරාදේ කියන්නේ, තුමියට නම් විස්කි බෝතලයක් හෝ හොරෙන් බීවා කියා චෝදනාවක් නම් ඇත්තේ නැතිය. අනික් දෙන්නා නම් නොම්මර එකේ හොරු කියා අතටම අහු වෙලා අහවරය. එක්කෙනෙක් මහ බැංකුවට ගේම දීලාය. අනිකා හොරෙන් සීනී කන්න ගිහිල්ලාය. දෙන්නා කරන්නේ හොරා පොලිස් සෙල්ලන් කොරනා එකය. වෙලාවකට R හොරා වෙලා S පොලිස් වෙනවාය. තා වෙලාවකට S හොරා වෙලාර්‍ R පොලිස් වෙනවාය. බලාගෙන ඉන්නා උන්ට පට්ට ආතල්ය. 

මේ තුනේම ඩෙට් එක්ස්පයර්ය. විකිණිම සපුරා තහනම්ය. විකුණන්න දැම්මත් බහුතරය ගන්නා එකක් නැතිය. ඒත් ඉතින් ඩේට් එක්ස්පයර් ඒවා උනත් අරගෙන කන උන්, ලේ බඩ ගියත් අරගෙන කන්නත් ඉඩ තියෙනවාය. අපි නම් ඩෙට් එක්ස්පයර් එවා ගන්නේ නැතිය. ඒවා සියළුම භාන්ඩ වලට අදාලය..

ඒ වගත් මෙසේය...