නළාකරුවන්ගේ ඔපෙරාව - Opera of Bards

 

රජ ගෙදර රිලවුන්,

රටම කෑ සුනඛයින්,

කටු ලෙවන බැල්ලියන්,

මෙන් ගිරිය පුප්පා....

"මර හඬ" නඟා අසති,

රැඟුම් දැක, වැයුම් දැක,

ගැයුම් උන් සවන වැක,

වශීවු ජනයගෙන්,

කුමකටද වෙනසක්...,

පෙරලියක්, හැරවුමක්..,

මෙවන් රජදහනකට..????

යස ඉසුරින්ම පිරි,

කිරි පැණියෙන් ඉතිරි,

සුඛිත වූ..., මුදිත වූ...,

සව් සිරිය පහලවූ,

මෙවන් ලක් දෙරණ මත..

මුන් කළා කරුවෝද..?

මංකොල්ල කරුවෝද..?

කසී... සළු අන්දවා,

බුදුන්ගේ පරපුරේ,

දුටුගැමුණු පරපුරේ,

මහරජා පෙරහරේ..

හෙළුවෙන්ම රැගෙන යන..,

පහළ වී ඇත..

තොපිට නම්, තව්තිසා

බලාපිය...,

මෑත් කොට තිරය,

නෙත් යොමා සිව් දිසා...

බැහැපියව්...,

වාසලේ මුළුතැන්ගෙයින්,

කැසිකිලියෙන්, වැසිකිලියෙන්...

වරෙව් හයි වේ දිගේ...,

සුපිරි කාපට් දිගේ...,

සියක් අඩි කොන්ක්‍රීට් දිගේ...,

එයින් පසු වලවල් දිගේ,
නියර බඩ වැටි දිගේ....

බලාගෙන පය තබව්

ටයි කෝට්, ලැදර් ෂූස්, 

පන්ජාබ් සරුවාල, 

කාෂ්මීරයේ සාරි, 

පාජාවෙ සරම් පොඩි...

ගෑවේවී මඩ තල්ලි,

මහා ගොම්බෙටි තල්ලි,
අලි බෙටිද, බලු බෙටිද.....

බලාපිය හතර අත..,

එක වේල කා නැසෙන,

වකුගඩුව දිරා ගිය,

කන්න නැති, බොන්න නැති,

ඩොලර් දෙක, දිනට නැති,

ඇඟේ ලේ ධාතු නැති,

මන්දපෝෂණ යෙන් පෙලෙන.

නොම හිඟා.... හිඟා කන..

ඇවිදිනා ඇටසැකිලි,

සැරිසරති හාමතේ...

තොපි කළාකරුවෝද..?

එවන් වූ ජනතාව,

ගසා කන බදු වලින්,

ගිලිනා වූ රජ බොජුන්...

තොපි නළාකරුවෝය,

සංවේදි සිත් නොමැති,

ජන හඬක් ඇහෙන් නැති.

මංකොල්ලකරුවෝය.

කටු බුදින බල්ලෝය...

වෙනස් කම් සොයා යන,

සංවේදියැයි කියන,

කාළාකරුවනි තොපිද..,

සිඳු වුවොත්,

පතනා වෙනස...

තොපිද මේ උන් මෙන්ම,

නොම ගයා ප්‍රශස්ති......

ගයනු මැන ජන ගීත,

දින උදා වන තෙක්ම,

විමුක්තිය ජනයාට..!

එරෙහිවනු හොරකමට,

පහර දෙණු රජකමට...!!!

නොම වඳිනු දනින් වැටි....
නොදැවටෙනු සරම් වට,
කටු බුඳින සුනඛයින් මෙන්,
දියව් වටිනාකමක්...!
නොකොට අතවර, අපචාර....,
සරස්වති දේවියට..!!!

.oOo.