චන්ද ඉල්ලන හිඟන්නට කඩිනම් චන්දයක් ලබා දිය යුතුය.

 

චන්ද ඉල්ලන හිඟන්නට

කඩිනම් චන්දයක් ලබා දිය යුතුය.

➖➖➖➖➖➖➖➖➖➖⭕➖

පොඩි පොඩි පක්ෂ හඳාගෙන මහ පක්ෂ හා සංධානගතවන ඕනම එකෙකුට මාතලන් කියන්නේ දේශපාලන හිඟන්නෝ කියලාය.

තමන්ගේ පක්ෂයට අතින් කයිට් කරගෙන, ඉක පුරාගෙන, පෙරුම් පුරාගෙන වැඩ කරන උන් කපා දමා, අර හිඟන්නන්ට නොමිනේෂන් දෙන මහ පක්ෂවල නායකයින්ට මාතලන් එදා සිටම කියන්නේ දේශපාලන බූතයි හාරුවෝ කියලාය.

මේ වැඩෙන් නොම්මර එකටම ඇරගත්ත උන්නැහේ මහින්ද රාජපක්ෂය. හිඟන සෙට්ටෙක මේ සැරේ උන්නැහේට ඇරිය ඇරිල්ලෙන්වත් උන්නැහේ පාඩමක් ඉඟෙන ගත්තාදැයි කියන්නට අප දන්නේ නැතිය. තමන්ට නොමිනේෂන් දුන් එකාට ගෙදර යන්නෙයි කියන්න තරම් උන් ගුණමකුවෝ වීය.

මුලින්ම මහින්දට හා පෝට්ටු බයියන්ට ඇරියේ නැගී එන ගායකයකු වන විමල් වීරවංශ උන්නැහේය. විමල් තනියෙන් ඉල්ලුවත් චන්ද ලක්ෂයක පමණ බේස් එකක් ඇතත්, පොරගේ නැට්ටේ එල්ලී දිවියලෝකේ යන්න ගිය ගම්මන්පිල හා වාසූට චන්ද 1000 ක් ගන්න පුලුවන් නම්, ඒක ගිනස් පොතේ ලියවෙන වාර්ථාවක් වනු ඇත්තේය. අනෙක් උන් මිනිස්සු  දන්නේත් නැති හිඟන හාල්පාරුවෝය.

ආතක් පාතක් නැතිව හිඳ, මහින්දගේම හිත හොඳ කම නිසාම නොමිනේෂන් ලැබුන කෙලෙහිගුණ නොදත් පොලොන්නරු පොලොවෙන් මතු වූ පොළොන් හිඟන්නා, ‍රාජපක්ෂලාට උකුසු ප්‍රහාර එල්ල කරන්න ගියත්, කපුටා කොටපු කෙටිල්ලට පොරට ඉතිරි වූයේ ඔල්මොරොන්දම් උකුස්සා හා රිලවෙක් පමණි.

ඊළඟට මහින්දට ඇරියේ මාතර කාළගෝලයා හෙවත් ඩලස් කොට්ටෝරුවාය. රටේ ජනාධිපති කමට ඉල්ලපු එකා තම ගමටවත් වැඩක් කරපු නැති එකෙක්‍ය. අදටත් ඒ ගමේ උන් ටවුමට එන්නේ ලොරි භාගේ නැගලාය.

පොරගේ නැට්ටේ එල්ලි අගමැති වෙන්න ගිය ජී ඇල් පීරිස් කියන්නේ නොම්මර එකේ අපතයෙකි. අනෙක් වියත්තු ගැන යුනිකෝඩ් නාස්ති කරන එකත් අපරාධයකි. ඕකුන් එකෙකුටවත් චන්ද 100 ක් ලැබුනොත් ලෝක විනාශය වුවත් සිඳු වීමට ඉඩ ඇත්තේය. උන්ට නොමිනේෂන් දෙන උන්ගේ මොළේ ඉස්කෑන් කර ගන්නවා නම් බොහෝ හොඳය.

දැන් චන්දයක් ඉල්ලන්නේ මේ හාල්පාරුවෝ පිරිසය, තාම ඩෝප් නිසා විමල් වීරවංශ ඊයේ රැස්වීමට ආවේ නැතිය. මේ හිඟන සෙට්ටෙකට අමතරව උන්නේ 43 බ්‍රිගේඩ් එකේ කමඩාන් පාඨලී පමණි. මනෝ ගනේෂන් ඕන තැනක ඉන්න පොරකි.

ඔය එකෙකුටවත්, සජිත්ගෙන් කිසි දිනෙක නොමිනේෂන් ලැබෙන්නේ නැතිය. මොකෝ සජිත් කියන්නේ රණසිංහ ප්‍රේමදාසගේ පුතාය. රනිල් ප්‍රමුඛ පින්නවල අනාථාගාරේ අනාථ අලින්ට පිහිටට ඉන්නේ පෝට්ටු බයියෝ නිසා එයාලා එක්ක යන්නත් බැරිය.

උන්ට රෙද්දක් ඇඳගෙන පොහොට්ටුවේ ලිස්ට් එකට එන්නත් බැරි අතර, පෝට්ටු බයියන්ට රෙද්දක් ඇඳගෙන අරුන් ආයේ දාගන්නත් පුපේ අමාරුවක් ඇතයි කියා මාතලන් හිතන්නේ නැතිය. එමෙන්ම නාමල් රාජපක්ෂ, අප්පච්චි කෑ පරිප්පු හා කළ 🐄 වැඩ කරන්න යයි කියා හිතන්නේත් නැතිය.

ඒ නිසා දැන් පෝට්ටු බයියෝ කළ යුත්තේ වහාම චන්දයක් තියැන්නයි කියා රනිල්ට බල කිරීමය. එවිට පෝට්ටු බයියන්ගේ නැවත නැගිටීමේ වැඩ සටහනට වටිනා කමක්ද එකතුවන අතර,

රංගේ බංඩාරලාගේ කටවල් වැසී, මේ දේශපාලන හිඟන්නන්ට අත්වන ඉරණමද උන්ටම බලා ගැන්මට ලැබෙනු ඇත්තේය.

එමෙන්ම ජාත්‍යන්තරයට හා අපේ උන්ටද, රටේ ජනමතය ගැන වැටහීමක් ලැබෙනු ඇත්තේය.

ඒ වගත් මෙසේය.....

.